【海洋公園萬豪酒店Staycation】最近主題樂園重新開業,海洋公園又話推出「森度遊」活動,連帶海洋公園萬豪酒店(Hong Kong Ocean Park Marriott Hotel)的入住人數都相當爆滿,更吸引不少家庭購買其Staycation套票。不過,最近有一位家長在網上炮轟海洋公園萬豪酒店,文中不僅列出酒店3宗罪,更揚言有小朋友根本不應該入住,引起不少網民瘋狂爭論,甚至有網民認為事件是事主無理取鬧。

相關文章:網民勁數Murray美利酒店四宗罪 網民:職員用非常差的語氣說可以投訴他

撰文:CY|圖片及資料來源:[email protected]家長Secrets、[email protected]

港媽大鬧小朋友唔好去海洋公園萬豪酒店?

有網民在facebook群組「家長Secrets」投稿,聲稱自己日前打算慶祝小朋友一歲生日,花費$1,800左右,攜帶兩個小朋友入住海洋公園萬豪酒店(Hong Kong Ocean Park Marriott Hotel),誰知道卻發生噩夢般的經歷,狠批酒店3宗罪,更三度大罵「有小朋友,千祈唔好去海洋公園萬豪酒店」,看起來相當激氣!不過在帖文卻有不少網民護航,甚至認為事主無理取鬧,更不應帶小朋友去Staycation,評論各有支持者。

炮轟海洋公園萬豪酒店三宗罪

【海洋公園萬豪酒店 · 第一宗罪】Check-in 要用一個鐘?

據事主描述,她們一家在2時左右抵達酒店,距離酒店建議的3時提早了一小時。當時她們見只有寥寥數人等候check-in,因此就在附近吃了點東西。然而,待到3時左右出來排隊,卻發現等候check-in人數已經多達四、五十人,最後足足等待1小時才能完成check-in,自嘲「見識少」,真係聞所未聞,繼而向網民大吐苦水。

網民砲轟海洋公園萬豪酒店三宗罪 三度狠批小童不應去 網民逐點反擊成熱話
【海洋公園萬豪酒店 · 第一宗罪】Check-in 要用一個鐘?(圖片來源:海洋公園萬豪酒店)

【海洋公園萬豪酒店 · 第二宗罪】入泳池都要排隊,仲要一半設施都係壞?

事主繼續分享當日行程,話自己check-in後,即刻出發去游泳,卻發生大堆論盡事件,令她難以忍受!她稱泳池設施有一半都是壞的,而泳池內只設有三間更衣室,當中有兩格的門鎖損壞,只剩下一個能用,她帶著兩個小朋友在「又黑、又狹小嘅空間換衫」,幾經辛苦更換完後,又要在泳池外排半個小時長龍,怨爆「嗰刻真係想講粗口」!

網民砲轟海洋公園萬豪酒店三宗罪 三度狠批小童不應去 網民逐點反擊成熱話
【海洋公園萬豪酒店 · 第二宗罪】入泳池都要排隊,仲要一半設施都係壞?(圖片來源:海洋公園萬豪酒店)

【海洋公園萬豪酒店 · 第三宗罪】點解小朋友要戴口罩?

想帶小朋友去playroom,結果事主都係一肚氣。事主表示進入playroom後,已經遵守職員指示為小朋友戴上口罩,但「我個一歲BB會自己掹走個口罩,酒店職員想趕我哋出playroom」,怨氣十足將當下情境描述得繪形繪聲,更表示職員一副「你唔合作我就call人落嚟」的樣貌,更不斷被「騷擾」,好難接受!

事主繼續鬧:「你泳池都開番……一門之隔,係(喺)playroom你話BB帶(戴)唔到口罩就唔準(准)玩……呢個係乜嘢嘅措施?」並引用醫生理論:「其實醫生都唔建議一歲樓下小朋友戴口罩,因為會焗親佢哋,會唞唔到氣。酒店職員可唔可以有番啲常識?」

網民砲轟海洋公園萬豪酒店三宗罪 三度狠批小童不應去 網民逐點反擊成熱話
【海洋公園萬豪酒店 · 第三宗罪】點解小朋友要戴口罩?(圖片來源:海洋公園萬豪酒店)

事主三度狠批小童不應去

事主在海洋公園萬豪酒店的兩日一夜生日之旅,聽聞過得相當不愉快,並在該facebook群組留下帖文,足足將重點重複三次,以警惕其他家長:

有小朋友,千祈唔好去海洋公園萬豪酒店!

有小朋友,千祈唔好去海洋公園萬豪酒店!

有小朋友,千祈唔好去海洋公園萬豪酒店!

網民逐點反擊成熱話

事主將帖文放上網後,反應卻未有獲得廣大網民支持,反而齊齊逐點反擊,成為一陣網路熱話。

相關文章:網民勁數Murray美利酒店四宗罪 網民:職員用非常差的語氣說可以投訴他

【網民回應 · 第一宗罪】Check-in 要用一個鐘?

有網民見到事主描述經過後,認為既然酒店定明3時要check-in,就應該跟足指示。如有需要提早登記,不妨禮貌地向酒店員工詢問early check-in,並贈一句:「照顧小朋友time management好緊要。」又有網民鬧事主,酒店前枱並非只服侍她一人,何況人人都有小朋友,人人都要排隊,不要事事搬小朋友出來,反斥「有小朋友覺得麻煩就唔好帶出街」,獲得多位網民點讚認同。

點擊圖片看網民精警留言

【網民回應 · 第二宗罪】入泳池都要排隊,仲要一半設施都係壞?

