遲來的春天始終要來,以為天氣回暖可以出走?少年你太年輕了,實情係回南天殺到,霧鎖香港又濕濕漉漉。放假戶外活動搞唔成,宅在家又唔甘心,不如踩落銅記喪玩 室內活動 。皆因近月銅鑼灣開了數間抵玩好去處,必去新開貓café同平價Game Centre,幾十蚊有交易,啱哂我地呢班窮苦打工仔,過一個低消費周未。

text: Keith |   Photo:Him(原文刊於新假期雜誌)

1. 3000呎Game Centre  $50一粒鐘任玩10樣娛樂

一大班人搵地方攝時間係千古難題,記得細個必去網吧同唱K,可惜近年已經買少見少,仲要在旺區銅鑼灣真係難上加難。幸好最近銅記開了一間勁抵玩綜合遊戲中心Combo,針對學生同打工仔,力sell一個價錢十種娛樂,只要畀幾十蚊就可以任玩一個鐘,啱哂一大班人攝時間。遊戲中心主打多人活動,除篤波飛標麻雀機及Board Game外,更有近年熱爆的桌上足球。不過記者最鐘意都係VR遊戲,原本幾千蚊先買到的現在幾十蚊就玩到,一個字抵。Combo由一班80後開設,他們之前已在同一大廈搞室內War Game場Lasermads,開業不足半年已經回本,故加碼再開3000呎Game Centre,兩間中心更有聯合折扣,每人畀幾十蚊就有地方Hea又有得玩,真係抵到爛。

桌上足球近月熱爆室內遊戲界,最啱一大班人玩,鬥智又鬥力。
桌上足球近月熱爆室內遊戲界,最啱一大班人玩,鬥智又鬥力。

玩完放大版桌球,搵人挑機正常版都唔錯,設備光鮮企理,抵讚。
玩完放大版桌球,搵人挑機正常版都唔錯,設備光鮮企理,抵讚。

場內都有細路啱玩,必試賽車軚盤,真嘅一樣。另一必試,Model玩鬼屋VR遊戲嚇到大叫,另有過山車又係超逼真。
場內都有細路啱玩,必試賽車軚盤,真嘅一樣。另一必試,Model玩鬼屋VR遊戲嚇到大叫,另有過山車又係超逼真。

想同人迫可以包VIP房,內有麻雀機及一大堆Board Game任你玩。一般收費$1,000/2 小時,學生收費$800/2 小時,最多20人用。
想同人迫可以包VIP房,內有麻雀機及一大堆Board Game任你玩。一般收費$1,000/2 小時,學生收費$800/2 小時,最多20人用。

Combo Entertainment
時間:星期一至四3pm-12mn、星期五至日12nn-12mn
地點:銅鑼灣怡和街英光大廈4樓
費用:$35/小時(學生)、$50/小時(成人)
查詢:2203 4277
備註:Lasermads位於同大廈11樓,$98一局,約20分鐘。

2. 90後市集搞手 樓上小店寄賣「空間」

空間在香港,從來也是一個問題。想找個地方坐下,很難,不用錢的公共空間,更難。三個熱血90後,一年前看到自小長大的西環變天,「看到西環租金升,小店亡,希望搞市集叫人關注舊區。」結果一搞就是10多場。但市集風氣開始變質,人們變了「行」市集,買賣雙方零交流,租金壓力又令手作人難以發展,店主們決定以月費唔抽佣,「出租空間」助港產,寄賣的都是有故事的手作產品。最特別是店中有位唔用,留有一大張空枱及三個大咕?,原來店主特意開放成公共空間給公眾使用,更有免費Wifi,只為解決「土地問題」,令人有地方Hea下。原來一句到尾土地不是問題,是人的問題。

曾經有中學妹妹在店中「空間」做功課,店主Heison及Mark化身補習哥哥指導。(左起:Heison、Mandy、Mark)
曾經有中學妹妹在店中「空間」做功課,店主Heison及Mark化身補習哥哥指導。(左起:Heison、Mandy、Mark)

做咩姐你 耳環 $45 扣針$25 由一個仲考緊DSE的女學生親手造,設計有點童真又帶點青澀。
做咩姐你 耳環 $45 扣針$25 由一個仲考緊DSE的女學生親手造,設計有點童真又帶點青澀。

小久工場 香港風Postcard $15渠王經典街頭塗鴉postcard(左)、六合彩postcard (右) 唔好誤會係真‧六合彩票,像真到極高小心填錯。
小久工場 香港風Postcard $15渠王經典街頭塗鴉postcard(左)、六合彩postcard (右) 唔好誤會係真‧六合彩票,像真到極高小心填錯。

