新年話咁快又到啦!每年的年初一指定活動當然是觀賞花車巡遊,無論是大人定小朋友,都一樣要感受熱鬧的新年氣氛。今年旅發局將花車巡遊設計成大型遊樂園,其中一大影相位,就是有接近3層樓高的「史諾比」加入同大家拜年。除左花車同表演隊伍之外,仲會有很多大受歡迎的電影同卡通人物同大家見面,到時記住早點霸個靚位。想知仲有咩必睇位,點先搵到靚位睇表演,就要睇埋以下的介紹啦!

巡遊前街頭派對


Snoopy _Museum_CNY

哇!咁大個史諾比,你一定未見過。穿上賀年服飾的巨型充氣「史諾比」有接近3層樓高,到時會在太空館旁現身,想同佢瘋狂影相,就要記住位置啦。

CNY_parade_HK1

CNY_parade_HK

要變成大型遊樂園,當然就要又歡樂又熱鬧,霸唔到位睇史諾比都唔緊要。因為沿途會有殿堂級電影及卡通人物,如星球大戰的白兵和黑武士、日本 SANRIO 家族的HELLO KITTY、布甸狗等,同大家作近距離互動。仲有一大班小丑一齊湊熱鬧,炒熱全場氣氛。

CNY_parade_HK3

為咗霸個靚位,市民好多時都要早幾個鐘去到現場,今年由6點開始,在花車巡遊之前大會就安排近30 個不同單位,在沿途巡遊及呈獻特色表演,更加增設了10 個定點音樂地帶,安排本地年青音樂人即場獻唱。

下一頁: 注目花車介紹 新加入特色奶茶花車

睇花車巡遊,當然不少得主角花車,宜家就率先帶大家睇下有咩花車加入,做定功課到時就唔會睇漏啦!

1. 國泰航空公司   翺翔人生70載

CX_CNY_HK

每年花車巡遊都由國泰贊助,今年打頭炮都一定走唔甩。大家又可以見到一班笑容滿臉的空姐空少同你講新年快樂,係咪即刻覺得好窩心呢?而花車中間位置將會有一個「70」字樣,象徵國泰航空讓乘客寫意翺翔70載。

2. 菲仕蘭香港有限公司    人‧情‧味不變  黑白淡奶75 年

Friesland_Campina_HK

適逢今年是黑白淡奶的75周年,亦是它們首次加入花車巡遊行列,花車設計別具香港特色。車身上有茶餐廳特有的花窗及馬賽克地板,帶大家回到創造港式奶茶的傳統冰室。仲有大大的淡奶裝飾,象徵著調出香滑濃厚的港式奶茶。

3. 廣東長隆集團有限公司   探索5D海洋神秘樂土

parade_CNY_HK

長隆一直都是香港人熱門的旅遊景點,今年長隆花車以藍色為主,配以海浪、珊瑚、水母等海洋元素。另外為迎合珠海長隆2015年全新自家製作的 5D 電影及廣州長隆的熊貓三胞胎進軍大銀幕參演《功夫熊貓3》,花車上亦特意加入兩部電影的內容元素。

4. 香港迪士尼樂園十周年「Happily Ever After」賀新春

parade_Hk_disney

講到樂園又點會少得香港迪士尼樂園,花車巡遊中會有好多深受大家喜愛的卡通人物同大家拜年,有米奇老鼠、米妮老鼠、長髮公主樂佩、茉莉公主、阿拉丁及一眾迪士尼朋友,再加上活力澎湃的演藝人員,為大家送上「Happily Ever After」的幸福故事世界。

下一頁:  更多花車介紹 仲有海洋公園金絲猴花車

5. 香港賽馬會  躍馬同心賀新春

parade_hkjc_CNY

賽馬會的花車會有一匹金馬在花車上,象徵馬會不斷向前。車上掛著賀年語句的巨幅揮春,以傳統元素為市民送上祝福。中間會有特設賽馬凱旋門的顯示屏,展示馬會百多年來的珍貴歷史片段。而吉祥物「同進啦啦隊」會以賀年造型現身,聯同近五十頭醒獅組成盛大巡遊隊伍。

6. 澳門特別行政區政府旅遊局 感受澳門

parade_CNY_macau

鄰近香港的澳門都派出花車參與巡遊盛事。為配合猴年,今年旅遊局花車以「齊天大聖」為主要概念,以猴子為主角圍繞花車。花車後半部份載有兩座澳門著名地標,分別是玫瑰堂及媽閣廟,配合中間的LED電視播放澳門旅遊局最新的宣傳短片,突顯澳門的獨特文化。伴著花車是一群活力充沛的美猴王及小靈猴,與現場觀眾一起勁歌熱舞賀新年。

7. 香港海洋公園   川金絲猴與您歡慶活力猴年

CNY_ OP_Float

香港代表海洋公園的花車都好有睇頭,花車將四川野外環境展現眼前,仲有專程打造的川金絲猴雕塑展現活潑動態。車身更採用節能 LED 燈!花車巡遊隊伍將雲集一眾美猴王威風出巡,還有靈猴打扮的小朋友大跳開心舞步,加上高手們施展少林武功,完全感受到猴子的活潑!大家非常熟悉的威威獅令都會換上新春造型的吉祥物現身,同大家拜年。

8. 香港旅遊發展局  環球樂園• 新春派對

parade_HK_CNY

旅發局作為主辨單位,花車當然要落足心機!旅發局的花車變身成色彩繽紛的遊樂園,與公眾歡慶猴年,大開美酒派對,快樂暢玩摩天輪,以及參加體育活動。包括電動方程式賽車、單車節及國際七人欖球賽等。設計象徵了香港這個動感樂園,時刻都有豐富好玩的盛事與旅遊特色,讓旅客全年體驗精采。

下一頁:其他表演隊伍 巨人高蹺出動賀歲

除左花車巡遊,每年都會有來自世界各地的專業隊伍為我們帶來精彩的表演,今年當然都不例外,還有不少是第一次來港參與巡遊,充滿新鮮感之餘,仲為大家帶來視覺震撼。

1.德國光之巨人DUNDU

parade_CNY_HK2

2.德國高蹺藝術團

parade_CNY_HK4

 3. 俄羅斯莫斯科綜藝舞蹈團

parade_CNY_HK.1jpg

4. 英國閃鑠鼓樂團

parade_CNY_HK3

5.荷蘭恐龍部隊

parade_CNY_HK

下一頁:去前必睇!初一花車巡遊小貼士

巡遊路線

出發前睇熟巡遊路線,知道邊度係表演區同最佳觀賞位置,就自然睇到更多更開心啦!

parade_map_CNY

音樂地帶      時間: 18:00 -20:00

定點表演區  時間: 20:00-22:00

位置1
廣東道海港城/新太陽廣場一帶

位置2
彌敦道及北京道/中間道交匯處一帶
(中間道對開)

巡遊路線
香港文化中心廣場-廣東道-海防道-彌敦道(以香港喜來登酒店為終點)
時間: 20:00 -21:45

票務:

  • 觀眾席設於香港文化中心廣場,票價分港幣$300、$450 及$480。
  • 售票處設於尖沙咀天星碼頭「香港旅遊發展局旅客諮詢中心」,門票於2016 年1 月30 日星期六早上8 時正起公開發售。
  • 每人每次最多限購4 張
  •  65 歲或以上香港居民以及3 至11 歲小童可享半價優惠。