話咁快中秋就到,是時候約朋友齊齊BBQ!不過一大班人,去戶外燒烤場,有個又話要過海很遠,有個又嫌要霸爐,有個又覺得燒烤場沒有東西玩,令你這個「搞手」煩到嘔!既然是這樣,今次記者就介紹一些市區空中燒烤場+party room給大家,有嘢食有嘢玩,還有維港景伴著燒,可以影靚相慢慢賞月,那就一次過滿足晒你們的願望啦!

撰文:Kelly |拍攝:Scott  、有關機構(原文刊於《新假期》)

BBQ+開派對   多間市區空中燒烤一覽

老實說,現今這個世代,戶外燒烤場都不只是燒烤那麼簡單,引入大量的遊戲供客人一邊燒,一邊玩!不過有時候,戶外燒烤場大多在郊區,交通未必遷就到每個朋友,做搞手的確又很難下決定!但其實香港有不少空中燒烤地方,多數是包場形式,整個場只得你們一大班朋友,私隱度高,有些甚至一邊party room,一邊是露台供客人燒烤,任玩任食任飲,而且又在市區,交通比較便利,真是一舉不知多少得呀!今次記者就找出香港5間派對燒烤場供大家參考,看完還不快點去約朋友!

1. 望住維港BBQ好高質   1,000呎上環海景天台

經常去BBQ,望住的都是山景呀、海景呀,但維港景你又試過沒有?位於上環的Mplace,面對住一大片維港景,直望ICC!場地大概1,000呎,最多能夠容納50人。場地分開室內與室外,室內設有吧枱、鏢機和唱K設備,可以跟朋友們談心、擲鏢和比較歌喉!而室外有多張圓形梳化,和多個燒烤爐,當冬天冷風一吹,大家都可以圍在爐前取暖!食物和飲品方面,場地可幫客人代訂食品,食物方面有丸類及扒類等指定動作,如果想食海鮮就可以加$50,而飲品就任飲!

中秋
面對住一大片維港景,記者都要影下相打卡!

中秋
戶外場地非常大,能容納一大班朋友。

中秋
還有吧枱設計,大家齊齊摸酒杯底談心!

中秋
$5鏢機,記者至愛,可以齊齊玩701!

中秋
有骰盅有K唱,還有牌玩!

中秋
到了夜晚,又是另一番韻味!(圖片:Mplace提供)

中秋
場地提供食物代訂服務,有BBQ最平常的菜式,好像是扒類,或是海鮮都有!(圖片:Mplace提供)

Mplace

電話:9662 8353
地址:上環干諾道西康諾維港大廈(顯示地圖
網址:www.facebook.com/MPlace.SheungWan
營業時間:視乎客人包場時間而定
11人或以下最低包場費 $4,000(已包BBQ食物、任飲飲品);12-50人需因食物分量而作價錢調整

2. 打卡一流  荔枝角新開英式 BBQ場

最近荔枝角有個新開的BBQ場,場內布置超靚,好有英倫風格,打卡影相一流,而且場內還很特別,有部夾公仔機,冧女一流!雖然場地本身冇提供食物飲品,不過大家可以叫負責人代為收貨,不用自己攞上攞落那麼辛苦!記者最欣賞的是價錢方面,因為很多天台BBQ場都會另收爐費、清潔費,這間卻一個價錢包晒!星期一至四4:00pm前收費只需$88位,基本都會包4小時任玩,就算星期五、六、日都只需 $148位 (最少10人),又可以打卡、燒烤、夾公仔!

中秋
新開的場在荔枝角,場內布置算是不錯。(圖片:自成一閣提供)

中秋
他們的爐跟平常的不一樣,不知道這樣會不會方便點呢?(圖片:自成一閣提供)

中秋
大家除了可以帶食物上去外,還可以先order,負責人幫忙代收!(圖片:自成一閣提供)

中秋
餐具同燒烤用具由場地提供,不用另外收費,亦冇清潔費同加一!(圖片:自成一閣提供)

中秋
場內還有超多board games,唔怕悶,最怕唔識玩!(圖片:自成一閣提供)

自成一閣 Home Party

地址:荔枝角醫局西街1035號 匯華工業中心 8樓A5-6室(顯示地圖
網址:www.facebook.com/homepartyhk/?ref=br_rs
營業時間:24小時
收費:
星期一至四:$88位/4小時(4點前),$128位/4小時(4點後)(低消8人)
星期五、六、日:$148位(低消10人)
中秋收費:$178位/4小時(低消20人)

3. 飲品任飲!觀塘超抵BBQ場 $133 任玩4個鐘

天台BBQ除了有靚景之外,價錢當然重要!今次介紹一個觀塘超抵場給大家,首先位置非常近港鐵站,路程只需5-10分鐘,而且場地下面還有超級市場,非常方便,大家可以去到才準備食物,當然也可以叫負責人代訂啦!場地都是一半BBQ一半party room,BBQ場地屬於露台地方,負責人還安裝了帳篷,下雨也不怕。Party room有海量board games和街機等遊戲,還有不少搞鬼影相工具,讓你跟朋友齊齊打卡!價錢方面,任玩4小時只需用$108,加$25就可以BBQ、party room任玩,like埋專頁,飲品還可以任飲!