Wewearwood 木戒指及動物擺設 $70及$100 品牌專門回收紅酒箱再生戒指等手作,細看下還能看到酒箱字樣等痕跡。
Wewearwood 木戒指及動物擺設 $70及$100
品牌專門回收紅酒箱再生戒指等手作,細看下還能看到酒箱字樣等痕跡。

(左)Maiden Totebag $298 布袋以幾何圖案設計,用上皮革封底夠穩陣。(右)小久工場 懷舊麻質米袋 $58 超吸睛,但size細用來裝鞋及雜物較好。
(左)Maiden Totebag $298 布袋以幾何圖案設計,用上皮革封底夠穩陣。(右)小久工場 懷舊麻質米袋 $58 超吸睛,但size細用來裝鞋及雜物較好。

LOCOLOCO Concept Store
地址:銅鑼灣富明街寶富大樓3樓K室
營業時間:星期一至五1pm-9pm、星期六、日2pm-10pm
查詢:3493 4691

下一頁:愛貓之人必去新開Cafe

3. 貓奴新蒲點 零距離同主人玩遊戲

銅鑼灣從來都是女人的天堂,男士如我只有Shopping陪企的份兒,唔想咁惟有搵個地方同女朋友坐一坐。平價Game centre也許不是女友所好,好在銅記又有新開貓Café。小店裝修行日本風木系格調,打龍一流之餘,食物非常高質,仲有8隻貓店員陪住你食野。Café主打與貓共融,舖仔雖然細細,但就拉近人貓距離,在店主特意設計下,店子少見空隙,主人們少左地方匿埋,而且店中主打榻榻米座位,隨時都有貓貓走近,實行零距離接觸。全店8隻主人名字都超有特色,如張志明同野口同學,除左2隻老貓掛住瞓,其餘6隻小貓超活躍,部分更會主動睡在客人腿上取暖。主人們咁得意,女朋友一定唔會詐型啦。

貓貓超為食,一見飯碗即刻蜂擁而上,不過為免主人過肥,貓小食供應有限 。$25一碗
貓貓超為食,一見飯碗即刻蜂擁而上,不過為免主人過肥,貓小食供應有限 。$25一碗

(左)友善大使野口同學,一望佢就主動走到記者腿上取暖,超嗲。(右)貓界靚仔張志明,可能見到靚女Model怕羞,叫極都唔應。
(左)友善大使野口同學,一望佢就主動走到記者腿上取暖,超嗲。(右)貓界靚仔張志明,可能見到靚女Model怕羞,叫極都唔應。

店內行木系和風,落地大玻璃同榻榻米影相一流。
店內行木系和風,落地大玻璃同榻榻米影相一流。

高質貓Café  貓咪伴食水準甜品

貓Café通常主打玩貓,食物不好吃是常識吧,記得試過一間竟是吃叮叮意粉。不過新開café食物超有心機,由店經理Winnie主理,水準不比街外餐廳差。招牌菜一定係二人甜品套餐,人均百多元就可試齊9種自家製甜品,賣相仲要超靚,相機忍唔住要食先。咸食選擇亦夠多,冷烏冬同酒釀雞翼夠飽肚,唔怕餓親。溫馨提示貓貓超為食,小心「偷襲」。

招牌二人甜品拼盤 $280 一上枱,嘩一聲!想不到貓Café都有高質甜品,賣相勁吸睛,相機食先是常識吧。
招牌二人甜品拼盤 $280 一上枱,嘩一聲!想不到貓Café都有高質甜品,賣相勁吸睛,相機食先是常識吧。 上行左起: 朱古力香蕉、綠茶蛋糕、朱古力脆米、木糠布甸、燒棉花糖 下行左起: 鮮果撻、冰凍楊枝金露、綠荼雪糕伴小丸子、吐司配綠茶奶醬

(左)焗咸牛肉芝士蘑菇番茄寶盒 $48 份量較少,但餡料炒得夠香,芝士更可拉絲。(右)自家調配昆布汁稻庭冷烏冬 $68 夏天食一流,自家昆布汁濃而不過咸。
(左)焗咸牛肉芝士蘑菇番茄寶盒 $48 份量較少,但餡料炒得夠香,芝士更可拉絲。(右)自家調配昆布汁稻庭冷烏冬 $68 夏天食一流,自家昆布汁濃而不過咸。

細心位,每隻貓貓都有個人資料方便客人了解,門口更有除毛器吸走貓毛。
細心位,每隻貓貓都有個人資料方便客人了解,門口更有除毛器吸走貓毛。

Mr. & Mrs. Cat Café
地址:銅鑼灣富明街寶明大廈1樓電話:5116 1244
營業時間:2pm-11pm
備註:建議預先訂位

延伸閱讀:

假日好去處 | 蒲台島 4 大名勝

香港郊遊 | 海外傳媒點評!4 大特色 行山徑

香港單車遊 | 週末5大單車路線推介 | Skyscanner