香港 迪士尼黑色世界,一向都適合一班細膽、易驚又要玩 Halloween 嘅人去,可以感受 Halloween 氣氛,又唔會太嚇人!香港 迪士尼黑色世界 自上年已經無咗鬼屋,不過大家總係有段成長的「驚」歷,今年出發去迪士尼之前,一於回顧下以前既 黑色世界 先啦!

文:Sammi / 圖:網上圖片

01 | 2016 年 – Disney Halloween Time 反轉迪士尼

「Disney Halloween Time – 反轉迪士尼」將於 2016年9月15日 降臨 香港迪士尼樂園! (1)

今年 9 月 15 日至 10 月 31 日,一連 47 天俾大家投入迪士尼故事中的黑暗世界!化身成「萬聖之王」的米奇及「萬聖之后」米妮,會舉辦一個盛大派對,歡慶萬聖節。當然,一眾迪士尼惡人會一年一度咁出現係大家面前,佢地仲會同米奇、米妮聯手反轉樂園,所以夜晚記得睇「迪士尼惡人大出巡」。

點樣反轉迪士尼?

樂園的「展藝館」會變成「詭夢實驗室」,大家將會遇上經典迪士尼故事的惡人,展開一場疑幻似真的迷離旅程。幻想世界的「夢想花園」都會變成「迪士尼惡人花園」。今年「飛越太空山」都改造成「星戰極速穿梭」,以前「飛越太空山」係萬聖節期間都會有特別效果,唔知轉咗做「星戰極速穿梭」又會有咩效果呢?

今年 Gelatoni  加盟香港迪士尼,所以會有更多現 Duffy 同 Gelatoni 的產品,大家記得去望下喇!

「Disney Halloween Time – 反轉迪士尼」將於 2016年9月15日 降臨 香港迪士尼樂園! (2)

02 | 2015 年 – 詭城玩失蹤

失蹤於「詭影迷離莊園 」、迷走於「詭迷灰熊山谷」、迷失於「森林河流之旅 ─咒石迷蹤」,主要都係請了一眾的演藝人員為大家表演劇場和與大家互動,而上年已經無咗鬼屋,唔知今年會唔會強勢歸來呢!

2015 黑色世界 綠光迷離

disneyland halloween
成型白色嘩鬼企定定唔郁,我仲驚呀!

03 | 2014 年 –  迪士尼黑色世界

2014 年係第一年推出「迪士尼光影匯」,暫時取替咗「迪士尼惡人大出巡」。

15541574001_5d2276d801_c

而且有一個全新節目「亞馬遜驚魂」,請來藝人陳國邦喺原野劇場上扮演探險家 Jonas Brisbane,向大家講係亞馬遜森林的歷險之旅中發生嘅怪事。

20140917095704109

 

04 | 2013年 – 好玩.唔好叫

2013年,香港迪士尼加入新玩法,係大家玩或者參與活動都唔可以叫!而且係 2013 年加入的活動都有延續到2014 年舉行,包括黑色嘉年華「異」演及大頭寶寶。黑色嘉年華「異」演包括「火焰神」、「冰女王」、「蝙蝠紳士」、「黑鳥夫人」、「瘋骨妖姬」和「森武士」逐一表演過後,可以同大家合照,大家又有無同佢地影過相?

20130928114008433

仲有反斗奇兵大本營的「大頭寶寶」現身俾大家影相打卡!2016 年 都會出現架!

20140829022132854

05 | 2012年- 殭屍戰狼人

2012年,香港迪士尼樂園請到 Angelababy  代言,大玩殭屍同狼人,仲會問賓客加入殭屍隊定狼人隊!

殭屍隊
殭屍隊

狼人隊

仲有「詭墳學院」全新登場,依間鬼屋到 2014 年都仲可以玩到,可惜 2015 年已經無咗,唔通詭墳學院真係咁恐怖?當時開辦史上最驚人的全新課程,重點培訓未來的魔界鉅子,你又有無入學呢?

Grave Academy (1)

06 | 2011年 – 「頭」入 迪士尼黑色世界

以「斷頭騎士」為主題,傳說中的「斷頭騎士」首次現身香港迪士尼樂園,騎著馬穿梭「舊美國人間鬼鎮」尋回他失去的頭顱!小心你個頭呀比佢拎咗呀!

2011

全新登場的「黑色馬戲班」的鬼屋,班主訛稱持有「斷頭騎士」的頭顱,惹禍上身成為復仇目標,引發怪事連篇!當然仲有 2007 年推出的大街詭異酒店。探險世界亦被東南亞各國鬼怪霸佔,化身鬼影幢幢的「咒怨黑森林」;明日世界亦會大開「明日世界怪誕夜」狂歡派對,為賓客準備好一連串精彩的街頭表演!

「迪士尼黑色世界2011」官網 003

07 | 2010 年 – 黑魔后做主角

睡公主入面的奸角—— 黑魔后,除咗係早前《黑魔女:沉睡魔咒》擔正做主角之外,其實係 2010 年 ,佢已經係迪士尼黑色世界嘅主角。黑魔后都幾勁,可以打敗咁多位的奸角,大家 2010 年又有無去玩呢?

「迪士尼黑色世界 2010」官網 001

黑巫婆為展示她的魔力,將會以怒火把煙火化為魔咒,上演全新的「魔咒焚城」煙火表演。入夜後,滿天瀰漫煙火魅影,在淒厲笑聲及強勁音樂襯托下,睡公主城堡將被荊棘、鬼魅、蜘蛛和火焰吞噬,在上空發放從未見過的魅影煙火,將「迪士尼黑色世界」的氣氛推向高峰!

「迪士尼黑色世界 2010」004

08 | 2009 年 – 宇宙深寒

2008 年以外星人為主,講有股黑暗力量變本加厲,神秘能量甚至擴散至宇宙的深處.吸引一群深不可測的外星異類(其實好唔迪士尼呀!)。當時大家有無俾一班外星人威脅,發生咗啲不能解釋嘅異象及離奇的怪事呢?

2009

 09| 2008 年 – 森魔詭域

「入去容易,出去…」,2008 年嘅主題就係「森魔詭域」,係當時新加入的鬼屋!探險世界是森林魔怪重點出沒的地點!其中最驚險刺激的,莫過於集盜墓、尋寶和逃生元素於一身的「森魔詭域」。這是擁有全新故事背景及劇場佈置,獨一無二為香港迪士尼樂園而特別設計的娛樂體驗。

迪士尼黑色世界 2008 - 001

迪士尼黑色世界 2008 - 012

10 | 2007年 – 大街詭異酒店 陳奕迅代言

香港迪士尼樂園開幕兩年後,第一次舉辦「黑色世界」來慶祝萬聖節。原來係由陳奕迅做代言人。

2007 disney

當時香港迪士尼可能想試下反應,所以得一間鬼屋,就係大街詭異酒店。準備工作都做得好足,預告片係有完整版的故事設定,令到大家可以玩得更投入。同時仲推出夜光鬼魅巡遊,講到「黑色世界」的代表,米奇都會表示,主角不是我。因為係由「怪誕城之夜」主角阿積負責!係巡遊入面,阿積仲係做領航角色,而且係香港迪士尼樂園第一次喺夜晚舉行巡遊。

2007 disney 1

萬聖節期間,「飛越太空山」變成了「驚心動魄太空山」,為極速過山車體驗加入更多毛骨悚然的 3D 立體影像效果及似有還無的詭異音樂,每個急彎皆鬼影處處,眼前景象令人不寒而慄!

2007 disney 2


 

website_fb