中秋
露台面積雖然比文中其他BBQ場細,但就很近港鐵站,非常方便!(圖片:79 Days Party 提供)

中秋
場地可以幫客人代訂食物!食物種類算多!(圖片:79 Days Party 提供)

中秋
BBQ完,就可以跟朋友返室內再玩!(圖片:79 Days Party 提供)

中秋
還有街機打,有600款遊戲任玩!(圖片:79 Days Party 提供)

中秋
露台有燈飾布置,坐在這裡談心都不錯!(圖片:79 Days Party 提供)

79 Days Party

電話:6223 1310
地址:觀塘成業街15-17號成運工業大廈5樓21B室(顯示地圖
收費:
星期一至四:$138位/4小時(自備食物,不包括燒烤)/$158位/4小時(燒烤自備食物)【低消8人】
星期五、六、日:$158位/4小時(自備食物,不包括燒烤)/ $178位/4小時(燒烤自備食物)【低消10人】
9月21日至9月25日:自備食物燒烤$188位/4小時,包食物套餐$260位/4小時
*下午12-6時最低消費10位大人,晚上最低消費15位大人
網址:www.facebook.com/79daysparty

4. 超多兒童設施  4,000呎新蒲崗一家大細燒烤場

如果想帶囡囡囝囝一齊參加派對,這間就很適合。場地位於新蒲崗,面積4,000呎,場內有不少兒童設施,不用怕悶親寶寶們。一般租場及食物都是分開收費,可以租用場地、燒烤爐。而餐廳會提供場地、燒烤餐具及包括無酒精飲品任飲,食物可以自己帶備,或是叫餐廳幫忙安排到會或燒烤套餐。至於費用方面,入場每人$128-$148不等,節日前後價格會有所調整。訂座人數必須六位起,如果大家有興趣,記得要早三日前預訂呀!

中秋
場內有多個燒烤爐提供,而且還有梳化,可以一齊排排坐傾心事。

中秋
場地非常大,能容納一大班朋友!

中秋
還設有多個兒童設施,小朋友一定好開心!(官方圖片)

中秋

Open Fire

電話:6313 9328
地址:新蒲崗八達街3-5號安達工業大廈8樓A(顯示地圖
網址:www.facebook.com/79daysparty
收費:
星期一至四:成人 $128/位  ,小童 $88/位 (3歲至10歲)  (入場費不包括任何食物,食物可自訂)
星期五至日及公眾假期或前夕:成人 $148/位,小童  $98/位 (3歲至10歲)(入場費不包括任何食物,食物可自訂)
9月22日-9月24日:成人每位$188,小童每位$138(如8/9前落訂的客人可享用原價)

5.   CP值高!  觀塘BBQ場+party room

這間BBQ場位於觀塘鬧市,不過天台視野冇遮擋,毫無侷促感。食材可以自備,亦可向場地預訂代購,如果有甚麼要求,都可以向場地負責人提出。場內設施非常多,又有桌球、麻將枱及多款遊戲,真是可以玩一整晚!而另一個selling point,其實負責人原本想將場地用作開舞蹈室,所以只要將大廳的梳化推開,就可以變身做舞池!大家食飽飽就可以動動身體,齊齊跳辣身舞!而收費方面,$138位任玩3小時party room,每位只要加$20,即可使用天台BBQ,價錢已包用具和燒烤爐!

中秋
天台超大,雖然在鬧市之間,不過還算開揚!

中秋
不懂打牌的朋友仔,可唱K做歌王歌后!

Celsius 15

電話:6484 8109
地址:觀塘工業中心一座13樓C室(顯示地圖
facebook:www.facebook.com/celsius15
收費:
10:00am-6:00pm :每人$65/3小時、天台BBQ $300/爐(價錢包:1包炭、爐、餐具,食材自備)
6:00pm後 :Party room每人$138/3小時、party room+天台BBQ 每人$158/3小時(價錢包:1包炭、爐、餐具,食材自備)
(星期六、日及公眾假期加10蚊)
*最低消費10位

下一頁:9月快閃之旅 | 2018中秋節請1日放4日!8大短途旅行目的地推介

中秋好去處|對住維港賞月|5間市區空中BBQ場+party room推介!

延伸閱讀:中秋當造!果欄格價|Top 14 提子評比|巨峰、香印、晴王 邊款最抵食?

中秋好去處|對住維港賞月|5間市區空中BBQ場+party room推介!