大家都說,香港的物價愈來愈高,出街食餐飯,動輒二、三百元,有時遇到沒良心、沒質素的劣食,吃到成枱一肚氣!抵食的餐廳已經沒有了嗎?當然不是。今期我們搜羅了 本地平食 深水埗 7 間性價比高的中菜餐廳及地道小店,價錢絕不是最平,但就是物有(超)所值,也是我們的拍心口推介!

1) $35 起鐵板燒便當!即叫即炒好抵食!★板上

午市最平可以做到$35 起的鐵板燒便當,即叫即炒,新推出的雪花一口牛便當,選用加拿大牛柳粒,師傳手法純熟有功架,牛柳粒八分熟,肉味濃郁滿口油香。除了幾款鐵板便當,店家還有大阪燒、黑豚漢堡等小食,值得一試!

雪花一口牛便當 $52 (套餐附送指定飲品) 牛肉炒得鮮嫰鎖肉汁,便當份量剛剛好,適合作午餐享用。
雪花一口牛便當 $52 (套餐附送指定飲品)
牛肉炒得鮮嫰鎖肉汁,便當份量剛剛好,適合作午餐享用。

赤味噌燒豚五花便當 $46 (套餐附送指定飲品) 以名古屋的招牌赤味噌煮黑豚肉再以鐵板燒快炒,黑豚肉味重,略嫌稍乾身。
赤味噌燒豚五花便當 $46 (套餐附送指定飲品)
以名古屋的招牌赤味噌煮黑豚肉再以鐵板燒快炒,黑豚肉味重,略嫌稍乾身。

黑豚漢堡配脆薯皇 $38
黑豚漢堡配脆薯皇 $38

可樂餅 $24/份 可樂餅有咖哩/牛肉/南瓜三款餡料。
可樂餅 $24/份
可樂餅有咖哩/牛肉/南瓜三款餡料。

地址:深水埗桂林街 36B 號地舖(顯示地圖
營業時間:11AM – 9:30PM
平均消費:$60

2) 地痞鑊氣王★愛文生

食小炒最緊要鑊氣,位於深水埗的愛文生絕對做足一百分,所有小炒均出自店中兩個巨型火水爐,食物經過超過 200℃ 高溫,師傅三、兩下手勢,小菜於 3 分鐘內上菜,食得!

每逢入夜,食客便由街頭坐到街尾。
每逢入夜,食客便由街頭坐到街尾。

豉油王炒麵 $55 不在菜單上,但熟客必點!麵夠乾身,不會太鹹,加上芽菜口感好!
豉油王炒麵 $55
不在菜單上,但熟客必點!麵夠乾身,不會太鹹,加上芽菜口感好!

豉椒炒蟶子 $118 蟶子大隻又爽甜,所有海鮮例牌收費,不怕海鮮價畀人呃。
豉椒炒蟶子 $118
蟶子大隻又爽甜,所有海鮮例牌收費,不怕海鮮價畀人呃。

小炒王 $88 有蝦乾、土魷、韭菜花和冬菇等,即叫即炒,鑊氣十足。
小炒王 $88
有蝦乾、土魷、韭菜花和冬菇等,即叫即炒,鑊氣十足。

地址:深水埗荔枝角道 215 號(顯示地圖
營業時間:6pm-1am
平均消費:$120
備註:免加一,只收現金

3) 雞煲刺身任食★西川風味餐廳

任食雞煲放題愈開愈多,但邊間質素最好,真的要試過先知。這間先後於長沙灣、慈雲山開店的雞煲店,近日再於深水埗插旗,任食雞煲最平時段每位只需 $128,另加 $38 可食埋刺身放題,多達 10 款的刺身任叫任食,最重要是質素也不賴。而火鍋配料款式頗多,連平日放題少見的牛骨髓和羊肉片都有,汽水啤酒任飲,埋單每人不用 $200,抵食!

雞煲可選BB辣或大、中、小辣,雞肉頗為嫰滑。
雞煲可選 BB 辣或大、中、小辣,雞肉頗為嫰滑。

刺身新鮮,跟足落單數量,沒有偷工減料,抵讚!
刺身新鮮,跟足落單數量,沒有偷工減料,抵讚!

肥牛片厚度適中,頗有牛味。
肥牛片厚度適中,頗有牛味。

菜肉餃、響鈴也好味!
菜肉餃、響鈴也好味!

