南生圍改建outlet ?!大家對南生圍嘅印象離唔開野餐、放風箏,而南生圍最著名嘅橫水渡更加係文青影相打卡位。但自從地產商喺上年入紙申請改建 南生圍 ,呢塊「樂土」將會被改建成12棟outlet商場及商業魚塘,發展成商業用途後,幾乎唔會再有公眾休憩用地。消息傳出後,網民立即指「南生圍告急」,同時發起「一人一相撐南生圍」活動!

圖:盡在元朗萬人聯署‧決不讓南生圍淪陷、網上圖片

發展以商業為主,偏離規劃意向

目前城規會將部分嘅南生圍發展計劃書上載到官方網站,土地將會被改建成outlet城,建築物有12棟咁多,面積更加接近10個香港大球場咁大嘅草地。

01-13
圖片來源:申請文件圖片

除咗購物商場之外,商業魚塘亦被指概念同魚塘保育係兩回事,甚至影響生態同雀鳥嘅生命周期。

睇嚟發展計劃唔單止達唔到保育效果,更加會對南生圍濕地造成永久嘅破壞!

反對改建!10月21日前向城規會發表意見

如果覺得南生圍消失好可惜,大家記住喺10月21日之前向城規會表達意見,分別可以透過網上或書信提交。

表達意見傳送門:城規會網頁

hjt
登入城規會網頁後按「提出意見」,填妥資料後提交。

網民發起「一人一相撐南生圍」及「萬人聯署‧決不讓南生圍淪陷!」

隨住發展 南生圍 項目迫近,網民呼籲大家除咗向城規會發表意見之外,亦可以喺facebook專頁「盡在元朗」上留下屬於自己嘅南生圍照片,實行一人一相撐南生圍。

fbcap

fbcap2

fbcap4

亦有網民列出反對發展南生圍嘅理由,歡迎其他人借用向城規會表達。

1)非必須之發展而且破壞生態,是不值得之犧牲。
2)元朗區已夠擠迫,交通配套根本不能負擔。

fbcmcap

而另一個facebook專頁「萬人聯署‧決不讓南生圍淪陷!」亦發起聯署行動,反對發展商喺濕地上建豪宅。

14724643_1299829813374690_7836172856731537748_n

facebook專頁發文,呼籲網民複製範本信件,然後登入城規會網頁提交意見,信件的重點大約如下:

南生圍是屬於每一位香港人,而非發展商私人的後花園。

讓我們和下一代,能夠繼續接觸大自然;讓我們的香港,能夠繼續落實保育的可持續發展。

留言中見到唔少網民都響應行動,捍衛南生圍,反對喺呢片土地上進行任何發展項目。

cmmm

其實南生圍的確係唔少人嘅回憶,亦係香港僅餘珍貴嘅自然景點,希望發展商唔好趕盡殺絕啦!想守護南生圍,記得10月21日或之前去信向城規會表達意見啦!

website_fb