【中秋節好去處2020】今年中秋節連放4日,是次推介 6個中秋賞秘境給大家,保證追月賞月時有靚景睇,又可以打卡!約一家大細去可以,約埋一大班朋友去玩又得,拍拖二人世界都得!

1. 魔鬼山礦場採月


201112081930145307822178
中秋節好去處2020|魔鬼山礦場採月

拉大隊去荒廢礦場,追月加埋探險就夠晒驚喜!鯉魚門三家村一向畀人印象係龍友天堂或者食海鮮勝地,但一到中秋,呢度就變咗一個自成一國嘅遊樂場,村民同遊人都聚集村子盡頭嘅舊礦場上玩燈籠同BBQ,仲要係自己執石頭就地透爐嗰種(但唔建議讀者跟住做,因為犯法的),raw 得嚟風味十足!

背山面海有個大草地,簡直係天賜的賞月好地方!不過礦場長年冇人打理,沙石挺多,千萬別著拖鞋,免得腳趾受罪!

201112081930417784527869
中秋節好去處2020|魔鬼山礦場採月

礦場上有不少前人留下來的石屋,夜晚闖入去一定更加有探險feel,但記住要帶電筒!

201112081931090474228050
中秋節好去處2020|魔鬼山礦場採月,礦場上有不少前人留下來的石屋。

礦場臨海一端可以遙望將軍澳,景觀開揚,日間是釣友的集中地。

201112081931385333891354
中秋節好去處2020|早些到來,可欣賞沿路好風光。

三家村其實由幾條村組成,包括嶺南新村同馬環村等,乃到礦場探秘必經之路,不妨早些到來,欣賞沿路好風光。

201112081932051552272589
中秋節好去處2020|鯉魚門燈塔已經有50年歷史,至今仍為進入維港的船隻照明。

201112081932542847872039
中秋節好去處2020|鄰接巨石的天后廟據聞由海盜所建,門口設大炮,乾隆時期已坐鎮。

一於去漁村氣氛傳統又夠人情味的鯉魚門三家村啦!呢度景點獨特兼具歷史,中秋嚟玩仲可以有故事聽!

鯉魚門三家村礦場

附近飲食:鯉魚門海鮮酒家眾多,平均消費$300-500/位。
港鐵油塘站旁的鯉魚門廣場有食肆,也有售燒烤食品,村內士多則只售燒烤叉及炭。

交通:

1. 觀塘政府合署乘紅van往鯉魚門市政大廈 ($4),再行25分鐘
2. 西灣河鯉景灣往三家村渡輪碼頭 ($5.5),再行25分鐘
3. 港鐵油塘站向鯉魚門方向步行40分鐘
泊車:鯉魚門市政大廈一帶設有多個停車場

2. 山頂奔月野餐

以為山頂只有凌霄閣同山頂廣場的你們就錯了!真正的太平山山頂不在纜車站,而在更高的位置,那裡有個秘密花園,可以同月亮先生face to face!山頂公園原址為香港總督別墅,有一大片青草配搭歐陸式建築,24小時開放,絕對係野餐兼賞月追月的好地方!

201112081933339679981651
中秋節好去處2020|山頂奔月野餐

四方同拱圓等4種不同的涼亭坐落草地,部分附有射燈,夜晚去特別浪漫。

201112081935061172357911
中秋節好去處2020|山頂奔月野餐

201112081934297454924303
中秋節好去處2020|山頂奔月野餐

其庭園都好英式,園內草地接草地,狗仔與人都行得好舒服。

201112081934012528465350
中秋節好去處2020|山頂奔月野餐

201112081936036823728139
中秋節好去處2020|山頂奔月野餐

另外一個發現就係登山頂公園必經柯士甸山道(太平山餐廳旁的上斜車路),約行10分鐘會到另一個草地公園-柯士甸山遊樂場,面積雖然較山頂公園細,但唔夠腳力登頂,可以選擇索性在此賞月!

