裝修工新年前沙田實體店微辣大排檔趕工 薪金至今仍未收到
微辣大排檔以「出位、搞笑、豪放、無底線」作賣點，節目推出以來深受大眾歡迎，除了推出他們自家啤牌外，微辣大排檔亦被發現已駐足沙田，準備開張。但最近有網民指，自己從事裝修行業，於農曆新年前因「大判趕工要新年前起貨，咁我就跟大隊每晚開夜做工程追趕進度，本來諗住新年前搵多少少錢過年，點知交貨後就發生第5波疫情，個客開唔到張就賴皮，話連同自己果幾間餐廳加加埋埋蝕咗好多錢，所以大判收唔到錢我哋就無糧出」。
農曆新年前至今已過2個多月，期間事主指一直均聯同其他工人找大判及客人追討，透過電郵至「微辣Manner」找其中一位主理人六毫子，但於過程中一直只有同一回應：「交咗畀律師處理」。追討薪無門，事主亦表示自己為「散工」並無簽約，手上只有「開工紀錄」，急急在網上請教網民意見，擔心「有汗出無糧出」。事件曝光後，即時引起網民「嬲嬲」，向事主提議找公證行出手，亦有網民指「今晚第一日開返堂食，即刻整Banner去門口，話唔定佢哋YouTuber會開Live」、「搵勞工處追請你嗰個判頭啦，上家唔找數唔等於個判頭可以拖你糧， 搵勞工處搞肯定易過你去陪個判頭追上家」！
同時，微辣負責人的社交平台亦被洗版，其後老闆之一的Jacky Lei親自回應，他指：「完全唔係事實，簡單講係工程公司無出糧畀工人，現深入了解中，晚點再出聲明，人善被人欺！我方一定盡力幫忙，咁樣真係無人性！」負責人回覆後，網民亦開始轉方向，希望微辣能為工人取，並指此為企業良心！
微辣Manner負責人六毫子出Post回應
及後另一名微辣老闆六毫子，亦在其facebook回應指，微辣大排檔為微辣的餐飲授權項目，經了解後得悉授權的合作公司，早已按合約向裝修公司付款，但工程出現極大問題，亦未能通過商場驗收，合作公司已向工程公司追究。微辣絕不容忍任何人拖欠薪金，也會盡力幫工人討回公道。
