【香港屋苑鬼古】以前細細個最鍾意講自己學校有好多鬼,但大家有冇諗過,其實你所住的屋苑都分分鐘有「朋友」?不過香港土地問題嚴重,有人話排凶宅易上樓,寧願入住有問題公屋都唔瞓街!

撰文:環球膠報|圖片來源:維基百科、巴打絲打「11靈異怪談」facebook club|編輯:師姐blog開野@Central、[email protected] (原文刊於《新假期》)

香港4大屋苑鬼古

講起凶宅,就一定會諗起屋苑鬼古,以前夜晚聽電台講鬼古好過癮,不過而家已好少人聽電台喇!不過靈異古仔真係長青題材,講極都講唔完。有人喺facebook group講起「香港邊個屋苑最邪」,引起一班靈異迷講出自己個屋苑嘅古仔。

有網民係facebook group講起「香港邊個屋苑最邪」,引起一班靈異迷講出自己個屋苑嘅故仔。
有網民喺facebook group講起「香港邊個屋苑最邪」,引起一班靈異迷講出自己個屋苑嘅古仔。

1.柴灣 漁灣邨

柴灣漁灣邨
柴灣漁灣邨

網友分享,有次返屋企,點知行出升降機開始就覺得有人跟住佢,但成條走廊得佢一個行,行到一半覺得後面跟得佢好近。一擰轉頭望,都未擰晒,就望到牆上好似有個黑影攬埋嚟,當時佢成個人震晒,開始腳軟。但事實係冇人,之後就極速返屋企。

漁灣邨住戶真實分享
漁灣邨住戶真實分享。

網民分享話行出升降機開始就覺得有人跟住佢,但成條走廊得佢一個行。
網民分享話行出升降機開始就覺得有人跟住佢,但成條走廊得佢一個行。

擰轉頭望,牆上好似有個黑影攬埋嚟。
擰轉頭望,牆上好似有個黑影攬埋嚟。

漁灣村年年有人跳樓
漁灣村年年有人跳樓。

網友試過家姐出咗去冇返屋企一段時間,有晚聽到家姐把聲喺門口嗌佢個名,叫佢開門,佢同老竇講,老竇話冇,點都唔肯開門。但網友一直聽到家姐叫佢開門,最後老竇開門畀佢睇,乜人都冇,嗰陣佢突然好驚,驚到衝上床係咁喊,佢老竇話唔係家姐,仲話過咗5點(凌晨)就冇事㗎喇!

網友話佢屋企試過夜晚有人敲門。
網友話佢屋企試過夜晚有人敲門。

有人試過行唔返4樓。
有人試過行唔返4樓。

即使屋苑附近的公園亦十分靈異。
即使屋苑附近的公園亦十分靈異。

2. 屯門 友愛邨

屯門友愛邨
屯門友愛邨

網友住喺最盡頭嗰個單位,打橫一排其他單位,好記得有晚係農曆七月十四,當晚6點幾佢媽咪煮緊飯,屋企打開木門,當年屋邨個個都係開住木門的。佢坐喺門口隔離梳化睇電視,突然好大聲「嘭」一聲撞向我鐵閘,就好似有個足球踢過來,佢即起身望,冇人!鐵閘仲郁緊⋯⋯就算有人由門口跑去樓梯走都有3個單位距離,冇可能佢一望係咩人都冇⋯⋯

突然好大聲「嘭」一聲撞向網民鐵閘,就好似有個足球踢過來,佢即起身望,無人!
突然好大聲「嘭」一聲撞向網民鐵閘,就好似有個足球踢過來,佢即起身望,冇人!

有一晚,呢個超驚,網友瞓瞓下好似醒咗,感覺自己好似成個人慢慢升起咗,佢好大力想瞓番落床但唔得,之後個人瞓住咁轉圈,轉咗一個圈,又慢慢落番去,仲有把男人聲講好唔好玩,之後感覺到自己瞓番落床,就即郁得番,即刻轉身打側唔敢郁,驚到天光⋯⋯

網友瞓瞓下好似醒左,感覺自己好似成個人慢慢升起左,好大力想瞓返落床但唔得,之後個人瞓住咁轉圈。
網友瞓瞓下好似醒咗,感覺自己好似成個人慢慢升起咗,好大力想瞓番落床但唔得,之後個人瞓住咁轉圈。

仲有把男人聲講好唔好玩,之後感覺到自己瞓返落床,就即郁得返
仲有把男人聲講好唔好玩,之後感覺到自己瞓番落床,就即郁得番。

曾有紅衣女士跳樓。
曾有紅衣女士跳樓。

3. 觀塘 秀茂坪

觀塘秀茂坪
觀塘秀茂坪

網友聽媽媽講過一件很邪的事件,佢父母以前經常去某一座飲茶,識到另外兩公婆,每早必定一起飲茶暢談,但有成個月沒有見到他們,心中覺得奇怪,終於有一朝早只見到老婆沒見到老公,網友媽就問她的老公如何,為何他不來飲茶,她很傷心地說她老公死了,他們家住38座16樓,她說有一朝早起床看到有一條好大的蛇在廚房裡打蛇餅,他們很驚,於是煲了一煲滾水倒在蛇上想淥死牠,蛇是死了,但到晚上,她的老公也死了,網友媽說那條蛇是找替身,來索命的,有靈邪附在蛇上,聽完當堂毛管棟。

蛇找替身,來索命。
蛇找替身,來索命。

曾發生鬼上身。
曾發生鬼上身。

電影《三五成群》阿雞在秀茂坪被害。
電影《三五成群》阿雞在秀茂坪被害。

4. 荃灣 綠楊新邨

荃灣綠楊新邨
荃灣綠楊新邨

網友嗰時讀緊小學,係住16樓,放學搭電梯返屋企係一個人,佢撳咗16樓之後,升降機居然停咗喺9樓。開咗門但冇人嘅,以為關咗門會上番16樓,點知落咗地下。再撳番16樓返屋企,又係喺9樓開門,又係冇人嘅,又自動落咗地下。嗰陣仲未知咩事嘅,個看更叫佢搭第二部,終於返到屋企。返到去同屋企人講佢撞鬼,升降機停咗喺9樓上唔到嚟,屋企人唔信佢,之後聽番,原來9樓有個婆婆過咗身,之後屋企人先信佢撞鬼!

升降機停咗喺9樓上唔到去,原來9樓有個婆婆過咗身。
升降機停咗喺9樓上唔到去,原來9樓有個婆婆過咗身。

相傳是葵盛西邨。
相傳是葵盛西邨。

冇樓住可怕定屋苑鬼古可怕?

上面的屋苑邊個最邪就真係唔知喇,亦都唔想知。不過,最尾有巴打突破盲腸話:「我怕冇樓多過怕住凶宅囉!」你話香港人幾咁可悲!

香港人寧可住凶宅,亦不想無樓。
香港人寧可住凶宅,亦不想冇樓住。

Tags :