香港美食選擇極多,但數最地道、最令你回味,一定係香港風味的食品!熱愛茶記、小炒、大排檔的朋友仔,必定要試試以下 4 款 港式美食 ,帶你食盡荃灣!

採訪及撰文: 黃潔欣、黎潤詩、蕭凱欣、北向惠理 | 攝影及圖片: 新假期攝影組

01 |龍蝦肉餅 ?  | 肉餅哥小炒料理

肉餅在家就吃得很多,但有加龍蝦的你又食過未? 這家由前酒樓廚師主理,將平凡的家常菜肉餅變成 Fusion 菜, 當中以原隻龍蝦肉餅最受歡迎!約一斤重的新鮮波士頓龍蝦,混入豬肉,打至起膠再落鑊煎香。龍蝦肉餅連飯湯只賣$98。另外還有黑松露帆立貝、流心芝士,果醬肉餅等不同菜式。

港式美食
龍蝦肉餅夠鮮甜足料,足夠二個人食,可選煎或蒸。肉餅下有白飯,加$2 可轉菜飯或油飯。原隻新鮮龍蝦肉餅 $98(連白飯及湯)

港式美食
有點似台灣鹽酥雞的感覺,就算炸過肉質仍然是相當Juicy。鹽酥珍寶巨型雞髀 $48。

港式美食
肉餅混入刺身級帆立貝,而且黑松露粒超多。黑松露帆立貝肉餅 $98。

龍蝦肉餅之誕生

港式美食
將原隻一斤重的熟龍蝦斬開起肉!

港式美食
龍蝦肉混入豬肉搓成肉餅!

港式美食
打至起膠後便落鑊煎!

肉餅哥小炒料理
地址:
荃灣聯仁街 28 號康睦庭園地下 3 號舖
電話: 2886 8478
營業時間: 11:30am-5pm;6pm-10pm
備註: 不設加一,只收現金

02 | 隱身牌檔大廚 | 檳城香辣屋

店舖由全氏夫婦經營,全先生是檳城大廚,在家鄉做大牌檔的頭鑊,對馬拉的地道品味非常堅持。除供應麵食,晚市還接受客人預訂海鮮,夫婦二人齊齊到附近街市精選靚海鮮,有靚魚仔便炸魚配阿參汁;有游水蝦就做牛油麥片。海鮮小炒,全部即叫即炒,鑊氣強勁,而醬料全部自家製,夠晒惹味!

港式美食
即叫即炒,用豬油起鑊,炒起的貴刁,油香豉味十足,乾身不油,一試難忘!正宗檳城炒貴刁 $53

港式美食
蝦湯熬足六小時而成,味鮮甜濃郁, 配上馬拉辣椒,帶點辛辣,相當刺激。檳城福建蝦麵 $58

港式美食
馬拉椒鹽比廣東椒鹽多了陣咖喱、香料味,炸得乾身香口,差點連殼都食埋!馬拉椒鹽瀨尿蝦 時價(參考價錢: $120起)

港式美食
麥片蝦雖然用牛油炒,但不會太油太濕,隻隻蝦都裹著脆口的麥片,炒工一流。牛油麥片海蝦 時價(參考價錢:$88起)

港式美食
地道馬拉食法,魚身上咖喱粉,放油鑊炸,外脆內滑,細骨都可吃掉,配上酸酸的阿參汁,百吃不厭。娘惹阿三吱喳魚 $88。

檳城香辣屋
地址:
荃灣西樓角路 186-200 號荃昌中心昌安大廈地下 5 號舖
電話: 2441 9881
營業時間: 12nn-12mn

03 | 芝士拉絲炸球 | 燃味棧

最受年輕人歡迎的當然是小食,最有驚喜就是燃味棧,拉絲芝士最正!炸芝士共四款口味,馬蘇里拉芝士條最好食, 薯仔皮內包入Mozzarella,蘸上麵包糠炸得香脆。另有釀入墨西哥青紅辣椒的芝士球,一樣口感獨特。除此之外,墨西哥烤卷亦受街坊歡迎, 捲入生菜、番茄及自選配料與醬汁, 加上雞、豬或牛肉等,即叫即製,夠晒大件夾抵食!

港式美食
超足料,有 8 款汁可選,連餅底想食脆或軟身有得揀,柯打完即煎。雞肉烤卷(另加熱溶芝士)$33

港式美食
食落脆卜卜,芝士質感輕軟濃味,輕輕一拉就做到拉絲效果!馬蘇里拉芝士條$28

港式美食
青椒帶微辣,與半溶芝士味道夾。墨西哥辣椒車打芝士塊 $28

燃味棧
地址:
荃灣鱟地方 80-84 號華成樓B 座B4 號舖
電話: 6297 1314
營業時間: 11am-9pm

04 | 米芝蓮加持車仔麵〡榮安小食

餐廳獲 2016 年米芝蓮香港澳門街頭美食推介,食物味道有保證。開店 30 多年,以經營舊式士多起家,當時自家製滷水雞翼最熱賣,後來轉型為車仔麵店,深受荃灣地膽喜愛。車仔麵有超過 20 款餸料可選,特別推介滷水雞翼,滷水汁香味出眾。

港式美食
餸料如大腸、雞翼尖、豆腐都香得有層次,不過部分餸做得不夠仔細,如鳳爪燜得不夠腍。十餸麵 $70(餸料每款$5-8,粉麵$5)

港式美食
車仔麵檔夠懷舊!

榮安小食
地址: 荃灣大河道 24 號B 地下
電話: 2492 6300
營業時間: 星期一至日11am-12mn

下一頁:環球小食推介|荃灣5間 街頭甜品店

延伸閱讀

買盡日韓 |盤點 4 間 荃灣日韓雜貨店

香港美食天堂 | 荃灣日韓美食 你又去過未?

文青必到!|7間 特色荃灣休閒Cafe