食自助餐如果有 任食生蠔 ,當然最perfect,但有時啲 生蠔細細隻,真係唔太滿足囉!今次記者來到旺角這間酒店放蛇,竟然有手掌般大的美國 生蠔任食!蠔肉飽滿又非常creamy,最正是3小時可以密密狂食!

撰文、攝影:放蛇組(原文刊於《新假期周刊》網頁)

任食生蠔 :美國蠔creamy到漿住口腔

Buffet可由6點半食到9點半,記者準時抵達,一行到海鮮區已人頭湧湧,但就未見有 生蠔。過了一會有大廚把一大盤生蠔拿出來,一放下不到一分鐘便迅即被圍觀的人群夾光,而仍然有一大堆人未能成功取蠔,惟有再等多幾轉。頭半小時基本上大家都是主攻生蠔,所以海鮮位置keep住多人,想食的,可能就要耐心等喇!好不容易拿到三隻,食落好creamy,由於蠔肉多又飽滿,所以食時會漿滿口腔,好滿足。不過美國蠔的海水味就較微弱,如果你想期待有滿滿鹹鮮的 生蠔便會失望了,而且有蠔碎,開得不太好。

一大堆人圍着海鮮區,有人急到直接用手拿生蠔。

一大堆人圍著海鮮區,有人急到直接用手拿 生蠔。

其實只要等到半小時後,

其實只要等到半小時後,都沒有人搶著要拿 生蠔了,記者和攝影師還可以施施然在生蠔區不停拍照。之後供應生蠔仍然大大隻,size有女士手掌咁大,食了幾隻都是飽滿creamy,質素平穩。

Buffet開始半小時後已經無人想食蠔

Buffet開始半小時後已經冇人想食蠔,可以慢慢 食蠔。

基本上每一隻蠔都非常大隻,

基本上每一隻蠔都非常大隻,任你食到飽都得。

睇圖都見到好creamy,

睇圖都見到好creamy,有分量!

多角度畀大家望望,

多角度畀大家望望,蠔肉脹卜卜,好肥仔!

海蝦最好食+唔凍刺身

另外都有幾款海鮮,有海蝦、青口和白蜆,青口冇味,韌到似香口膠;蜆雖然都多肉,但鹹鮮味亦欠奉;海蝦則正常,新鮮彈牙。而刺身雖然都是厚切有口感,但刺身都是層層疊在碟上再放在冰盤上,三文魚已經唔凍,開始變室溫質感。

海蝦最正常,夠爽彈

海蝦最正常,夠爽彈;青口和蜆都冇鹹鮮味。

無豉油碟,豉油和wasabi都要倒在碟上

冇豉油碟,豉油和wasabi都要倒在碟上,行到返位已經半隻碟都有豉油。

卷物都唔OK,

卷物都唔OK,飯粒已黏在一塊。

熱盤:日式肥牛一人鍋最安全 其他味道麻麻

食完海鮮和刺身,當然是主攻熱盤,有約十數款:粟米忌廉芝士焗蠔、泡菜餃子、金沙骨、炸魚柳、炒意粉和糯米飯等等,更有即切燒牛肉和熱辣辣一人日式肥牛鍋,不過質素麻麻,最安全的是日式肥牛鍋,其他的不是不夠熱,就是太乾。

 

熱盤有粟米忌廉芝士焗蠔1

熱盤有粟米忌廉芝士焗蠔2

熱盤有粟米忌廉芝士焗蠔,但焗蠔已是凍的,上面的粟米忌廉芝士已經乾到連成一塊,而蠔殼內是有2-3隻蠔BB,那蠔殼只是用來裝飾嗎?

熱盤試了泡菜餃子、

熱盤試了泡菜餃子、金沙骨和炸魚柳,泡菜餃子的泡菜粉絲餡塞得滿滿,但餃子皮某些部分好乾身。金沙骨和炸魚柳明明都放在熱爐上,但吃時已經唔熱,扣分。

即切燒牛肉

即切燒牛肉,切得大塊但質感又乾又硬。

有即整日式肥牛鍋

有即整日式肥牛鍋,一鍋都有3-4塊肥牛和大量蔬菜,湯底有甜味,質感再濃稠一點更佳。

還有各款凍肉、

還有各款凍肉、涼拌小吃和沙律吧。

一人送一客吉列帆立貝

一人送一客吉列帆立貝,帆立貝雖大隻,但略嫌有點乾,不過是送的都算啦!

甜品多花款 即整火燄班戟

甜品較多即製部分,有即製迷你窩夫、梳乎厘和pancake,8:00pm更有法式火燄班戟表演,大家圍著大廚望著團火燒呀燒,好熱鬧。另外還有各款蛋糕、麵包、布甸和朱古力噴泉等甜點,可惜大部分味道麻麻,最失望的是梳乎厘,底部還未焗熟,有一大灘水。

8pm會有法式火焰班戟表演,

8:00pm會有法式火燄班戟表演,侍應會提早通知大家,可以出去霸個位睇,好懷舊呀~

表演後會即場派班戟,

表演後會即場派班戟,加上橙粒和橙皮,派完就冇。

有即製班戟,有香蕉、忌廉

有即製班戟,有香蕉、忌廉、朱古力醬等toppings揀。

班戟很鬆軟,配料亦下得重手,

班戟很鬆軟,配料亦下得重手,看那飽滿脹卜卜的班戟皮就知啦~

有即焗梳乎厘不定期出現,

有即焗梳乎厘不定期出現,黃色是雲呢拿味,粉紅色的是士多啤梨味。

_14-1024x614

可惜舀到底部便發現梳乎厘未焗熟,非常多水,而士多啤梨味亦是很假的香精味,而且未拌勻糖粒。

wa

窩夫若然被夾光可以叫大廚再整,熱辣辣,toppings自己加,記住要加花生椰絲糖粒,好有咬口。

總結:自助餐有生蠔、海鮮、刺身、一大熱盤和甜品,還有火燄表演,選擇都OK。而最回本的生蠔是用美國蠔,超大隻飽滿,creamy到漿滿口腔,很爽口,滿足。但若然你是期待食到充滿鹹鮮味、海水味重的生蠔,便會失望了。其他味道則麻麻,刺身不夠凍,熱盤不夠熱;甜品應濕的又太乾,應乾的又太濕,有待改進。環境坐得舒服,服務OK,85折後$237可以食足3小時……

一句到尾:鍾意食美國蠔的你會好滿意!

shop

德福閣

地址:旺角豉油街118號仕德福酒店閣樓(顯示地圖)
電話:2710 4272 / 2710 4273

國際海鮮美食自助晚餐供應時間:星期一至日6:30pm-9:30pm
收費:成人$278、長者$218、小童$198
用餐時間:3小時
備註:收加一,11月另有85折優惠