迪士尼煙花時隔4年,終於在6月18日上演最新夜間匯演《迪士尼星夢光影之旅》,首演當日吸引了不少迪士尼粉絲到場一睹真身!但就有網民欣賞完表演後在網上大吐苦水,指有家長讓小朋友騎膊馬欣賞煙花,阻礙到身後觀眾視線,鬧爆該家長十分無公德心。不少網民都幫口,直斥該女童的父母是「自私精」,不過也有網民叫事主多點包容。

迪士尼 迪士尼全新夜間匯演《迪士尼星夢光影之旅》於6月18日正式公演
迪士尼全新夜間匯演《迪士尼星夢光影之旅》於6月18日正式公演(圖片來源:香港迪士尼樂園官網圖片)

有網民於Facebook群組「迪士尼 買賣 交換 分享 Disney’s Sharing Platform」帶圖發文表示,他在欣賞迪士尼城堡煙花匯演期間,視線被前面騎膊馬的小朋友阻擋,令他十分氣憤,繼而在網上公審:「我真係好想講,可唔可以唔好騎膊馬,真係好無公德心,真係好影響人。」

迪士尼 事主在欣賞迪士尼城堡煙花匯演期間,視線被前面騎膊馬的小朋友阻擋
事主在欣賞迪士尼城堡煙花匯演期間,視線被前面騎膊馬的小朋友阻擋(圖片來源:[email protected]迪士尼 買賣 交換 分享 Disney’s Sharing Platform)

有當時在事主附近的網民表示:「睇返相,我應該係樓主附近,騎膊馬嘅本身係正我前面,跟住再移過左啲,我生得高167cm都睇唔到啦,我仲要抱住個仔。」

迪士尼 有當時在事主附近的網民以另一視角分享事發經過
有當時在事主附近的網民以另一視角分享事發經過(圖片來源:[email protected]迪士尼 買賣 交換 分享 Disney’s Sharing Platform)

帖文隨即引發大批網民討論,不少網民表示對事主的抱怨身同感受:「我哋前面都有,大家一齊勸佢落返嚟」、「我都好鬼憎!一開show就騎,換位又換唔切」、「我嗰日睇都有,真係好煩」、「你都係一個,我前面係3個」、「自私精永遠都唔會明白『己所不欲,勿施於人』呢啲咁簡單嘅道理。」

迪士尼 網民:「自私精永遠都唔會明白『己所不欲,勿施於人』呢啲咁簡單嘅道理。」示意圖,非當事人)
網民:「自私精永遠都唔會明白『己所不欲,勿施於人』呢啲咁簡單嘅道理。」(示意圖,非當事人)(圖片來源:ViuTV《大叔的愛》劇照)

網民:成年人畀你遮住冇得睇就係應份同合理?

亦有網民表示十分理解事主的心情:「試諗下畀咗600幾蚊入嚟,一早霸定個靚位打算睇煙花,點知一開場你一個屈尾十舉起個小朋友遮晒後面成村人視線。最慘係去過Disney都知煙花開咗場根本冇咩可能轉到位,結果成場煙花就係望住同影住小朋友個頭嘅話,其實又真係幾灰嘅」、「我諗冇人會怪個小朋友,但個爸爸係的確做咗件影響到後面人嘅事。如果你要講權利,大家都係畀錢入去,點解得小朋友有權睇,成年人畀你遮住冇得睇就係應份同合理?」

迪士尼 有網民表示十分理解事主的心情:「試諗下畀咗600幾蚊入嚟,結果成場煙花就係望住同影住小朋友個頭嘅話,其實又真係幾灰嘅」
有網民表示十分理解事主的心情:「試諗下畀咗600幾蚊入嚟,結果成場煙花就係望住同影住小朋友個頭嘅話,其實又真係幾灰嘅」(圖片來源:[email protected]香港迪士尼樂園 | Hong Kong Disneyland)

同時也有網民指出該位爸爸只是愛女心切,但希望可以多為其他人著想:「唔會話個爸爸無公德心,只係愛女心切啫!但會希望佢可以教識小朋友將心比心,為後面嘅人諗多步,咁咪大家都開心。」

迪士尼 也有網民指出該位爸爸只是愛女心切示意圖,非當事人)
也有網民指出該位爸爸只是愛女心切(示意圖,非當事人)(圖片來源:電影《我的爸爸是壞蛋冠軍》劇照)

但亦有一派網民認為事主無同理心,指出如果小朋友不騎膊馬就無法欣賞煙花:「我個囡得三歳,唔騎膊馬咁點睇?」、「應該遊樂場禁小朋友入場,呢句啱唔啱聽?」、「點解你唔生高啲?點解唔早啲去排頭位?」、「咁怕人阻到你,早啲去霸前位睇咪得」。

迪士尼 有一派網民認為事主無同理心:「咁怕人阻到你,早啲去霸前位睇咪得」示意圖,非當事人)
有一派網民認為事主無同理心:「咁怕人阻到你,早啲去霸前位睇咪得」(示意圖,非當事人)(圖片來源:電影《潮拜購物狂》劇照)

網民教路「抱小朋友胸口」完美解決

有網友表示雖然小朋友不騎膊馬可能無法欣賞煙花,但從事主上載的相片可見,在騎膊馬父女的左前方有家長是以手抱形式,已經讓小朋友與成人可在同一水平下觀賞煙花匯演:「後面果幾對父母都係抱小朋友胸口前,同大人差唔多高,唔算影響到其他人。都唔係同唔同理心,係其他都做到。點解你唔得呢?」,亦有人指如一定要騎膊馬,可以考慮站在靠近旁邊的位置,盡量減低對他人的影響。

迪士尼 從事主上載的相片可見,在騎膊馬父女的左前方紅圈處)有家長是以手抱形式,已經讓小朋友與成人可在同一水平下觀賞煙花匯演
從事主上載的相片可見,在騎膊馬父女的左前方(紅圈處)有家長是以手抱形式,已經讓小朋友與成人可在同一水平下觀賞煙花匯演(圖片來源:[email protected]迪士尼 買賣 交換 分享 Disney’s Sharing Platform)

除此之外也有部分網民認為迪士尼樂園園方也有一定責任,需管理園內遊人秩序,同時也建議煙花匯演前大可廣播叫遊人坐下來觀賞。

有網民於Facebook大鬧迪士尼酒店商店員工
也有部分網民認為迪士尼樂園園方也有一定責任(圖片來源:[email protected]

圖片來源:香港迪士尼樂園官網圖片、[email protected]迪士尼 買賣 交換 分享 Disney’s Sharing Platform、ViuTV《大叔的愛》劇照、[email protected]香港迪士尼樂園 | Hong Kong Disneyland、電影《我的爸爸是壞蛋冠軍》劇照、電影《潮拜購物狂》劇照、[email protected]、公視《我們與惡的距離》劇照資料或影片來源:[email protected]迪士尼 買賣 交換 分享 Disney’s Sharing Platform

相關文章