有網民體諒事主作為媽媽,需要一個人帶著一歲嬰兒落泳池,極為辛酸!但另一方面亦了解酒店方面在疫情下需要實施人流管制,進入泳池需要等待自然無可厚非,不應抱怨。又有網民話既然想盡快入泳池,不如先攞房再換衫落去;更有網民斥責疫情下根本不應該落泳池,尤其是帶著一個一歲大的小朋友,好心勸道:「咁高危嘅地方就咪去啦!」

點擊圖片看網民精警留言

【網民回應 · 第三宗罪】點解小朋友要戴口罩?

最後一點,事主難接受帶一歲兒子進入playroom時要戴口罩,打算求網民共鳴,卻未料網民相當反感。有網民大讚酒店員工做得好,表示疫情即使緩和,在人多地方仍然有一定風險。為保障在場人士安全,理應戴上口罩。亦有網民反鬧事主,認為她要求自己小朋友不戴口罩的舉動相當自私,如果想跟足醫生指示不戴口罩,就好心留在家中!

向左拉動看網民精警留言

有網民撰寫長文支持事主

不過網民意見並非完全一面倒,一位網民留下長文逐點回應其他網民,氣氛相當緊張。

該網民向指責事主「疫情下就留喺屋企啦」的網民喊話,無論大人細路,少出街都會導致抑鬱症狀,大家剝奪小朋友們出街的機會,反而會害了他們。他繼續大鬧建議樓主early check-in的網民,話「我地(哋)Marriott白金會員都無啦」,諷刺網民們的提議猶如無理取鬧。最後更刻意提到去playroom不戴口罩的問題,用一句「但家長試過唔得,佢可以點?」草草結束論點。

網民砲轟海洋公園萬豪酒店三宗罪 三度狠批小童不應去 網民逐點反擊成熱話
海洋公園萬豪酒店 · 網民支持事主言論([email protected]家長Secrets截圖)

不過其他網民明顯不賣帳,火速在下方展開回應。雙方網民各執一詞,回應言詞相當激烈,究竟孰是孰非就待大家判斷了。

原文連結在文末

原文帖文

【我比左千八蚊入住海洋公園萬豪酒店住兩日一夜,諗住慶祝小朋友一歲生日,點知係惡夢嘅開始………….】

酒店話三點開始check-in,星期五我哋兩點幾去到已經見到成三四人喺度排隊,小朋友話肚餓,所以係隔離食咗嘢先。

三點幾食完野出返嚟排隊,現場有四五十人,我地排左半個鐘,條龍郁都冇郁過,試吓問吓大家,香港有酒店係須要用一個鐘頭去check-in嗎?本人見識比較少,我真係未試過。

跟住試吓問吓泳池職員,睇吓係咪可以游左水先。好在都OK,不過係超級論盡!仲有d嘢………….佢個水療中心可以借用三格更衣室,但係有兩格個門鎖壞咗,即係得返一格可以用。我推住BB車同兩個細路喺又黑、又狹小嘅空間換衫,幾經辛苦換完衫,之後行到去泳池又見到一條長龍,又要排半個鐘先入得,果刻真係想講粗口,幾經波折先入到泳池,好在小朋友都叫做玩得開心,不過就發現泳池設施十樣嘢有五樣嘢係壞咗嘅。

第二朝去ball room食早餐,雖然都有條龍,排10分鐘都算OK嘅。

食完早餐同小朋友去playroom,個職員叫我BB戴口罩,我哋有同佢帶,但係我個一歲BB會自己掹走個口罩,酒店職員想趕我哋出playroom,佢一副「你唔合作我就call人落嚟嘅姿態」,仲call咗個經理落嚟,短短玩嗰大半個鐘頭都好掃興,個職員不停咁過嚟騷擾我哋。

小朋友設施係得呢泳池同playroom,你泳池都開返,所有住客喺泳池範圍可以唔戴口罩行嚟行去、游水。但係一門之隔,係playroom你話BB帶唔到口罩就唔准玩,發生喺同一間酒店之內,呢個係乜嘢嘅措施?即係喺泳池就唔會散播病菌?但係喺playroom就會?

連香港政府都豁免兩歲以下嬰幼兒於公眾地方佩戴口罩,但係你話playroom係私人地方所有人都一定要戴口罩。如果酒店真係咁為公眾人士着想的話,你又開返個泳池?其實醫生都唔建議一歲樓下小朋友戴口罩,因為會焗親佢哋,會抖唔到氣。酒店職員可唔可以有返d常識?

兩日一夜嘅生日之旅,就係經歷埋啲咁嘅嘢。
有小朋友,千祈唔好去海洋公園萬豪酒店!
有小朋友,千祈唔好去海洋公園萬豪酒店!
有小朋友,千祈唔好去海洋公園萬豪酒店!
很重要,所以要講三次!

其實下次你請埋我去,我都唔會再尼~記得之前同小朋友去迪士尼玩得開心好多,都唔係咁樣嘅~~~我只係講返我嘅經歷出嚟,謝絕道德判官~~Many thanks!

網民砲轟海洋公園萬豪酒店三宗罪 三度狠批小童不應去 網民逐點反擊成熱話
原文帖文([email protected]家長Secrets截圖)

撰文:CY|圖片及資料來源:[email protected]家長Secrets[email protected]