最近行過果欄,發現不少日本士多啤梨做緊大減價,皆因其當造季節已經接近尾聲,欄商都實行減價益街坊,讓大家把握最後機會食平靚正士多啤梨。價錢一劈再劈,由上星期賣$100一箱,到今個星期$90一箱兩盒,超抵!港人最愛的甜王、熊本士多啤梨等多款品種都有減,即睇以下幾款精選品種。

撰文及攝影:ning(原文刊於《新假期》)

迫爆!果欄日本士多啤梨大減價

日本士多啤梨的當造季節,一般都是每年11月開始,到2月底結束。記者問過欄商,雖然已踏入三月份,但近日依然還有不少日本士多啤梨到貨,品質也佳,酸甜有致的味道都符合港人口味。

果欄日本士多啤梨
在日本士多啤梨減價潮之下,果欄隨處都見到這些士多啤梨塔!

貨量多,自然可以平價益街坊。不過欄商也提醒,始終是季尾,貨量也會相對浮動,隨時賣晒就冇,所以大家都要把握最後last call機會買日本士多啤梨了!

果欄日本士多啤梨
上星期的士多啤梨價格依然賣緊$100一箱。

果欄日本士多啤梨
沒想到今個星期已經減到$90!

假日的果欄已經夠人山人海,遇上日本士多啤梨大減價,更是多人過年宵!針都插唔入!

果欄日本士多啤梨
假日再加士多啤梨減價,果欄可以有幾多人?等記者用張相來答你!

果欄日本士多啤梨
果欄內外,全部擠得水洩不通!

果欄日本士多啤梨
$90買到一箱兩包的日本士多啤梨,當然人人瘋搶。

減價品種逐款睇!

果欄現場所見,價錢的確一減再減,上星期最平$100一箱兩盒,剛過去的周末再去巡視,竟然再跌至$90一箱兩盒,比起超市依然賣緊$150一箱,絕對係「黐線價」!而且頗多品種都有減價,以下幾款就最抵。

福岡甜王

最多人認識的日本士多啤梨品種,味道濃香而甜,但亦帶少酸,口感腍滑。雖然踏入季節尾聲,但依然飽滿大粒又紅潤。

果欄日本士多啤梨
福岡甜王士多啤梨 $90/箱(兩盒)。(欄之選)

果欄日本士多啤梨
幾乎每檔的甜王都有減價!店員更頻頻開箱補貨。(有利果欄)

熊本熊紅

來自熊本縣,粉紅色的搶眼紙盒,包裝上更有熊本縣吉祥物Kumamon熊本熊的可愛樣子,fans必買必儲必食!賣相圓潤肥美,就如Kumamon一樣,味道也香甜多汁。

果欄日本士多啤梨
熊本熊紅士多啤梨 $90/箱(兩盒)。(有利果欄)

熊本戀實士多啤梨

2017年新登陸的品種,口感較為爽脆,果肉為奶白色至淡櫻花色,粒粒皆為心形,酸甜平均。

果欄日本士多啤梨
熊本戀實士多啤梨 $90/箱(兩盒)。(有利果欄)

果欄日本士多啤梨
熊本戀實士多啤梨 $90/箱(兩盒)。(有利果欄)

佐賀穗之香

佐賀人氣士多啤梨之一,認住包裝紙上的日本LICCA娃娃即可。水滴形狀夠可愛的骰,賣相鮮艷亮紅,食落酸甜有致,士多啤梨香氣也頗突出。

果欄日本士多啤梨
佐賀穗之香士多啤梨 $90/箱(兩盒)。(有利果欄)

長崎夢之香

口感比一般士多啤梨結實,飽滿多汁,因為臨近完熟才收割的關係,每粒都是鮮艷紅色,味道甜美帶少酸。

果欄日本士多啤梨
長崎夢之香士多啤梨 $90/盒(兩盒)。(進濤菓欄)

銷售點:

油麻地果欄一帶(欄之選、伍記欄、有利果欄、進濤菓欄)

備註:士多啤梨價錢及減價品種只供參考,以當日欄商定價及貨量為準。

延伸閱讀:小心冒牌日本士多啤梨 | 3點教你分辨正貨

果欄日本士多啤梨大減價 季尾Last Call!| 甜王一箱兩盒!