【行山上樓梯大法】理論上,行山需要的體力要求較低,一般人其實可以藉住行山得到運動的樂趣。不過,麻煩在香港的山徑梯級特多,不少朋友行完一次山便大嗌腳痛,之後就拒絕行山。有見及此,作者真的覺得好可惜!事關香港24個郊野公園佔香港面積4成,不去行山,確實係玩少好多地方。

撰文:山雞|編輯:Yuen|圖片來源:中村藤吉、unsplash、amazon

由城門水塘上針山,大概要上2000級樓梯。上樓梯不得其法,到山頂肯定腳仔軟。
由城門水塘上針山,大概有2,000級樓梯。上樓梯不得其法,上到山頂肯定腳仔軟。

行山上樓梯大法:上樓梯腳痛 一般常見問題

所以話,鍾意行山可以令你睇到香港的另一面。而學識點行樓梯,又係走入郊野的一大途徑。

要上樓梯唔腳痛,其中一個方法當然是鍛鍊好肌肉,而最重要是學識上樓梯的技巧。

我山雞都試過犯錯,而一般人上樓梯會出現以下問題:

一、只用前半掌踏上樓級,腳踭懸空,用腳尖發力。
二、本住「長痛不如短痛」的宗旨,兩級一步(跨步),一口氣衝上山。

結果不單止會腳痛,仲會氣來氣喘,體力大大消耗。上半座山已經用光體力,單是一段麥徑已經有幾座山,點樣行落去呢?

錯誤:半掌上樓級,要腳尖用力,或者會好快,唔會唔持久。
錯誤:半掌上樓級,要腳尖用力,或者會好快,但不能持久。

行山上樓梯大法:婆仔行山

直至有一年,得高人指點,學識一招叫「婆仔行山」,保證不會腳痛及扯氣。

  • 腳掌一定要成隻踏上梯級,盡量不要腳尖用力將身體向上推(腳尖用力會運用小腿肌肉,會好攰)
  • 愈細步愈著數:腳尖盡量貼向上一級下方(我就會將鞋頭踢住上一級的下方),目的是不要將隻腳抬得太高,並且是大腿用力
  • 上半身維持挺直
  • 遇到樓級太闊,可半級而上,雙腳放在同一級,再繼續上多級
  • 腳步不需要太快,要有節奏,一步一步行就得。記住欲速則不達
  • 呼吸:切勿太急太用力,可採取4步呼吸法,即1吸2忍3忍4呼,將吸入的氧氣停在體內多一點時間
  • 上到山頂,記得鬆下腳,向側邊踢幾踢,或做下拉筋

正確:腳尖盡量貼住上一級嘅下方,逐級逐級上,大腿用力往上行,咁唔會浪費體力
正確:腳尖盡量貼住上一級的下方,逐級逐級上,大腿用力往上行,咁就唔會浪費體力。

猶記得第一次跟高手學呢招時,他陪我由北潭坳麥徑三段起點,一口氣未停過行上牛耳石山。上到山頂,我驚歎一句:「吓!咁就行完?點解唔覺辛苦嘅?」而呢一招,對我來說,真是一生受用。

呀!唔記得講,呢位高手叫陳國強,人哋叫佢毅行先生,我哋叫佢 KK。

夏威夷嘅Haiku Stairs,英文意譯為天梯,一共有3922級樓梯。聽落好多,不過上針山都差唔多2000級,加埋草山大帽山,即係單係麥徑七八段,就肯定唔只呢個數囉。所以話,香港山徑嘅樓梯係咪好多?
夏威夷嘅Haiku Stairs,英文意譯為天梯,一共有3,922級樓梯。聽落好多,不過上針山都差唔多2,000級,加埋草山大帽山,即係單係麥徑七、八段,就肯定唔止呢個數囉!所以話,香港山徑嘅樓梯係咪好多?

同場加映:樓梯操練方法影片