《警訊》教落,去旅行千祈唔好幫陌生人帶木雕同金條賺旅費!其實世上仲有千千萬萬種一邊旅行、一邊賺錢嘅方法。當然唔會犯法、唔使冒險,就可以輕易幫人代購外地特色小物!見到想買嘅外國產品又冇朋友去開幫手買?想賺少少錢幫輕旅費,「旅行 x 代購 」平台是一種新模式!

代購 新模式 邊旅遊邊接單!


去旅行個喼有位剩,想幫人 代購 面膜、Starbucks杯幫補旅費又無從入手?香港最近出現了一個平台可讓大家學做代購。「Fetch A Wish購物旅友」 是一個代購連繫旅人同買家嘅平台,只要登記做會員,就可以即刻接單代購,甚至開 post 同其他人一齊夾單,相比起自己經營一間Ig shop,更快速擴闊買家範圍。

冇得飛 都買到限定品

另一邊廂,平日在屋企掃電話時見到外國出咗新款Head Porter銀包,但最近冇假期去旅行自己買?呢類「旅行 x 代購」平台亦可以幫你配對代購買手,主動搵人喺外國買新出產品返香港!「Fetch A Wish」的網站也有此功能,只要按下「提出請求」, upload 心儀產品嘅相同資料,以及願意負擔嘅心水價錢,就可以等買手幫你買嘢!

買家賣家都可以定價?

一般 Ig 代購、轉運公司的代購模式都是單向,由店家 set 好價,買家啱心水就出手。「Fetch A Wish」 讓買家、賣家都能自由定價,買家只願出$100買該件物品的話,賣家可以考慮是否替該買家代購!主導權就不止在賣家手上了,買家也可以根據心目中的價錢出價,唔使被人撳住嚟搶!

好處1|100%購物保障!

代購一般只講信任,買家交錢賣家就交貨,但總會出現一些有心呃買家的騙徒!亦有一些買家又會口頭說買,最後冇付錢,雙方都毫無保障。在這個平台,買家要先付訂金給「 Fetch A Wish」(非賣家),而賣家則要在交貨後才會有該代購的錢,「Fetch A Wish 」作為中介,只會收取賣家3-6%的費用來支付畀信用卡手續費同埋維持平台運作,100%保障雙方!

好處2|專人幫賣家交收

約交收也是代購最麻煩的地方,但賣家只要經這個平台賣貨,可以將貨品一併交往觀塘中心或者9月開啟的旺角中心,由平台人員代為寄出,又或買家自行到觀塘或旺角中心領取,絕對不用逐個約出來交收!

好處3|主動搵人代購

買家在網上購物往往是被動角色,多番尋覓才可以找到賣家買心水貨品。「Fetch A Wish」給予買家主動權,主動發布請求,搵賣家幫你買心水物品,唔需要坐喺電腦前面不停 refresh 新產品!

編輯部精選!特色代購物品

只要外國有出新產品,都可以即時上「 Fetch A Wish」 代購或者搵人幫手買!以下有編輯部近期在 「Fetch A Wish 」看到的精選產品,大部分都是近排大熱貨品!

01|台灣:超療癒 貓貓肉球護唇膏

主子最可愛除咗驕傲樣之外,當然仲有肉球!台灣最新推出的潤唇膏就用貓掌作主打,可愛造型擊中少女心,而且潤唇膏絕不使用石蠟、防腐劑等有害物質,台灣直送香港!

02|日本:Salonia 兩用直髮夾

日本線記者也極力推介,超夢幻粉藍色的直髮夾非常少見;而且 Salonia 推出的電髮夾向來好用,細細支都非常夠力夾直頭髮,配備負離子就不會太傷頭髮!

03|日本:吸油蓬鬆粉撲

日本近期大熱頭髮粉撲,海綿頭拍打在頭髮上,白色的吸油粉可以令頭髮不再油膩膩,在容易出油的夏天使用會非常合適!

04|日本:原廠他媽哥池

小時候成日買老翻他媽哥池玩,大個依家有啲錢絕對可以買番部正版玩!呢部新出 mix ver. 曾經賣斷市,依家又再入返貨,再等可能又冇了!

05|韓國:Medicube 去黑頭清潔棉

這盒內是一塊塊的 Zero Pore Pad,每塊棉花都能夠一面去油脂去死皮,一面收細毛孔,無論男女都超有用。

06|美國:Flip It 自拍神器手機殼

世上第一個四合一手機殼,集自拍神器、自拍remote、腳架及手機殼於一身。自拍棍可以拆出嚟當做remote自拍器,機殼仲有腳架,只要set好機,想影大合照都冇難度。

07|美國:Kor One 運動水樽

連碧咸都在用的型格水樽,Kor One 運動水樽跟其他品牌與別不同的特點就是有多種顏色選擇,就咁攞出街都見得下人!

08|美國:Prynt Pocket 迷你即影即有手機殼

Prynt手機殼讓你唔使特登買部即影即有,只要將手機套上 Prynt Pocket 便可以打印出相片,不需要連接藍牙或Wi-Fi,非常方便。

09|韓國:Secret Key 七合一洗面棒

七合一懶人洗面棒,包括洗面膏+洗面油+洗面皂+卸妝+洗面掃+按摩+提亮膚色。每日只需3分鐘,就能清潔毛孔、洗面、卸妝、按摩幫助瘦面。

10|台灣:HIDO 絲瓜絡

絲瓜絡有去角質功效,最啱趕走粒粒,而且仲係無添加防腐劑,手工醇造;發起的泡泡非常綿密,順滑溫和,洗完之後好水潤,絕不覺得乾燥!

延伸閱讀:性價比極高!$1,300入住大阪天然溫泉酒店