正所謂「每到夏天我要去海邊」,天氣開始熱,太陽又咁猛,唔去海邊仲等幾時?下星期又到端午節,好多人都會趁呢個節日去游 龍舟水!以下有 6 大推介!

01) 明星避世之選 | 西貢三星灣


位於西貢嘅三星灣,水清沙幼,可以清楚望到海底,環境唔算大但係勝在人少,所以都成為唔少明星避開人潮曬太陽之選。

隱世沙灘_夏天_三星灣
(圖片來源:康文署)

歌手何韻詩早幾年就曾經喺呢度舉行過生日會。

隱世沙灘_夏天_三星灣_何韻詩
(圖片來源:何韻詩官方)

三星灣
交通:於白沙灣碼頭乘搭街渡前往。

02) 郊遊之選 | 西貢大浪西灣

同樣位於西貢嘅大浪西灣,由西灣亭行入去大約需時 45 分鐘,路程簡單易行,沙灘附近仲有士多、餐廳,不過定價就比市面貴。

Uncle white(@bongjai)張貼的相片 張貼

行入少少,仲可以去埋四疊潭,有唔少外國人都鍾意嚟呢度,不過就唔建議大家玩跳水。  

  Kimi Ng @RAYE.HK(@kimishares)張貼的相片 張貼

大浪西灣+四疊潭
交通:於西貢乘坐的士到西灣亭(約$100),再步行約 45 分鐘。

03) 船 P 勝地 | 西貢浪茄灣

西貢真係好多靚沙灘,浪茄除咗係露營勝地之外,浪茄灣亦都係個人少少嘅靚沙灘。由東壩出發,行到浪茄灣大約 45 分鐘,沿途風景宜人,影相一流!

隱世沙灘

浪茄灣 交通:於西貢乘坐的士到東壩(約$100),再步行約 45 分鐘

04) 影靚相最啱 | 亞公灣

亞公灣入口處被林木遮蔽,由碧濤花園旁邊樓梯,步行 5 分鐘就到。亞公灣係牛尾海內灣,雖然沙灘唔大未必適合曬太陽,但係就非常適合影靚相,而且位置向東,係理想睇日出地方。

(圖片來源:流浪攝)
(圖片來源:流浪攝)

(圖片來源:流浪攝)
(圖片來源:流浪攝)

亞公灣 交通:於坑口乘坐 11 號小巴前往坑口道迴旋處,再步行約 30 分鐘。

05) 南丫島 | 蘆鬚城泳灘

除咗西貢,離島亦係另一個選擇,南丫島嘅蘆鬚城泳灘,距離碼頭比較遠,由碼頭出發,要花 40 分鐘以上先會行到,所以比較少人,而且向西面,曬完太陽仲可以睇埋日落添。

Ason(@ason325)張貼的相片 張貼


蘆鬚城泳灘
交通:於中環4號碼頭乘坐前往南丫島的渡輪,再步行約40分鐘。

06) 大嶼山 | 上長沙泳灘

長沙泳灘係香港最長嘅海灘,全長 3 公里,分為上長沙同下長沙泳灘,水清沙幼而且人少,可以靜靜哋聽下海浪聲、睇住書咁曬太陽。

Yau Leo(@leoyau123)張貼的相片 張貼

上長沙泳灘
交通:從梅窩碼頭乘坐 1 號、2 號、4 號或 A35 號巴士前往長沙村。

延伸閱讀:夏日消暑推介 | 本地 5 大 水上樂園 | (附開放時間) 

下一頁: