講咗咁耐,海洋公園森度遊嘅「星夜高峰Glamping」終於有得預訂喇!一齊睇下有咩玩啦!

$2,800/帳篷4個人+兩日門票  設備齊全:冷氣、風扇、迷你冰箱等等


成個「星夜高峰Glamping」套餐售價係每個帳篷$2,800,每個帳篷最多可容納4個人,包埋兩日門票+一餐晚餐及一餐早餐,另外仲安排咗唔同嘅特別活動,睇嚟都幾抵玩。部分收益將撥捐香港海洋公園保育基金,體驗Glamping之餘,仲可以支持保育活動。

講明係Glamping,就梗係有個靚靚營同基本傢俬,仲有冷氣、風扇、迷你冰箱、充電插頭(夜晚可以整個杯麵食),附近仲有淋浴設施,兩手空空就可以去舒舒服服地露營,非常方便。一行出帳篷就見到360度嘅海景,夜晚仲可以同朋友坐喺營地傾下偈,睇下星星,成個體驗都好特別。

遠離都市繁囂,交通又便利,真係幾適合一家大細、成班friend子或者情侶sweet sweet一齊去過番晚。

帳篷內的基本傢俬一應俱全,仲有充電插頭,咁就唔洗驚電話冇電啦!
帳篷內的基本傢俬一應俱全,仲有充電插頭,咁就唔使驚電話冇電啦!

Camp Site入面有齊晒基本設備,感覺Cozy!
Camp site入面有齊晒基本設備,感覺cozy!

由朝玩到晚  行山+餵海獅+夜探南極奇觀

海洋公園仲特別設計咗一系列嘅活動,全屬免費性質,包括導賞員帶行南朗山,同埋參觀香港海洋生物救護及教育中心,近距離親親海獅,連夜晚都可以去探南極企鵝,仲有主持帶參加者分隊大玩挑戰遊戲,節目好豐富!第二朝,如果你起到身,專人仲會帶你去全公園最佳位置觀賞日出。

節目多多,可以揀親親海洋動物,又可以揀自己去玩公園內嘅其他設施,玩足兩日!
節目多多,可以揀親親海洋動物,又可以揀自己去玩公園內嘅其他設施,玩足兩日!

親手餵海獅食魚!
親手餵海獅食魚!

近距離同海獅合照係指定動作吧!
近距離同海獅合照係指定動作吧!

「BB,有海獅bb游過呀!」
「BB,有海獅BB游過呀!」

海景前食晚餐,食物菜式都好豐富,有燒烤拼盤、小食、甜品拼盤。不過如果你係素食者,就要提前預訂素食餐單。
海景前食晚餐,食物菜式都好豐富,有燒烤拼盤、小食、甜品拼盤。不過,如果你係素食者,就要提前預訂素食餐單。

Glamping睇星是常識吧!
Glamping睇星是常識吧!

食完飯仲有主持帶住參加者去「動感天地」玩遊戲!
食完飯,仲有主持帶住參加者去「動感天地」玩遊戲!

當然唔少得睇企鵝!
當然唔少得睇企鵝!

主持帶領住參加者完成指定嘅Challenge。
主持帶領住參加者完成指定嘅challenge。

第二朝對住無敵大海景食早餐。
第二朝對住無敵大海景食早餐。

「與動物大使見面」中嘅動物大使其中一員就係樹懶,梗係要嚟張selfie!
「與動物大使見面」中嘅動物大使,其中一員就係樹獺,梗係要嚟張selfie!

再同埋露營裝束嘅「威威」影相,咁就完美啦!
再同埋露營裝束嘅「威威」影相,咁就完美喇!

「星夜高峰Glamping」報名詳情:https://bit.ly/3mWdnjB

 

(Presented by Ocean Park)