步入秋天,又到行山郊遊的時間。行山健康之餘,最好就有景可以影張靚相呃like。今次找來一條有3大影相位的輕鬆行山路線,從灣仔出發,由市區走入山中。先去尋找公園內的隱秘小木屋,影出來超有歐洲童話feel。再走到 香港仔水塘 ,水塘分為上下水塘兩部分,相中的是上水塘,最特別的地方是大壩下有條小石橋,想試試近距離看水壩,一定要來看看!未完未完,最後記得去埋香港仔下水塘,站在山水之間,影文青相。

撰文:Jumbo  │ 攝影:Tony、Jumbo、新傳媒資料室(原文刊於《新假期》)

記者Jumbo郊遊手記

日期:2016年11月4日
出發時間:11:00am於灣仔峽道起步,到達香港仔上水塘時間約12:10pm
完成路線時間:1:00pm在香港仔搵食
難度:★★☆☆☆
辛苦度:★★★☆☆
靚相度:★★★☆☆

挑戰11度長命斜 尋找隱秘影相位

灣仔給人感覺像石屎森林,原來都可以郊遊行山!在舊灣仔郵政局旁,有條被途人忽略的小路,沿著小路走,便可以由繁忙的市區走入清靜的山徑。灣仔峽道十分陡斜,斜度達11度,連一向有行開山的model 都走到氣來氣喘,不過幸好全是石屎路,就算著普通波鞋都行到。

11:00am:由舊灣仔郵政局出發

11:20am:寶雲道公園休息

11:40am:Checkpoint 1-隱秘童話屋

行40分鐘左右,便到了第一個checkpoint 灣仔峽公園。亮點在入口附近有間小屋,它的門前長滿矮樹和花草,就像隱身在大自然中的童話小屋一般,要細心找找啊!

11:40am:Checkpoint 2-探索警隊歷史

除了到公園打卡拍照呃like 外,附近的警隊博物館只是5分鐘腳程。館內分為歷史展覽廳、三合會及毒品展覽廳、警隊今昔展覽廳等3個部分,有過往的制服、 裝備、槍械等等,還有三合會的入會儀式的模擬祭壇,好有趣!

12:10pm:Checkpoint 3-走入水塘石橋睇古蹟

參觀完便可沿香港仔水塘道前行,之後的路都是下坡,可以邊與友人聊天邊吹涼風。行多20分鐘左右便到達上水塘,看著平靜的水面和藍天白雲,隨便影都是文青靚相。影完記得落水壩石橋近距離觀賞水壩。

慢行石梯路 去綠水油油的下水塘

以為上水塘和下水塘風景應該差不多?少年你太年輕了, 下水塘雖然比較細,但水較清澈,一邊是綠油油的清水,另一邊可遠眺香港仔的高樓大廈。由上水塘走往下水塘的路徑較難行,先要從上水塘旁陡峭的樓梯向下走,不過這裡有欄杆讓大家攙扶,接著便會走到石塊與水泥混合的小路。走約10分鐘便到目的地。

12:30pm:Checkpoint 4-水塘橋上影文青相

下水塘建於1890年,前身是私人水塘,後來被香港政府買下,改建為公用水塘,其水壩更是法定古蹟。打龍之餘,不妨好好欣賞一下這個有超過百年歷史的建築。

Checkpoint 5-去香港仔搵食

推介 1:同老街坊飲茶 茶餐廳食一盅兩件

香港仔找美食不是易事,問問香港仔朋友有甚麼好介紹?他毫不猶豫便介紹了「周記茶餐廳」。 不要以為又是茶記,食西多、公仔麵和碟頭飯, 點心和盅飯才是它的主打。門口處放了大大小小的蒸籠,有包點、腸粉等,好似走進時光隧道, 到了舊式茶樓般。而且價格亦相當親民,珍珠雞都只是$10一籠,難怪店內總是坐滿了老街坊, 星期六、日更會有人龍!

周記茶餐廳
地址:香港仔香港仔大道154號(顯示地圖
營業時間:5:30am-3:00pm
電話:2552 5260
備註: 不設加一,茗茶$3/位(星期一至五);$4/位(星期六、日及公眾假期)

推介 2:菠蘿包任揀餡料 中西合璧茶檔

幾年前,屏山華嫂因創出菠蘿包漢堡而爆紅,其後有幾間茶記都紛紛效法。香港仔有間茶檔都有得食,你更可以任選火腿、煙肉、午餐肉、炒蛋、芝士等餡料夾在菠蘿包中,而且選雙拼都只是$26,超平!另有超地道的小食, 如蜜汁豬肝、瑞士雞翼等,夠晒貼地!此外,亦有炸雞髀配紅菜頭沙律、英式早餐,又港式又西式, 真的是非一般的港式茶檔。

快樂茶檔

地址:香港仔舊大街120號兆群大廈7A地下(顯示地圖
電話:2555 8225
營業時間:星期一至五7:00am-7:00pm;星期六、 日7:00am-6:00pm
備註:不設加一

香港仔水塘

交通: 去程乘港鐵到灣仔港鐵站B出口,步行至灣仔峽道。回程可到香港仔巴士總站,有前往中環、銅鑼灣及九龍灣等地區的巴士。
備註:帶備蚊怕水及足夠的飲用水。

相關文章