港府大力打擊小販,老饞每逢過年才有機會重拾庶民風味,今年又是否要再大叫「我要真小販」?深水埗桂林街夜市去年爆紅,排長龍的腸粉檔被指每小時營業額高達$15,000,就算價錢貴過添好運兼要街邊苦等,掃街庶民風味仍吸引港人。

1.深水埗桂林街 規模最大


HK_night_market

位於深水埗的小販夜市規模最大,除了做到開舖的新記腸粉過年仍開檔,仲有炸大腸、汁炒燒賣、鐵板串燒、$10炭火燒魷等。

HK_night_market1

經去年嚴打後,小販開創走鬼模式,有的走到朗豪坊,又試過走到砵蘭街,路徑很難限預測。有網民推介朗豪坊石斑魚蛋,先煮熱再燒香,十蚊串有四粒。自問是真正老饞,就用鼻子來搵食吧。

2.牛頭角下邨 炭火鼎盛

HK_night_market2

牛下曾經是小販重鎮,邨內名物是炭燒雞蛋仔,亦隨牛下重新興建而消失。

HK_night_market3

去年新年炭火雞蛋仔再現,同場更引入大澳風情,例如炭燒魷魚乾及每碟$25的蝦乾。若想飽肚,炭燒雞翼及腸仔等,也不失為好選擇。注意!牛下也常遭食環署驅趕走鬼,但主要在九龍灣及牛下附近徘徊。

3. 上水彩園邨 擠滿天橋

HK_night_market4

繼桂林夜市被打擊成名後,上水彩園邨至火車站一段天橋路,以往食客不絕擠滿整條天橋,例如即拉腸粉、糯米飯、邪惡炸大腸、串燒和生滾粥等,據聞要起碼夜晚十點後,才會見到小販出沒,全盛時期多達三十車小販檔。

HK_night_market5

食物選擇相當多,單是雞髀就有滷水雞髀、鹽焗雞髀、炭燒雞髀、炸雞髀,任君選擇。有傳以往因有勢力人士操控,小販生意大行其道,但去年也開始走鬼生涯,要從不同方向天橋找找。

下一頁:最夜小販檔&至抵食之選

4.  小西灣邨 開得最夜

HK_night_market6

小西灣邨對開巴士站新年期間有多個小販檔,吸引逾千人排隊,做到凌晨四點都仲有得食。

HK_night_market7

去年除基本魚蛋丸類外,有小販即製班戟、炭火串燒、燒魷魚、腸仔等,仲有即煮生菜魚肉碗仔翅,睇見都流口水。

5. 石硤尾南山邨 1蚊魷魚

HK_night_market8

南山邨內本身有些小食店,以麥記士多賣$1條魷魚最出名,有傳平日下午六、七時後才擺賣。街坊讚魷魚價錢抵食,食落爽口多汁,魷魚夠入味,食食吓辣味慢慢滲出,好正。

HK_night_market9

新年期間,仲有其他小販擺賣,包括雞蛋仔、$7格仔餅及蒸燒賣等。

圖片來源:網絡

延伸閱讀

過年行大運 | 農曆年長假15個香港好去處

全港櫻花開花時間表公布 | 話你知5個賞櫻秘點

本地好去處 | 推介青草地野餐5大秘點