地址:深水埗青山道 162 號地下(顯示地圖
營業時間:5pm-2am
平均消費:$200
備註: 長沙灣、慈雲山另設分店;7:30 前離座/9:30 後入座成人每位 $128,小童
$88;9:30 前入座成人每位$148,小童 $88,限時 120 分鐘。設加一,收信用卡

4) 香滑豬油腸粉★合益泰

每條滑嘟嘟的腸粉除了會加入麻醬外,更會淋上豬油,令腸粉更香口,陣陣童年回憶湧起,而且賣 $10/9 條,連價錢都很「童年」!難怪每日都大排長龍。另外有盛惠$12 的足料艇仔粥,$6/5 粒的咖喱魚蛋,大件夾抵食。

腸粉 $10/9條 腸粉滑溜有份量,同時散發豬油香味和米香。
腸粉 $10/9條
腸粉滑溜有份量,同時散發豬油香味和米香。

艇仔粥 $12 非常足料,口感綿滑,$12去邊度搵?
艇仔粥 $12
非常足料,口感綿滑,$12 去邊度搵?

魚蛋+蘿蔔+豬皮 $25 無點你,三款都好味。
魚蛋+蘿蔔+豬皮 $25
無點你,三款都好味。

地址:深水埗桂林街 121 號地下(顯示地圖
營業時間:6:30am-8:30pm
平均消費 $25
備註:不設加一,只收現金

5) 踏實平價小食店★春潤堂

當車仔麵, 外面收八、九蚊一個餸,這裡只賣五蚊,已經有 7 粒魚蛋,激抵!魚肉碗仔翅超足料只賣 $15!區內街坊大讚出品味道踏實、大大碗、價錢抵,油渣麵要食瘦渣或肥渣都可以講明,外面邊有咁好服務。

油渣麵加豬腸 $25 油渣大大件,有腍和脆兩種,前者香口,後者煙韌,加點辣菜脯同吃,惹味得過分。
油渣麵加豬腸 $25
油渣大大件,有腍和脆兩種,前者香口,後者煙韌,加點辣菜脯同吃,惹味得過分。

魚肉碗仔翅 $15 碗仔翅用豬骨湯煮成,加了木耳、瘦肉絲、冬菇、蛋花、粉絲等,吃罷不會口乾。而魚肉由人手撻成,即叫即灼,就是怕預先灼熟失去口感。
魚肉碗仔翅 $15
碗仔翅用豬骨湯煮成,加了木耳、瘦肉絲、冬菇、蛋花、粉絲等,吃罷不會口乾。而魚肉由人手撻成,即叫即灼,就是怕預先灼熟失去口感。

四溝 $18 韭菜豬紅蘿蔔大腸,每款材料都很新鮮,豬腸也洗得乾淨,沒有多餘肥膏,讚!
四溝 $18
韭菜豬紅蘿蔔大腸,每款材料都很新鮮,豬腸也洗得乾淨,沒有多餘肥膏,讚!

自製菜脯有辣有唔辣,切得細碎,鹹香味濃。
自製菜脯有辣有唔辣,切得細碎,鹹香味濃。

地址:深水埗大埔道 14-16 號華都大廈 2 號舖(顯示地圖
營業時間:星期一至星期六 9:30am-10pm、星期日 10:30am-8pm
平均消費:$25
備註:不設加一,只收現金

6) 惹味辣油車仔麵★文記車仔麵

這間長時間大排長龍的車仔麵店,湯底用腩汁加瑞士汁,比一般的惹味。推介瑞士雞翼, 燜得夠入味, 雞肉一咬就骨肉分離,無牙都食到。另外必配自家辣油,帶有一點麻香,香氣於口中久久不散,辣到適中, 食埋少見的上湯柚皮,一絕!

柚皮、瑞士雞翼、韭菜餃配油麵 $32
柚皮、瑞士雞翼、韭菜餃配油麵 $32

四餸車仔麵,配上店家自製辣醬,味道夠搶又帶麻辣的香味。
四餸車仔麵,配上店家自製辣醬,味道夠搶又帶麻辣的香味。

地址:深水埗福榮街 121 號地下(顯示地圖
營業時間:11am-1am
平均消費:$40
備註:不設加一,只收現金

7) 薑葱雞髀★雄輝餅店

嫌車仔麵未夠喉,4:30pm 後可行兩步到隔籬街的雄輝餅店,不是買麵包,而是歎其名物薑葱雞髀。雞髀不算大隻,但勝在焗得入味,一打開包裝的錫紙,香濃薑葱味立即湧出,咬一啖,雞肉鮮嫩,雞汁多到瀉,$16 蚊一隻絕對抵食!2

薑葱雞髀$16,平日只限4:30pm發售,星期六、日則全日有售。
薑葱雞髀 $16,平日只限 4:30pm 發售,星期六、日則全日有售。

另有椒鹽雞腎和薑葱雞翼出售,同樣平日4:30pm後有售。
另有椒鹽雞腎和薑葱雞翼出售,同樣平日 4:30pm 後有售。

地址:深水埗福華街 153-155D 號地下(顯示地圖
營業時間:8am-8pm
平均消費:$20
備註:免加一,只收現金

下一頁:本地掃街 指南|石籬 5 大必吃!

延伸閱讀:

4 間平民價 元朗小食 店

平民之選 | 本地 4 間 海膽 食品推介