暴龍哥、龍威的搞笑形象入型入格,有部分90後00後都未必清楚, 鄭中基 其實是歌唱出身!早前9月開演唱會時,更有不少網友話:「原來暴龍哥是歌手!」因為香港即將舉行的演唱會,港女記者第一次與鄭中基見面做採訪。年紀並唔細的記者,當然有聽過佢〈無賴〉、〈左右為難〉等的經典歌。反而唔講唔知道,原來佢更有另一個身分,就係攝影師!

在記者的要求下,暴龍哥擺出搞笑甫士。但現實中對攝影很認真,絕非玩玩吓。
在記者的要求下,暴龍哥擺出搞笑甫士。但現實中對攝影很認真,絕非玩玩下。

文:[email protected]港女講旅行  攝:鄭中基提供、Scott
hair: HORACE [email protected] hair play  make up: Mon Chun  wardrobe: D_antidote @runway_workshop(外套、褲)、theinjury @runway_workshop(衫)

攝影宅:網上平台最優秀的Leica「蒙面」攝影師tinyeyes係鄭中基!

當歌手今期仲流行蒙面唱歌玩神秘感,Ronald早在幾年前就識玩這招。翻查舊報道,原來他曾經以tinyeyes的帳號在Flickr分享作品。即使隱藏歌手身分,依然吸了一批新的粉絲。到底呢位「蒙面」tinyeyes有幾厲害?舊報道指:「他是當年Flickr上最優秀的Leica攝影師之一,與日本的Tommy Oshima齊名。」聽到已經覺得勁啦!

在2010年,網媒攝影扎記亦曾起底暴龍哥攝影師的身份。
在2010年,網媒攝影札記亦曾起底暴龍哥攝影師的身分。

在今次訪問,Ronald對「蒙面」攝影師這個身分直認不諱。不過早在07年,他已經把所有照片轉為私人,再不跟粉絲分享,究竟點解?佢話:「幾年前在Flickr放相,只係想跟其他人交流下,點知有日我發現有宣傳單張偷用了我影的相,冇問過之餘,設計印刷又唔靚,仲要被人掉喺地上,搞到我鬼咁傷心,加上又被踢爆身分,所以咪收自己皮囉!」

專訪講攝影,陳年+新相開倉

隱藏的攝影師身分公開之後,很多Ronald的粉絲都曾經要求他重開帳戶,公開他的舊作欣賞。佢話暫時未有這個打算,不過三不五時都會在fb放最新拍攝的靚相。好似最近他去了馬代旅行,就在當地拍攝了一系列靚相!最特別的是平日見到別人都只會分享三點式、陽光、海灘,Ronald卻是在網上分享了在馬爾代夫的夜景,念頭夠新之餘,亦都可以透過相片,感受到馬爾代夫漫天星空的寧靜感。

2016年馬爾代夫:ISO640 f/2.8 1/1s
2016年馬爾代夫:ISO640 f/2.8 1/1s(鄭中基攝)

2016年馬爾代夫:ISO640 f/2 1/3s(鄭中基攝)
2016年馬爾代夫:ISO640 f/2 1/3s(鄭中基攝)

Ronald的作品勁多人讚好,他更不時與粉絲交流。
Ronald的作品勁多人讚好,他更不時與粉絲交流。

(下頁仲有其他暴龍哥的陳年靚相作品開倉!)

鄭中基:三更半夜,一個人出街,影夜生活,唔係蒲天光!

或者他一口鄉音、嗨嗨聲食牛歡喜的形象太入腦,又點估到攞起鏡頭的暴龍哥一臉認真。在採訪當日走入《新假期》攝影樓,放低未來得及吃的飯盒,他就急不及待拿起枱面上的幾部相機,和攝影師兩個大男人聊起自己的興趣。「你這一部機是M4 ?」「這部相機是否沒有測光?」男人沉迷攝影,比女人追韓劇更瘋狂。

落住大雪都一個人落街,只為捕追日本街頭夜生活的畫面。(鄭中基攝)
2012年日本:ISO320 f/1.4 1/90s(鄭中基攝)

他說:「正式接觸影相是在入行之後,最初連光圈、快門都未搞清,好在身邊有很多攝影師可以偷師。」十幾年來影落的相足足儲滿10張硬碟。「以前後生做事好心急,咩都要快快快;但影相冇得快,影日落、星河,由朝等到晚。試過用4×5影星,捕捉 十幾小時;亦都試過三更半夜一個人出街,影下夜生活;影得多就訓練到愈來愈有耐性,你睇杜汶澤都係因為影相先定到性!」

他認為影過最滿意的地方就是印度,「可能因為色溫問題,在印度影的相比香港影的色彩更靚更鮮明。」(鄭中基攝)
2004年印度:ISO64 f/5 1/200s (鄭中基攝)

「真。喜馬拉雅星」的意外收穫

講到咁多年以來最滿意的作品,他心中的第一位的絕對是印度。「做演員對攝影都好有幫助,鏡頭、角度其實都是互通的。而且電影不時去其他國家取景,會有好多新的靈感。我最鍾意拍《喜馬拉雅星》時到印度取景,只要唔望地下的垃圾、牛屎狗屎,真心隨手影都好靚!可能因為色溫的關係啦,影的相色特別鮮色!」

似曾相識,這個不就是《喜馬拉雅星》!(鄭中基攝)
2004年印度:ISO64 f/4 1/160s(鄭中基攝)

網民︰唓! 百幾萬器材,影相咪又係靠靚機!

傳Ronald有一部超過廿幾萬的限定版菲林相機,搞到網民諷刺他影相靚,只不過是因為有錢買靚機。「第一部菲林相機,是搬屋時找到阿爺留低嘅Leica M3, 50年代產嘅型號冇測光,要由最基本用錶測光學起。之後菲林影得多就上癮了。但我買機係應使得使,機身不會追款,想影靚相反而係追求鏡頭質素,我諗這十幾年來應該花了百幾萬在攝影上。不過硬件只係輔助,最重要係技術技術技術囉!」

比起數碼相,他更喜歡菲林相的質感,影人像時會比較柔和。」(鄭中基攝)
2014年:ISO40 f/2.2 1/1300s(鄭中基攝)

這幾年他的音樂和電影作品減產,花更多時間在家庭和攝影。最好的模特兒,當然就是老婆余思敏(Sammie)和一對仔女。「我喜歡影人多過影景,特別小朋友出世之後,日影夜影。不過影小朋友難控制,特別係阿女長大後,見我影菲林慢吞吞,影完一張又一張,嫌我煩,轉過身就走唔理我。」

暴龍哥御用模特兒就是他的囡囡Emma。(鄭中基FB圖片)
暴龍哥御用模特兒就是他的囡囡Emma。(鄭中基fb圖片)

下一頁:與鯊同游!暴龍哥講旅行:旅行最怕遇土豪客!