甫踏入11月,唔少商場都轉上聖誕裝,上星期連尖東的聖誕燈飾都已經亮燈。同朋友、情人歡度聖誕固然開心,不過諗起要挑選聖誕禮物就頭痕。想為最愛挑選一份特別的聖誕禮物,可於未來兩個星期,分別在灣仔星街及太古坊糖廠街舉行的 白色聖誕市集 慢慢揀!如果想有心思啲,更可以參加場內的工作坊,親手為家人、朋友同情人整份小禮物。市集內仲有多款美食,好似火雞腸熱狗等,開心為聖誕做足準備!
撰文:Jumbo │拍攝:Tony、相關機構(原文刊於《新假期》網頁)

$100有找 即場教你整小禮物

這個白色 聖誕市集 已經是第4年舉行,今年以「Homemade Happiness」為主題,可以買聖誕裝飾之外,最注目的是有超過5個workshops可以即場報名參加,$100都唔使就攞埋成品返屋企!當中包括手繪木製聖誕裝飾品、製作水晶球、炮製糖果雪人裝飾等等,想參加就要留意工作坊時間表,去報名啦!

掃埋禮物加聖誕裝飾!

除了DIY班,懶人們都可以於市集即場買好物。這裡有來自北美的聖誕家品裝飾、英國製造的聖誕糖果,亦有手作珠寶飾物及護膚用品等。除了可當作禮物,亦可買回家作裝飾,增添節日氣氛。

$40節慶美食晒冷! 雪球大戰+live music超好氣氛

市集另一賣點就係有得玩又有得食,場內超過10個美食攤位提供限定的節慶食品,如火雞腸熱狗、自家製曲奇餅及薑味意大利雪糕雞蛋仔等等,全都是$40/份,需先買代購票,再換取食物。另外有歐洲傳統的聖誕熱飲-暖紅酒,凍凍哋行 聖誕市集 ,行完有聖誕節慶美食,正呀!

即場組隊玩雪戰 扮出走過節

雖然香港冇雪落,不過在糖廠街就設立全港首個戶外擲雪球場地,可以即場組隊玩雪戰。每人付款$30即可玩10分鐘,2人為一組。另有多個本地及外國團體現場作音樂表現,即場感受濃濃的節慶氣氛,真係好似去咗外地過聖誕!

「白色聖誕市集」

日期:11月25-26日
地點:灣仔星街
時間: 12:00nn-8:00pm(11月25日);1:00pm-7:00pm(11月26日)

日期:12月1-3日
地點:太古坊糖廠街
時間:12:00nn-6:00pm (12月1 日);12:00nn- 8:00pm (12月2日);1:00pm- 7:00pm (12月3日)