就算你幾唔鍾意,好多人返工返學都仲係靠港鐵,啱啱港鐵就舉行咗記者會,宣布嚟緊嘅票價同新嘅 港鐵優惠 。即刻同大家睇下嚟緊點樣先可以慳得更多!

壞消息行先,港鐵又加價:


港鐵宣布6月26日起加價,約80%車程加HK$0.3!加幅最勁係沙田去羅湖由HK$29.4 調至 HK$30.2,啫係以後返大陸,要加8毫!

01/  「即日回程9折優惠」只推4個月

每年按情況推出的「回程9折優惠」其實已經停咗一排,配合今次加價,將於6月回歸,不過實施到10月尾就會結束,取而代之,係每月得嗰一次的新方案--「特惠星期六」。

02/ 加推「特惠星期六」

今年11月至出年3月,每月第一個周六,當日任何時段成人乘車只收小童票價,而特惠票(長者、小童、學生、殘疾人士等)則只收HK$1。

03/ 港鐵特惠站統一為 $2優惠

7月1日開始港鐵特惠站統一為 $2優惠(15個站拍卡由1蚊變2蚊),拍一次就可以慳$2,如果順路記得唔好錯過。

04/「都會票」延長一年

都會票會延長發售至出年6月30日,不過票價同樣有調整,會變成HK$425。

05/ 今年7、8月購買都會票、全月通有$50優惠券

喺呢兩個月購買都會票、全月通可以得到$50優惠券,不過只限港鐵站內舖使用,變相又係幫咗佢哋。

下一頁:用盡「特惠星期六」 | 港鐵直達行山徑