201112081937047701085731
中秋節好去處2020|山頂奔月野餐

山頂公園冇交通工具可以直接到達,可以享受到一個寧靜的中秋之夜,賞月之餘,可以一併睇山下夜景!

山頂公園

附近飲食:山頂廣場的食店營業至11:00pm,便利店則營業至12:00mn
交通: 1. 中環瑪頭乘15號新巴往山頂廣場,再上行30分鐘便到山頂公園
2. 金鐘乘的士直達山頂公園,約$60
泊車:山頂公園設公眾停車場,約20個車位

3. 觀塘海濱砌積木

提到觀塘海濱,相信大家都會諗起長廊上有個10米高的積木藝術裝置,每隔30分鐘會進行水霧音樂噴泉表演(6:00pm-10:00pm),幾有feel!近年不少人都喜歡到觀塘海濱賞月打卡。

201112081939390255353343
中秋節好去處2020|觀塘海濱

有燈飾表演睇之餘,又係一個影相位置,仲有好多賞月靚位!

觀塘海濱長廊

地址:觀塘公眾碼頭旁(基業街底勵業街入)
附近飲食:最近的食肆集中在港鐵觀塘站一帶
交通:港鐵觀塘站步行約10分鐘
泊車:觀塘碼頭廣場

4. 大橋秘灘月映紅

中秋夜有邊個海灘唔多人?相信麗都灣是可取之選。麗都灣坐擁青馬大橋同汀九橋,入黑後,燈飾亮起靚到暈,拍拖帶女朋友嚟最有情調!

201112081939021169416994
中秋節好去處2020|大橋秘灘月映紅

雖然麗都灣設施不多,但勝在浪漫搭夠,加上環境舒適,不失為賞月好選擇。

荃灣麗都灣

地址:青山公路11咪半
附近飲食:帝景酒店及深井一帶食肆
交通:1. 荃灣西鐵站或富華街乘234 B($4.6),麗都灣站下車
2. 西樓角路小巴總站乘專線小巴96 C($5),麗都灣站下車
泊車:汀九橋底公眾停車場,車位約25個

5. 單車遊+瞓草地

如果你唔介意行多兩步,一於入東涌!東涌有兩塊草皮曬月光,首先有古窯公園及機場緩跑徑,唔單止鄰接海邊,風光明媚又有文物睇!而南環路仲可以觀賞飛機升降!無論你想喺草地hea、散步或者踩單車都非常適合!

201112081938539016888691
中秋節好去處2020|單車遊+瞓草地

南環路係廣告與MV熱門拍攝場地,至跑道盡頭觀賞飛機隆隆在頭頂飛過,好正!

201112081939489637147973
中秋節好去處2020|單車遊+瞓草地

東涌大草地

地址:赤鱲角過路灣路&南環路
附近飲食:東薈城、富東邨商場
交通:機場緩跑徑-東涌巴士總站乘九巴S1($3.5),東輝路下車,沿過路灣路走回海邊
南環路-東涌巴士總站乘城巴S52($2),南灣路下車,再向機場跑道盡頭行15分鐘
泊車:東薈城、富東邨停車場

6. 移動城堡觀星

森林入面有座巨石塔,滿布藤蔓,到底我去咗天空之城,定係哈爾移動城堡?錯喇!雖然似足日本動漫場景,但西貢水浪窩的觀星台原來係國貨,觀星賞月同樣一流。

201112081939185525714443
中秋節好去處2020|移動城堡觀星

水浪窩燒烤地點設有二十個爐位,另有洗手間及樹木研習徑。中秋節可以喺度親近大自然,順便BBQ!

水浪窩觀星台

地址:西貢水浪窩
附近飲食:水浪窩有士多,但中秋日營業時間不固定
交通:西貢市中心乘巴士99號或299號於水浪窩站下車,車程約15分鐘
泊車:冇