秋風起,去 大嶼山南山  即興露營就啱晒,方便易去,五星級設備兼有得沖涼,仲可以租營具唔使煩,計埋2人唔使$700就可以過兩日一夜的浪漫晚上!由東涌乘搭大嶼山巴,落車後步行約5分鐘即刻見到營地入口,到達南山營地。再步行約10分鐘石級,就可以登上南山觀景台, 晚上浪漫賞月。成段路程輕鬆,非常適合露營新手,亦唔怕女朋友「詐形」嗌辛苦。

觀景台賞美景

南山觀景台是個絕佳的賞月及觀星地點,大家可選擇先登上南山觀景台,觀賞山景,再待入夜觀星。但由於沿路沒有照明系統,若計劃入夜後落山,記得帶備照明用具。

營地設施齊全

除咗環境,相信大家最關心嘅都係營地設施。香港很多營地都是旱廁,又缺乏水源,但這裡就有標準洗手間及浴室,亦有提供山水水源,煲滾後可飲用,不用自備食水行裝可更輕便。

$388 兩人基本營具套餐

大家可能一年才去一次露營,要買整套營具又貴又佔位置。現時坊間有不少租用營具服務,$388 就可以租借兩人基本營具套餐,有齊帳幕、背囊、睡袋、煮食爐具及營燈等等,戶外罐頭專用gas 則需另以$48購買。如果想露營得更加舒適、豪華,可額外加租挨背椅、摺枱、天幕、強光射燈等等。交收時間需要跟負責人預約, 但基本上即日亦可,即興去露營冇難度

租用營具套餐資料:

備註:須收取按金。
交收:於西貢市及將軍澳區,嫌太遠都可以跟負責人安排其他交收地點,不過需收取服務費。
網址:www.worry3camper.com

交通資訊:

交通: 東涌乘搭大嶼山巴士3M,於「太古度假屋」下車,車程約25分鐘。下車後,往上走約5分鐘,可見對面營地入口。
車資: $10.5(一至六),$16.2(日、公眾假期)
備註: 於「南山營地」下車則要走比較遠路及長梯級。