每次一到假期, 長洲 經常迫滿人,無論是旅客還是香港人,都好鍾意搭船入長洲玩。全因為長洲有靚景睇,又有嘢玩,最重要係多美食。想樣樣都食下,掃街就最啱啦。今次就推介 6 款必掃 長洲小食 比大家!

(編按:本文刊出後,有長洲居民表示並不認同,深感市民因傳媒推介而「迫爆」長洲實在荒謬,,小島的船程班次不勝負荷,大家決定行程前,請先看看原居民的意見

1. 自家製小食 人氣梳乎雪批

長洲這家主打手工曲奇的小店,人氣食品就係梳乎雪批!雪批以兩層厚身而鬆軟的,看似銅鑼燒般的蛋糕仔,夾著不同口味的雪糕,一次過充滿你兩個願望。蛋糕及雪糕全部都是新鮮自製,仲有多款口味添!除了必試的綠茶紅豆、朱古力脆脆等大路又大熱的口味之外,更有時令的限定口味,例如:金枕頭梳乎雪批,重口味人士可以試下!

綠茶紅豆梳乎雪批 $13 紅豆量少但綠荼味算特出!

(左)朱古力脆脆梳乎雪批 $13 (右)雲尼拿籽梳乎雪批 $13

熊屋
地址:長洲大新後街114號地鋪 (顯示地圖
電話:6075 9838
營業時間:10:30am – 8pm

2. 完美新配搭 芝士紅豆餅

長洲的紅豆餅可能大家都唔陌生,但唔知芝士紅豆餅大家又有無試過?新鮮出爐熱辣辣的鬆餅,再配上足料芝士餡,必試!

鬆餅食得附,紅豆餅就更加食得多,不如試吓再加啲芝士,兩塊芝士夾住紅豆餡,完全想像唔到又鹹又甜嘅味道,都幾得意。

故鄉俱樂部
地址:長洲教堂路17號地下 (顯示地圖
電話:2981 5038
營業時間:13:00-22:00

3. 最潮小食 炸芒果糯米糍

次次入長洲都一定要食芒果糯米糍,近期賣到出市區都有得食!今次搞搞新意思,試食炸芒果糯米糍!當然唔少得仲有炸榴槤糯米糍可以揀啦。呢個炸糯米糍賣點仍然係大大粒芒果,咬落啖啖肉,口感唔同炸雪糕,可以一試。

海傍美食店‬
地址:長洲海傍路30號地下 (顯示地圖
電話:2981 9638

營業時間:07:00-14:00

4. 巨人的雞髀 大過你塊面

呢間長洲小食店賣的雞髀件件都比平常的大,好似去咗巨人國咁!記得不好獨自吃一份啦,唔係實肥到食唔落其他野!

新照記茶餐小食店
地址:長洲東灣道18號(顯示地圖
電話:2986 9006
營業時間:11am – 7pm

5. 唔食都要影下!得意窩夫

香港地,唔食都要有得影下,先至抵食!呢間食店製作的窩夫,款款造型都咁得意,要呃like無難度。而且窩夫份量十足,比手還要大,仲有花生醬/煉奶/牛油任加。

(左)鬆弛熊格仔餅 (右)Hello Kitty窩夫$20/份

可選擇有紅包餡或無紅包餡。 便便和魚仔燒 $8/份

用明火煮食爐整格仔餅雖然甚有睇頭,但壞處是難以控制火喉,容易燒焦。

多多美食(金毛雞蛋仔)
地址:長洲新興海傍街81號地下(顯示地圖
電話:2981 2818
營業時間:星期一至日 6am – 10pm

6. 落山掃街 車仔宵夜街

長洲九點後晚市餐廳較少,幸好等到十時半後便有宵夜車仔出沒,在碼頭一帶形成一條宵夜街。食物味道平實,但風味十足。記者最喜歡近屈臣氏的蠔仔粥檔,當然還有其他車仔檔賣串燒、碗仔翅等,過夜必試。

宵夜車仔不定時開檔,能否吃到很看運氣,通常周未比較有「保證」。