自從迪士尼門票在上年年尾加價後,不少人都表示好貴,想入去都要先考慮一下!不過最近,工聯會就推出了會員優惠,星期一至五正價$619的迪士尼門票,減至多於半價$299一張,至於星期六、日門票亦只需$399,足足平一半有多,而門票更只適用於3月和5月,時間都算彈性!

撰文:Kelly|圖片:相關機構

迪士尼門票只需$299

工聯會低於5折發售!

有不少在職人士都有加入工聯會做會員,因為工聯會一向在舉辦的課程,或者在主題公園門票上都有不少優惠!最近臨近新年,工聯會就公布一個超抵優惠!由即日起至到4月10日,工聯會會員只需以工聯卡到指定工聯會服務點,就可買低於5折優惠的迪士尼入場券!星期一至五成人正價$619的門票,將會減至$299一張,小童由$458減至$213;星期六、日門票成人只需$399,小童$285!每人最多限買 4 張!而適用日期就比較彈性, 2018 年 3 月 4 日到 17 日,以及 5 月 6 日到 19 日都可以入場!

除了入場票有優惠外,酒店亦有額外優惠。工聯會會員,可以$1,199預訂迪士尼好萊塢酒店;迪士尼探險度假酒店為 $1,588;香港迪士尼樂園酒店為HK$1,888,不過記得需要七日前預訂呀!而酒店優惠適用於 2018 年 3 月 4 日到 17 日(最後退房日為 3 月 18 日), 5 月 6 日到 19 日(最後退房日為 5 月 20 日)。

工聯會迪士尼門票優惠
日期:即日至2018年4月10日
電話查詢:5305 8286

下一頁:2018最新最刺激的10大過山車、樂園機動遊戲預告

下一頁:超期待!2018主題樂園 | 15 項全新過山車、巡遊、主題園區預告