今個星期相信大家都被櫻花相洗版,因為最近天氣回暖,連櫻花都步入盛開期,但除咗影靚靚櫻花,仲可以到美孚一日遊捕捉盛開的宮粉羊蹄甲及食人氣車輪餅,加埋去文青市集大玩 Photobooth 同畫 Henna 彩繪,你又點捨得唔出街?

1)中大櫻花盛開 去邊度影至啱?


發現日本河律櫻!新亞書院知行樓

經過中文大學新亞書院知行樓前嘅小花園時,絕對唔難發現!雖然呢有 7 棵櫻花樹未算生得好粗壯,但係奪目嘅淺粉紅花瓣已經吸引唔少眼球。

新亞書院知行樓

地點:中文大學新亞書院知行樓 (顯示地圖)
交通:港鐵大學站乘2號校巴或沿校內指示步行前往

校巴站前嘅鐘花櫻桃

睇日本青春校園劇時,成日都會覺得啲學生一面等車一面聽歌,然後有一陣風吹來,幾朵櫻花隨隨飄落到地,滿地粉紅,場景極之唯美!原來喺中大嘅聯合書院校巴站前都會出現呢種場景。

聯合書院校巴站前

地點:中文大學聯合書院校巴站 (顯示地圖)
交通:港鐵大學站乘2號校巴或沿校內指示步行前往

下一頁:大型手作市集 潮玩 Photo Booth

2)大型手作市集 食玩影齊全

〈期待是:〉是特地以愛情故事形式包裝的手作市集,營造浪漫氣氛之餘,又可以為 3 月 14 白色情人節做足準備,睇下有咩攤位!

即影即有Photo Booth 舉潮語牌扮 Minions

即影即有Photo Booth會提供不同道具,例如:EMOJI,社交網站Icon同網上潮語牌等,大家可以配合道具擺出不同姿勢,令相片更加豐富有趣!相片模樣更係設計師專為今次市集主題度身訂造,獨一無二!

印度 Henna Tattoo 彩繪

Henna 彩繪設計師 Ken Chan 將為市集活動帶來即時彩繪服務,風格以半傳統式圖案、無特定規限和多元化為主。

其他攤位手作:

Mell & Izzmi

Boron Handmade Workshop: