香港桌球大師賽2022於10月6日起一連四日於香港體育館舉行,香港桌球代表傅家俊最近亦在社交平台表示:「剛剛用咗差唔多一個鐘嘅時問同奧蘇,希堅斯,沙比,卓林普,解釋安心出行嘅用法!看來一連4日的「香港世界桌球大師賽2022」又帶給世界級選手一個新體驗。然而,安心出行在香港已實行一段時間,若然身上電話沒有此應用程式,基本上大部分地方都不能進入,想外出用膳更是沒可能。不少專家已提出倡議,指多此一舉,影響旅客訪港意欲。

桌球大師 傅家俊 傅家俊表示用了1小時解釋安心出行用法
傅家俊表示用了1小時解釋安心出行用法(圖片來源:[email protected] Fu 傅家俊)

香港桌球大師賽運動員不解安心出行用法 傅家俊:我都用1個鐘先解釋到

香港實行「0+3」以吸引旅客訪港及刺激經濟活動,惟成功刺激經濟前,已先刺激了一班世界級運動員的腦袋。一連4日的「香港世界桌球大師賽2022」將於今日起於香港體育館舉行,香港球手傅家俊在社交平台上表示「剛剛用咗差唔多一個鐘嘅時間同奧蘇,希堅斯,沙比,卓林普,解釋安心出行嘅用法!」傅家俊在賽前球手見面會上指,由於幾位球手下載「安心出行」後滿頭問號,其中沙比抵港兩日已變「藍碼」,問及原因亦難解釋。而奧蘇利雲受訪時則指自己有責任遵守各地防疫規例,笑指一系列的防疫限制能有助他專心作賽。

桌球大師 傅家俊 奧蘇利雲、沙比、羅拔臣、希堅斯等球手到港參賽
奧蘇利雲、沙比、羅拔臣、希堅斯等球手到港參賽(圖片來源:[email protected]香港世界桌球大師賽)

外國人難選擇「現在離開」及「已經離開」

其後隨即引來伍家謙留言問及:「奧蘇有無話打147仲易過用個app?」;何基佑指「厲害,我淨係同外國朋友解釋幾時選擇「現在離開」同「已經離開」,大家都hang咗機」。

桌球大師 傅家俊 各人留言後獲大量網民Like爆
各人留言後獲大量網民Like爆(圖片來源:[email protected] Fu 傅家俊)

網民:犀利!香港又可以出名啦!

網民看到帖文後笑指其實解釋個app唔難,點用先難,直言「難過set士碌架」,「要解釋入體育館掃一下,到體育館內嘅更衣室前要先離開,再喺更衣室門口掃一下入去,換完衫又要離開再掃返體育館嘅QR,到比賽場門口又要先離開,再掃入比賽場嘅QR code。」

桌球大師 傅家俊 網民指使用安心出行「難過Set Snooker」
網民指使用安心出行「難過Set Snooker」(圖片來源:政府網站)

網民更期待知道奧蘇的反應,指「幻想一吓奧蘇等一齊食飯盒,一齊打snooker之情景,香港又出名啦」、「佢哋嚟到香港要每隔2日做PCR,我諗你要做導遊」、「佢哋嚟到無得出街食飯,可以食到香港名物兩餸飯」。亦有網民再溫馨提示傅家俊要再花一小時解釋有關限聚令的安排,指「香港行街唔可以多於4人,但食飯又可以12人,食完飯唔可以一齊行,我驚你畀佢哋笑到面黃」、「佢頭3日都係食外賣,3日後打完飛走咗」。

桌球大師 傅家俊 香港現時奉行紅、黃、藍碼,只有藍碼可進表表列處所
香港現時奉行紅、黃、藍碼,只有藍碼可進表表列處所(圖片來源:政府網站)

而根據香港世界桌球大師賽Facebook所指,早前剛到埗的球手趙心童原定今晚10月6日晚上7時對戰羅拔臣,但因確診新冠肺炎退賽,將由世界排名第七, 綽號「黃金左手」的威廉斯補上。

常見問題

奧蘇利點睇香港防疫限制?

傅家俊在賽前球手見面會上指,由於幾位球手下載「安心出行」後滿頭問號,其中沙比抵港兩日已變「藍碼」,問及原因亦難解釋。而奧蘇利雲受訪時則指自己…詳情請看

有網民提示傅家俊要再解釋有關限聚令安排?

有網民再溫馨提示傅家俊要再花一小時解釋有關限聚令的安排,指香港行街唔可以多於4人,但食飯又可以12人,食完飯…詳情請看

圖片來源:[email protected] Fu 傅家俊、[email protected]香港世界桌球大師賽、政府網站