【大東山石屋】編按:大東山的芒草、日落美景一直是市民假日郊遊之選,山上的幾間石屋亦成為大東山的標誌。每逢郊遊旺季,總有「唔生性」、缺乏常識的郊遊人士 在大東山爛頭營屋頂上紮營,除了不顧安危的紮營,平時仍有不少人會爬上屋頂,此舉不但危險,更有可能會引致石屋倒塌。最近有人問起大東山石屋來歷,幾年前山友 Anthony Lulu 帶同一班年輕人上大東山,發現原來有人在大東山爛頭營居住!

相片及文字授權: Anthony Lulu

歡迎大家略盡綿力,將呢個訊息分享出去,一齊守護大嶼山!
尤其係年輕力量,真係好重要--

2016年的最後一日,我們原本專登上大東睇日出,點知食咗白果(太大霧),不過就有意外收穫!

我哋認識咗大東爛頭營嘅其中一個住客。
這間小屋現時係由一位外國女士幫手看管,我哋同佢傾咗一輪之後發現,好多行山友嘅行為破壞咗呢啲小屋同埋周圍嘅環境!佢試過貼標語但竟然被人撕走當冇件事,同時因為要保護間屋仔,所以又唔可以將啲標語釘喺屋嘅牆身。

大東山爛頭營 - 解開大東山石屋之謎!山友偶遇住客爛頭營03

石屋唔係觀景台,有人住,唔該唔好企上去!

好希望大家知道其實爛頭營嘅屋唔係廢屋,係會有人住同埋租畀人,或工作之用。唔該大家唔好為咗影相甚至為咗食風而企上去甚至破壞佢!呢度係私人地方嚟!仲有盡量唔好亂做人鄰居嘈住人瞓!!希望大家見到有人破壞嘅時候,可以幫手出句聲即使好簡單地叫人唔好企上去,解釋番其實屋仔好脆弱,其實已經幫咗一個大忙!另外最重要嘅係「自己垃圾自己帶走」啊!!

屋仔唔係大家想像中咁堅固,屋入面所有家具,都係由屋主從山下搬上來,即使玻璃窗裂咗,都唔容易修理。希望大家可以盡責保護爛頭營!唔好口講鍾意大自然,其實又做緊破壞佢嘅事。

【延伸閱讀】網友呼籲:「山屋唔係大台,請勿踩冧屋頂!」

更多營內照片:

爛頭營05

爛頭營02

爛頭營01

歡迎大家略盡綿力,將呢個訊息分享出去,一齊守護大嶼山! 尤其係年輕力量,真係好重要。

【延伸閱讀】上大東山前必須知道的10件事

15775077_10212008012342651_3501791808588622395_o

編按:Anthony 還拍攝了爛頭營義工團的聯絡方法,大家有興趣前住參觀可以嘗試聯絡。不過請切記這裡並非甚麼旅遊景點,大家應該抱著認識和推廣保育的心態去參觀,謹記不打擾才是對最好的。

爛頭營06