疫情下,香港人人「搵食艱難」,雖然現時晚市堂食重新開放,但有不少小店仍然舉步為艱,在這困境下,若然再遇上麻煩客光臨,對小店而言可算是「雪上加霜」。最近有一家潮洲粉麵店的店主在網上大呻,指遇到一名無禮貌的客人,大罵職員後更揚言要在網上「唱衰佢」。店主自言雖自有不足,但「鋪頭係唔係西店,街坊有眼睇,伙記做唔做到嘢,我有眼睇,佢做錯野我會話佢,但唔到你嚟訓話」,此帖一出,更受網民大讚「咁先係老闆」。

店主:「我嘅員工唔到你嚟鬧,請你離開!」

早前晚市禁堂食,午飯外出用膳的人流亦有所減少,餐廳樓面的員工也相應縮減,有時候難免會出現「小錯失」。最近有一間經營牛腩粉麵店的店主在網上分享,指自己在廚房「斬緊料」時聽到店面有嘈吵聲,於是到外查看時發現有位客人正指罵員工,店主起初以為店員「落錯單」或「畀錯嘢食」客人,於是上前了解,及後客人指:「我嗌嘅係牛腩雲吞河,點解河粉會有米粉出現?我唔食米粉㗎喎!嗌煮野嗰個出嚟」。

西客 牛腩 食客到粉麵店點了牛腩河後發現有米粉在內示意圖)
食客到粉麵店點了牛腩河後發現有米粉在內(示意圖)(圖片來源:米芝蓮指南網站)

其後店主表示自己正是「煮嘢嗰個」,已向客人道歉並解釋「可能係個湯爐入邊有啲米粉碎溝埋咗,你唔啱我換過碗俾你?」誰知客人反應極大,指「換?等陣都唔知你會唔會同我加料食屙我」,然後再指向店員續罵:「問你嘢又答唔到,係要嘥我口水,醒啲啦!點做樓面㗎你!」客人繼而再指向店主道:「你哋煮嘢食都唔注重質素,嗌河粉你溝埋米粉比我,食死人咩!都未試過食河粉食到米粉出嚟,唔洗換啦我唔食啦!」

西客 牛腩 西客表示河粉「溝」米粉會「食死人」示意圖,非當事人)
西客表示河粉「溝」米粉會「食死人」(示意圖,非當事人)(圖片來源:電影《食神》截圖)

店主隨即向客人道:「唔好意思,呢碗粉我請!麻煩你離開,我哋做唔起你呢個貴客」,客人於是再度狙擊指「你咩態度,咁樣做生意嘅咩?客人反映意見你就趕人走?搞錯!我轉頭就擺相公審你哋鋪頭,睇吓你仲係咪咁串」。有見客人的過份行為,店主亦不再多讓,表示「無驚過」!他直言:「隨便!如果你係反映意見,我接受,但係我唔接受你人身攻擊我伙記,佢只係打工,我亦唔覺佢做錯啲咩,佢只係有個句講個句。唔好意思,仲有其他客人要食野,麻煩你離開」。

西客 牛腩 店主表示員工不應被西客指鬧示意圖,非當事人)
店主表示員工不應被西客指鬧(示意圖,非當事人)(圖片來源:電影《恭喜八婆》截圖)

最後店主指自己只是小店經營,並非五星級酒店般可以每款麵種分開一個爐頭煮熟,亦明白坊間不少粉麵店質素較自己好!身為街坊小店,平日街坊入內「食碗麵吹下水」,與員工相處非常融洽,而且「員工表現如何,作為老闆自己會衡量,即使有錯也輪不到西客指著罵!」店主護員工論一出,即時被網民稱為「好老闆」,指「好老闆,香港多啲你咁嘅老闆,肯定係打工仔之福」、「好老細!撐你」;亦有網民指「溝麵」好常見,懷疑西客是第一次光顧粉麵店,「通常遇到咁情況我會覺得係好運嚟,有時買餸,洗菜嗰陣見到菜芯溝咗棵白菜仔、又或者啲花甲溝咗隻蝦仔,我直頭覺得賺左」、「可能人生第一次食河粉,唔知河粉同米粉都係米做掛」、「佢唔係以為每煮一個麵 就會用一煲新嘅水黎煮啊」、「如果多咗粒雲吞會唔會嘈?」

西客 牛腩 網民激讚店主為好老闆
網民激讚店主為好老闆(圖片來源:[email protected]西店Hi客之道 Hispitality Secret)

常見問題

事件的起因是甚麼?

最近有一間經營牛腩粉麵店的店主在網上分享,指自己在廚房「斬緊料」時聽到店面有嘈吵聲,於是到外查看時發現有位客人正指罵員工… 詳情請看

最終店主如何處理事件?

對於客人的指罵,店主已迅速道歉,但客人仍然…詳情請看

圖片來源:米芝蓮指南網站、電影《恭喜八婆》截圖、電影《食神》截圖、[email protected]西店Hi客之道 Hispitality Secret