【帝京酒店聖誕Staycation優惠】聖誕節就快到﹗你諗好節目未?想同家人至愛又飲又食,靜靜地歡度佳節?編輯部推介帝京酒店最新推出的「閃爍聖誕住宿優惠」,$1,650包一晚住宿及5道菜雙人聖誕大餐,唔使頻撲出街同人迫,就可以有個浪漫聖誕,最啱小情侶同傾唔停口的閨密。

撰文:Sasa|圖片來源:Sing

帝京酒店「閃爍聖誕住宿優惠」

Staycation很多時包自助餐,但今次帝京酒店的聖誕住宿優惠收費為$1,650起,是住房連Lion Rock五道菜節慶饗宴,單是餐飯已值過千蚊,換言之,加多$500有埋住宿,就聖誕來說,非常抵!平安夜一於手拖手check-in,然後四圍打卡留念,之後沖個涼,換件靚衫,舒舒服服落3樓的Lion Rock食飯。

客房簡約舒服,King size睡床任你碌,一夜好眠。
客房簡約舒服,king-sized睡床任你碌,一夜好眠。

禮遇包括:

  • 客房住宿一晚
  • 雙人Lion Rock 5道菜節慶饗宴(價值:$1,315.60)
  • 客房內免費觀賞任何收費電影頻道
  • 免費使用客房無線及寬頻上網服務

Lion Rock 有大列落地玻璃,可以遠望獅子山,入夜後,華燈初上,更加浪漫。
Lion Rock 有大列落地玻璃,可以遠望獅子山,入夜後,華燈初上,更加浪漫。

Lion Rock五道菜節慶饗宴 – 食材矜貴聖誕餐

很想知道帝京酒店的聖誕大餐有咩食?先來二選一的前菜:炸北海道鱈場蟹肉餅伴田園沙律或火炙油甘魚沙律;前者香脆可口,後者鮮味豐盈,一於一人一款,開心share。之後來一客帆立貝蘆筍芝士忌廉湯,奶香幼滑。再以百香果香芒雪芭清清味蕾,迎接主菜重頭戲「蒜香龍蝦尾、烤銀鱈魚及烤澳洲 M9 和牛配鵝肝牛油」。龍蝦鮮甜彈牙,銀鱈魚肉香細緻,和牛油脂甘香,大滿足!最後食埋朱古力樹頭蛋糕,甜甜蜜蜜,才算完美聖誕。

五道菜節慶饗宴原價8/位,如在12月20日前預訂,可獲85折優惠。
五道菜節慶饗宴原價$598/位,如在12月20日前預訂,可獲85折優惠。

氣球主題自助餐

相反,如果嚮往一個熱鬧聖誕,那就推介你試試自助晚餐。花月庭自助晚餐今年以氣球為主題,自助餐桌上將以氣球及小燈泡作裝飾,充滿節日喜慶感。食物方面,簡直花多眼亂:來自法國、美國的即開生蠔、冰鎮海鮮、手切原隻 36 個月西班牙伊比利亞火腿、松露牛油烤火雞釀意大利煙肉、松露野菌威靈頓牛柳、片皮鴨、斧頭扒、雙重芝士龍蝦闊條麵⋯⋯講都講唔完。

松露牛油烤火雞釀意大利煙肉

挑選20磅美國火雞,浸醃過夜,再釀入香炒過後的意大利煙肉、榛子、蘑菇、雞肝及意式麵包等餡料,在面層塗抹松露牛油新鮮焗成。雞肉吸收了醃料的鮮味,外皮香脆,肉質幼嫩。

松露牛油烤火雞釀意大利煙肉
松露牛油烤火雞釀意大利煙肉

冰鎮海鮮

海鮮是香港人自助餐最愛,即開生蠔、波士頓龍蝦、加拿大長腳蟹、麵包蟹、智利藍青口、新西蘭青口、加拿大翡翠螺及太平洋海蝦 ⋯⋯一應俱全。

冰鎮海鮮
冰鎮海鮮

36個月西班牙伊比利亞火腿

手切36個月由西班牙進口的La Prudencia風乾火腿,油脂豐富,配蜜瓜還是配西班牙脆包比較好味呢?

原隻36個月西班牙伊比利亞火腿 (12月24-25日期間供應)
原隻36個月西班牙伊比利亞火腿 (12月24日-25日期間供應)

即開生蠔

每晚都有兩款生蠔供應,法國蠔味濃,美國蠔爽甜,你喜歡哪一款?

即開生蠔
即開生蠔

雙重芝士龍蝦闊條麵

將忌廉、意粉一同放入直徑20吋的巴馬臣巨輪芝士上炒香,還加入鮮味的波士頓龍蝦,條條意粉都沾滿芝士汁,滋味無比!

