香港茶餐廳特色除了一杯熱奶茶加蛋撻,凍檸茶亦是一大重點,但最近有網民在討論區發文,問大家有沒有發現「好似越嚟越多餐廳檸茶檸水用沖劑,即係杯飲品無檸檬、無茶」,難道咁都要「慳皮」?帖文一出更引來過百網民表示同感,指曾經問侍應為何沒有檸檬在內,得到的回應竟是「咪連皮榨咗汁畀你」,直言接受唔到,懷疑是改用沖劑製成,完全失去凍檸茶的靈魂。

檸檬茶 茶餐廳 網民指很多餐廳的凍檸茶沒有檸檬片
網民指很多餐廳的凍檸茶沒有檸檬片(圖片來源:[email protected] Shin)

餐廳為慳$2成本棄用新鮮檸檬變沖劑 網民:香港味道都可以放棄?

篤篤檸檬,茶味下帶有檸檬的酸甜與些微的澀味,才是一杯餐廳凍檸茶的精髓。但最近有網民在討論區發文,問大家有沒有發現「好似越嚟越多餐廳檸茶檸水用沖劑,即係杯飲品無檸檬、無茶」,然而帖文一出即有過百網民反映自己有同樣經歷,指現時餐廳的檸檬越來越少,「以前都有4片檸檬,而家得返2片紙咁薄」。不過原來凍檸茶仍有「紙咁薄」的檸檬現時已稱得上幸福,因有網民發現越來越多餐廳,不論連鎖或是小店均疑似改用沖劑製檸茶,有網民曾問職員為何味道不同,有員工指「完全將檸檬榨到連核都無,係原汁原味」,惟食客完全不認同。

檸檬茶 茶餐廳 網民指「好似越嚟越多餐廳檸茶檸水用沖劑,即係杯飲品無檸檬、無茶」
網民指「好似越嚟越多餐廳檸茶檸水用沖劑,即係杯飲品無檸檬、無茶」(圖片來源:[email protected] Huff)

亦有直接認改用了沖劑的員工指「因為檸檬一個成本都$2-$4,用沖劑成本低好多,咪轉用咗囉」。不過網民指香港人根本不能接受這種做法,直言「連最簡單最經典香港味道都可以放棄」,為成本節省,卻減少客源,值得嗎?大眾更表示當發現餐廳用沒有檸檬的檸茶招待客人時,他們會頭也不回地走,表示絕無下次,因用沖劑沖成的飲品「難飲到爆」,指「好似飲緊稀釋檸檬洗潔精」、「其實去食野都唔係咁簡單為食,重點係杯茶,茶都搞到咁我寧願唔會幫襯」、「香港人飲凍檸茶係要篤篤篤啲檸檬茶㗎喎!無檸檬,咁仲點可以叫港式茶餐廳啊?」、「慳呢d係咪傻㗎!茶仔杯檸茶同咖啡完全係靈魂,最重要。」

檸檬茶 茶餐廳 網民指有鮮檸檬的凍檸茶是港式茶餐廳文化特色示意圖,非當事人)
網民指有鮮檸檬的凍檸茶是港式茶餐廳文化特色(示意圖,非當事人)(圖片來源:電影《淪落人》截圖)

業內人士:自設工場用榨取檸檬汁代替鮮檸檬

改用沖劑的做法其實早有業內人士曾表示一年前已聽聞,指本地有餐廳改以榨取檸檬汁作為檸檬茶原料,更設中中央工場把整個檸檬榨取成汁液,大大降低成本。餐廳為求生存想盡辦法,但食客為求味道不會摒棄傳統,指「無檸檬同我買紙包飲有咩分別?紙包仲要平你咁多。」

檸檬茶 茶餐廳 網民指先例一開,可能連奶茶都改用沖劑示意圖,非當事人)
網民指先例一開,可能連奶茶都改用沖劑(示意圖,非當事人)(圖片來源:《阿媽有咗第二個》截圖)

當大家對於檸檬沖劑表示嫌棄時,亦有網民指「幾十蚊一杯嗰啲台式飲料好多都係用濃縮嘢溝出嚟,又唔覺得貴嘅」,但隨即被網民反擊「手搖同餐廳飲品根本兩回事」、「知唔知咩叫情懷」、「檸茶改得用沖劑,遲啲連奶茶都變粉沖」。而網民更指此做法主要是連鎖店行為,直指「百分X連鎖店就最常見,做壞個頭就等人跟,做壞規矩!」

圖片來源:電影《阿媽有咗第二個》、電影《淪落人》、[email protected] Huff、[email protected] Shin

相關文章