星期日,早上,晴。「今日不如去踩單車?」我提議。「又是大美督?還是長洲?」你反問。少年你太年輕了,我廿四孝暖男並非徒具虛名,快拿起行裝,隨我出發,一路向「西」吧!在香港大學站下車租車後,沿著德輔道西,傍著電車路,來一個新鮮的 西環單車 遊,途中會經西環泳棚、中山公園及碼頭 3 大景點,對你來說有點新意吧!

編按:到底遊西環適合踩單車嗎?

有讀者指西環一帶車多,其實不適合踩單車。記者當日的經驗是,午後 4 時開始會較少車輛,租單車的店老闆也提醒大家最好在午後 4 時後行動,不過始終是踩馬路,有一定危險性,所以,如果踩單車記得要小心留意路面情況。而前往泳棚的路段暗斜,也有樓梯,大家要量力而為,而泳棚和碼頭本身並不是一個大眾休憩地,大家如果前往,謹記要守規矩,不要破壞環境啊!

_MG_7168
採訪:廿四孝暖男    攝影:Mark、OqWing (原文來自《新假期》網頁)

01 | 精神書局$40日租單車

踩單車,先租車是常識吧!即刻跟我暖男在香港大學站下車,沿 B1 出口向德輔道西走,鑽進橫街,就到精神書局門前。書店門前泊著幾輛單車,單車與書,風馬牛不相及,原來店主想藉單車遊推介二手書與西環小區,所以租車是有回贈,$80 租一日有 $40 回贈買書。「希望大家踩單車之餘,可以帶走一兩本二手書。」Sam 表示未來會改裝成咖啡書室,令書本融入生活。好!咁抵,就即時動身開始 西環單車 之旅。

要來西環單車遊,當然要先租車,書局在橫街中,門前泊著幾輛單車,很易認。
要來西環單車遊,當然要先租車,書局在橫街中,門前泊著幾輛單車,很易認。

書店50年代尾開業,經營半世紀,經營三代,西環店現由Sam主理。他見很多文青喜歡到西環打龍,所以希望用單車遊吸引他們買書。

書店50年代尾開業,經營了半世紀,經營三代,西環店現由Sam主理。他見很多文青喜歡到西環打龍,所以希望用單車遊吸引他們買書。

路線圖:

出發前,先睇睇路線吧!記實 3 大景點,同埋主要踩的德輔道西就可以行啦!

 出發先睇睇路線吧,記實三大景點同埋主要踩的德輔道西就可以行啦!出發先睇睇路線吧,記實三大景點同埋主要踩的德輔道西就可以行啦!

02 | 中山公園野餐瞓草地

正式出發!店主建議 4 時由書店起步,在德輔道西向西營盤方向,慢踩約 10 分鐘,就會到達東邊街。在這裡可選擇先推上斜路到高街睇鬼屋,可惜該處近日圍起竹棚維修,惟有直接到中山公園草地野餐。因要踩車,記者建議只帶輕裝上陣,野餐布、鮮色水果、法包及在書店買幾本二手書,即可文青上身,男朋友要識做呢!

瞓在超級大草地,曬下陽光,咁至係青春!
瞓在超級大草地上,曬下陽光,咁至係青春!

 

買一條大法包就夠兩人分享,方便易帶。
買一條大法包就夠兩人分享,方便易帶。

 建議下午四時後才去,太陽開始西斜會有樹蔭遮蔭。現場約有8個樹蔭靚位,唔使急最緊要快。
建議下午 4 時後才去,太陽開始西斜會有樹陰遮陰。現場約有8個樹陰靚位,唔使急,最緊要快。

03 | 鐘聲泳棚扮影明信片

踩德輔道西直去堅尼地城,一條大直路約20分鐘就到。在域多利道斜路下車推,走約十分鐘就到位於港島最西面的鐘聲泳棚。泳棚大受文青歡迎,在黃昏更要排隊影相,難怪,因為隨手影出來都可以好似明信片咁靚!不過留意過日落時分只可影到剪影照,若想拍到蔚藍的海,記得提早到達。

日落時海水曬得金光,但泳棚向西,這時間以影剪影照為主,要注意。
日落時海水曬得金光,但泳棚向西,這時間以影剪影照為主,要注意!

採訪當日是平日也有十人排隊影相,平均每對情侶約影5分鐘,最好預足時間。
採訪當日是平日也有十人排隊影相,平均每對情侶約影5分鐘,最好預足時間。

04 | 西環碼頭嘆日落

最後一站,回到天空之鏡碼頭嘆日落。在堅尼地城海旁有路走入西環碼頭路,由於過了上落貨時間沒有車,約 5 分鐘沿路便可踩回碼頭。近日約六時半開始日落,在碼頭上可以自由踩,海風下感覺涼快。碼頭上也有不少打龍位,好運更可在雨後拍到天空之鏡。若逗留到晚上要小心踩, 因碼頭沒有圍欄,而且燈光較暗。

Pfeature_14

碼頭也是出名的天空之鏡,雖然凹凸不平的地面早前被填平了不少,但好運的在雨後及打風前,可拍到火燒雲天空之鏡。(Photo Credit to:OqWing)

Pfeature_11

碼頭外的白牆都係打龍位碼頭外的白牆都係打龍位
碼頭外的白牆都係打龍位。

踩至盡頭放有不少卡板,泊好單車看日落很美。就算天氣不算好也能拍出日系情調。
踩至盡頭放有不少卡板,泊好單車看日落很美。就算天氣不算好,也能拍出日系情調。

記者點評:4 點後踩較安全

踩馬路聽落恐怖,但踩落輕鬆,只要你不是「頭搖又尾擺飄移境界」的新手, 下午4時後的德輔道中少車路寬,大家可以輕鬆應付。

踩馬路聽落恐怖,但踩落輕鬆,只要你不是「頭搖又尾擺飄移境界」的新手,下午4時後的德輔道西少車路寬,大家可以輕鬆應付。

城市慢騎貼士

現時在馬路上踩單車屬合法,但車手同受「道路交通條例」規管,與司機承擔一樣責任,須遵守所有交通法例如交通燈號等。

踩單車時靠左,盡量貼近行人路及巴士線。
讓其他車輛先行,待路面較空曠才起步及前進。
若路邊停有車輛,切線上前時,先望清後方路面情況,打手號後才切線。
晚上必須配有頭尾燈(精神書局租車有提供)。
路上單車資料可上運輸署網站 查詢。

精神書局
地址:西環德輔道西408號後座地下(近香港大學站B1出口)
營業時間:11:00am-9:00pm
網址:www.spirit-bookstore.com
查詢:2559 3913

復古單車
租金:$80/日
註:還車時會獲得$40折扣優惠買二手書。
website_fb