雙重芝士龍蝦闊條麵
雙重芝士龍蝦闊條麵

爐端燒

平時食爐端燒,逐串計,很肉痛,現在一次過滿足晒!汁燒長蔥和牛卷、匈牙利髦毛豬肉串、柚子胡椒雞肉串、海膽醬燒青森產扇貝等等,還可自選配搭韓式香辣烤肉醬、日式大蒜燒肉汁及半溶芝士醬,正呀!

爐端燒
爐端燒

香草果仁烤美國安格斯斧頭扒

12磅原件美國安格斯斧頭扒,用百里香、開心果及紅、黑胡椒粒醃製後才焗製,肉香細嫩,非常juicy,必食!

香草果仁烤美國安格斯斧頭扒 (只限24/12、25/12及31/12供應)
香草果仁烤美國安格斯斧頭扒 (只限24/12、25/12及31/12供應)

吸睛甜品 相機先食

宇治抹茶柚子聖誕老人

不過講到最吸睛的,又怎麼少得一系列外形可愛,又有心思的主題甜品呢?高10吋的巨型主題蛋糕,造型仿照聖誕熊啤啤爬煙囪送禮物的其實是宇治抹茶柚子蛋糕,蛋糕內層是宇治抹茶牛油蛋糕、抹茶牛油忌廉及柚子朱古力忌廉層層相間,中間注滿M&M’s 朱古力,一切開,大量朱古力流出,叫人驚喜!以扭扭氣球聖誕鹿作裝飾的聖誕果子蛋糕,外觀cute爆,但做法傳統,啖啖都食到乾果香。聖誕薑餅人就食得多,脆脆榛子薑餅朱古力撻就比較少見,上面綴以朱古力製成的七彩氣球,好睇又好味。食之前,不忘影番張靚相,紀念一下這個色、香、味俱備的快樂聖誕。

宇治抹茶柚子聖誕老人
宇治抹茶柚子聖誕老人

聖誕果子蛋糕

以扭扭氣球聖誕鹿作裝飾的聖誕果子蛋糕,用上金提子乾、黑加侖子乾、橙皮、檸檬皮、杏仁浸泡於白蘭地酒達6個月作材料,酒香滿滿,香甜不膩。

聖誕果子蛋糕
聖誕果子蛋糕

脆脆榛子薑餅朱古力撻

薑餅人食得多,薑味朱古力撻原來仲好食。薑味朱古力撻皮,配榛子朱古力軟心餡,香濃幼滑,軟心內更混合了糖薑粒及榛子薄脆,帶咬口,配上繽紛的朱古力氣球,賣相可愛!

脆脆榛子薑餅朱古力撻
脆脆榛子薑餅朱古力撻

咖啡朱古力樹頭蛋糕

樹頭蛋糕以白咖啡朱古力慕絲、朱古力蛋糕、朱古力軟心製成,味道滲出濃郁朱古力香氣,又帶淡淡白咖啡香。

咖啡朱古力樹頭蛋糕
咖啡朱古力樹頭蛋糕

花月庭的buffet一向很受歡迎,聖誕節記得預早訂位。
花月庭的buffet一向很受歡迎,聖誕節記得預早訂位!

帝京酒店「閃爍聖誕住宿優惠」

  • 地址:九龍太子道西193號
  • 電話:2622 6110
  • 入住日期:12月24日-26日
  • 詳情:包客房住宿一晚、雙人Lion Rock 5道菜節慶饗宴,收費為$1,650起。
  • 備註:另設加一服務費;同房登記住客享用五道菜節慶饗宴,只需每位另加淨價$559;受條款及細則約束。
  • 查詢網址:http://p.nmg.com.hk/cdwx15

 

花月庭「Joy to Royal Plaza Hotel」自助晚餐

  • 供應日期:12月24日-26日、12月31日及2021年1月1日
  • 訂座電話:2622 6154
  • 收費:$518起/位
  • 備註:設加一服務費;凡於平安夜及聖誕節惠顧花月庭自助晚餐,每位客人可免費獲贈 Eurobeauté 水光嫩肌體驗套裝1份;受條款及細則約束。
  • 查詢網址:http://p.nmg.com.hk/hjkuv4

 

Lion Rock五道菜節慶饗宴

  • 供應日期:12月24日-26日
  • 供應時間:6:00pm-9:30pm
  • 收費:成人$598/位;5-11歲小童$388/位
  • 備註:設加一服務費;12月20日或之前預訂可享 85 折優惠;受條款及細則約束。
  • 查詢網址:http://p.nmg.com.hk/fstuv1