前幾日天氣炎熱,不止人覺得辛苦,腳仔直接接觸地面的狗狗都難以忍受!有愛狗心切的狗主在外用餐時讓愛狗坐在座位上,卻被同在餐廳用膳的港男拍下並上網公審,更稱對方為「缺德狗主」!但他不止圍爐失敗,更被網民圍插:「你仲污糟過隻狗啦!」

狗 港男嫌狗坐櫈污糟欲公審
港男嫌狗坐櫈污糟欲公審(示意圖,非當事人)(圖片來源:MBC《上司實習生》劇照)

港男嫌狗坐櫈污糟斥主人缺德欲公審 網民鬧爆:你仲污糟!

日前有網民於Facebook群組「飲食黑店大全」發文大呻用餐時的不快經歷,事源他有前幾日到銅鑼灣一間餐廳用膳,當時他坐在餐廳戶外位置。在用餐期間他見到隔2 – 3檯的位置有一名中年女士帶著2隻貴賓狗入座,但那位愛狗的女主人讓2隻狗都坐在餐廳提供的膠櫈上,令事主大感不滿!他怒批女主人是「缺德狗主」,行為令人討厭:「一人兩狗佔三櫈,隻狗行完地下坐上櫈,有冇諗過之後係人坐嘅呢?」並拍下女主人與狗,企圖公審對方。

狗 師奶帶狗食茶記被港男公審
師奶帶狗食茶記被港男公審(圖片來源:[email protected]飲食黑店大全)

網民反擊:你唔鍾意食就自己去第2間

豈料事情沒有他想像中般發展,大批網民看到他的公審文後反而大鬧他「厚多士」,更指女主人的做法沒有任何問題:「我唔養狗,但講真我唔覺得佢咁做有咩問題」、「有咩問題呀?狗喺地上面好熱㗎,啲櫈一直都好污糟,比狗更污糟,如果你要乾淨,就抹吓先坐囉」、「唔好成日將啲小事化大啦,咁啱隻狗坐咗上去你就嘈」、「人哋店主未出聲,大熱天時已經坐出面,你唔鍾意食去第2間,同埋你未經人批准影人相擺上網公審,唔見得你好」。

狗 網民:「唔好成日將啲小事化大啦,咁啱隻狗坐咗上去你就嘈」示意圖,非當事人)
網民:「唔好成日將啲小事化大啦,咁啱隻狗坐咗上去你就嘈」(示意圖,非當事人)(圖片來源:電影《極速緋聞》劇照)

亦有網民指出其實餐廳膠櫈也沒有他想像中的乾淨:「呢啲櫈,有好多係畀員工踩過攞物料,踩完就咁放」、「咁平時啲小朋友着住鞋踩上張櫈度又點計」、「唔好以為呢啲櫈唔俾狗狗坐過就以為好乾淨,你哋真係諗得太天真,你問下啲廚房佬去完廁所會唔會真係個個洗乾淨手,再煮嘢畀你食」、「第日坐低前係咪要證明自己個pat pat乾淨先可以坐?」

狗 有網民指出其實餐廳膠櫈也沒有他想像中的乾淨:「呢啲櫈,有好多係畀員工踩過攞物料,踩完就咁放」
有網民指出其實餐廳膠櫈也沒有他想像中的乾淨:「呢啲櫈,有好多係畀員工踩過攞物料,踩完就咁放」(圖片來源:[email protected]_vohra)

同時也有網民為他提出解決辦法:「咁擔心,會唔會考慮自己帶張私家櫈出街坐?」

狗 網民:「咁擔心,會唔會考慮自己帶張私家櫈出街坐?」
網民:「咁擔心,會唔會考慮自己帶張私家櫈出街坐?」(示意圖,非當事人)(圖片來源:電影《食神》劇照)

圖片來源:MBC《上司實習生》劇照、電影《極速緋聞》劇照、[email protected]_vohra、電影《食神》劇照、[email protected]飲食黑店大全

相關文章