正如之前上「大東山初哥備忘10件事」文章所講,有關心大東山的朋友早就呼籲各大傳媒「唔好再推介」,因為眼見芒草山頭每次都被不顧公德的人潮蹂躪,強行屈斷、摧殘芒草、亂揼垃圾,令人痛心!GOtrip編輯部製作備忘,目的係想大家做個準備充足而且愛護郊野的香港人,既然登山人流每逢旺季都已變得勢不可擋,就更應該注意登山客應有的責任

大東山紮營
2016年11月,再有登山客目賭市民在爛頭營上搭營,似乎市民對保護山屋的意識仍然薄弱,到底是否要發布「禁足令」、申請「登山permit」,大家才懂得規矩?

郊野公園不宜紮營 條例寫到明

根據「郊野公園及特別地區規例第 11(3)條」--任何人不得在郊野公園或特別地區內露營或建立帳幕或臨時遮蔽處,但在以下情況下進行則除外 ─
(a) 按照總監所批給的許可證的規定; 及
(b) 在指定露營地點內

在被山友戲稱「人多過MK」的大東山上,不時見到登山客在屋頂紮營,甚至出現過疑似屋頂落釘紮營的傳聞,雖然事後澄清為一場誤會,但亦再引起大家對不顧安全攀登山屋屋頂的關注:
peak_tent

屢勸不聽 重覆犯錯

其實在2015年10月,在另一臉書群組「香港日出同行」,就有登山友Kar Yiu‎拍到另一令人痛心畫面:大批抵達大東山爛頭營的山客,竟然密集站立於山屋屋頂,情況極其危險,所以網友作出以下呼籲:

請大家多多合作, 唔好爬上大東山石屋屋頂

芒草_大東山石屋_義工

Kar Yiu‎表示:「石屋, 係大東山嘅一大特色,佢哋存在已經一段歷史, 依舊聳立係多得一班義工維修保養。在此, 我多謝一班無私既義工,如果大家想下次上大東山時, 依舊見到石屋, 而唔係一堆又一堆既殘骸,請大家多多合作, 唔好爬上石屋屋頂。石屋屋頂會抵受唔住重量, 出現裂縫, 甚至有倒塌可能!為大家安全, 同埋石屋既保護,唔好爬上石屋頂啦!」

然後亦有更多網友分享離譜見聞,包括經常見到有不熟悉露營的市民,為求平坦地方紮營,竟於山屋屋頂紮營!

除了安全問題,亦欠缺常識。高位紮營,好大風囉!

huts01
2016年初,登山必經的18號屋遭到破壞,網友直擊山屋被破壞的情況。(網友Stephen直擊截圖)

其實山上的石屋已經有幾十年歷史,政權移郊後政府沒有對石屋特別維修,好大程度都係靠Lantau Mountain Camp的一群義工修保維護。當年這一帶營地「爛頭營」要靠挑夫幫忙運石頭上山建屋,初期外國人稱之為「Shack」(即棚屋),到七十年代曾經進一步修整並改叫「Cabin」,即使如此空心的小屋,實在難敵幾百人輪流踩上屋頂,希望大家注意公德,亦考慮自己安全!

另外,除了保護石屋,當未來日子登山人潮多過旺角時,亦請大家多多注意:保護芒草!了解到好多網友睇見芒草海,都好想身處其中,但正如之前本網文章已有聲明,即使想拍出深入草叢的照片,亦要有公德心:

…深入草叢還深入,切勿強行屈斷、折斷芒草,摘下芒草做道具拍照更是超缺德行為!!假如目睹有人破壞山上一草一木,請加以勸止。

sunsetpeak 4
其實企喺大路,都可以影得好靚吖!(圖片:Mr.T.i.maple)

延伸閱讀:【保護大東山】網友呼籲:「山屋唔係大台,請勿踩冧屋頂!」

初哥必讀:行山小貼士 | 10大 秋冬行山宜忌

https://www.facebook.com/gotrip/videos/1250072385065505/