外國人試香港3間沙嗲牛肉麵　批評：嚿肉細到唔知用咩量詞

澳洲人以親身角度試食香港3間沙嗲牛肉麵，有連鎖店、懷舊老店、街市中的小店，就湯、肉、麵質3方面評分，全片長21分鐘都是用標準廣東話解說，不少網民都指食評誠實，唔好食就話唔好食，更大讚他的廣東話夠地道！

沙嗲牛肉麵｜01  大快活：失望湯

澳洲人第一間就去了香港連鎖店大快活食沙嗲牛肉麵下午茶（$33），他指湯底好淡，沙嗲味不突出，閉眼會以為是一般清湯，然後將醬汁 攪均後有比較好。同時湯底豆角作配菜，「一啲都唔香港」，最後用「失望湯」去形容。

肉質方面，不是粗糙的肉，腍腍的，不太薄。麵質正常發揮。

沙嗲牛肉麵｜02 德如茶餐廳：嚿肉細到…

60年老店「德如茶餐廳」買了一碗午餐肉拼沙嗲牛肉麵（$46），湯底多沙嗲汁，好味，但肉質好薄、好碎，指「嚿肉細到唔知用咩量詞」，而麵腍但吸了湯底的味道，好味。

沙嗲牛肉麵｜03 誠記：唔係沙嗲牛肉麵界嘅Prada

最後去了堅尼地城熟食中心的誠記，叫了一碗沙嗲牛肉麵（$43）。沙嗲牛肉麵湯底是沙嗲湯，但入口並沒有濃郁的感覺。牛肉就似「譚仔豬膶咁薄」，全塊肉幾乎都是脂肪，最後用「失望肉」去形容。

麵質好正，有沙嗲味之餘，軟硬適中！但都有缺點，所以「一定唔係沙嗲牛肉麵界嘅Prada」。

綜合而言大快活完勝！

外國人以食物、價錢以及整體質素評分後，他認為大快活是排行第一位，事關價錢平民。

網民：用詞好香港

網民觀看後都不得不配服外國人流利的廣東話：「講dxx，唔係講fxxx講sxxx」、「雖然有啲口音，但係啲用字好地道」、「講得勁好，無傳統鬼佬講廣東話嗰啲聲調」、「用字仲好貼地，同大部分都用得啱」、「好過癮，失望湯、失望肉」、「世一都識講」等等。