西貢貴為全香港最熱門的燒烤地,單係大網仔、黃石、西沙路、北譚涌及海下,已經提供超過 500 燒烤爐。想去充滿大自然氣息嘅燒烤場,但又有選擇困難?推介 3 大 西貢燒烤場 俾你啦!

01 | 環境清幽似包場 | 西沙路燒烤區四號場


位置處於斜坡下,面前有個無敵海景加翠綠大樹,環境清幽,岩曬想睇靚景嘅你。呢到燒烤爐得兩個,如果多人去可以霸曬兩個爐用,感覺似包場,好有私人空間啊!

地址:西沙路燒烤區四號場(水浪窩對面,停車場旁邊)
交通:在大學站乘新界區專線小巴807B,總站下車

02 | 大樹好遮蔭 | 水浪窩燒烤地點

場地有大樹遮蔭,出太陽都唔怕曬,有二十個燒烤爐,設備都好新淨。如果想同小朋友去親親大自然,附近仲有樹木研習徑同觀星台。

地址:水浪窩燒烤地點(沿水浪窩拱門步行約5分鐘)
交通:沙田新城市廣場乘299,或大學站乘807B專線小巴,在「水浪窩」站下車

03 | 僻靜少人爭 | 大網仔燒烤區十五號場

相比其他對正大馬路嘅燒烤場,位置比較隱蔽,所以遊人都較少,唔怕同人爭爐。場內有七個燒烤爐,爐與爐之間有一定距離,唔怕冇私人空間。仲有大草地可以帶埋狗仔去散步,狗仔都可以參與!

地址:大網仔燒烤區十五號場(烈士紀念碑旁邊斜路步行約5分鐘)
交通:在西貢士中心乘九龍巴士94號,或在鑽石車乘96R,在「西貢户外訓練營」站下車