最令人在意的，是第8位「職業gamer」！打開機的人都知韓國非常流行，但卻估不到竟然成為不少細路的夢想！
「打機叻的人好有型！」
細路認為，能夠將打機變成職業，是最理想的！
另一個細路表示，打機叻的人好有型，而且可以賺好多錢，好羨慕！
打機專科學校
唔係搞笑，唔係玩你，但亦唔好羨慕，韓國真係有一間專門訓練打機人才的高中「Korea Game Science High School」，節目的攝製隊更去了採訪！
雖然電競都只是近年才急速發展，但原來這間高中已經成立了14年！
踏入學校，已經見到兩個學生在「打機」…… （但竟然是跳舞機？！ 會不會太old school？）
攝製隊發現了一間門外寫著「e-sports room」的課室……
雖然在學校入面，但所有學生都好專心…… 打機！
e-sports，其實是electronic sports的意思。
連主持人國分太一都不禁問：「究竟呢班人將來會變成點？」其實答案好簡單：他們全部都是以職業gamer作為目標的人！
每日返學打機打9粒鐘！
這位學生表示，他們每日在學校會花9小時打機！（都係嗰句：唔好羨慕！呢個機會唔屬於香港人的！）
不要以為他們只是打機，其實跟普通高中一樣，都要上一般的課堂，如韓國語、英文、數學等等，而且是寄宿制！（仲正！唔怕喺屋企被阿爸阿媽鬧，可以由朝打到晚，yeah~）
看看他們的時間表…… 睡眠時間只得5小時，每朝要6點起身返學，4點鐘先開始打機，打到…… 1點！
更估唔到，有專業的gamer做導師，教打機的策略！
除了打機，在學校更可以學到各樣有關遊戲的事，如遊戲繪圖、數碼音效及遊戲機中心的遊戲機開發等等。
講到底，其實，學生都是想成為打機職人，收入以億計！
Gamer偶像化
因為大部分日本人應該都不太明白，所以攝製隊去了比賽的現場採訪。（很多香港人都不太明白！）
現場不但非常熱鬧、氣氛高漲，更發現大部分觀眾都是女生！
其中一名女生表示：「選手靚仔，打機又有型，不知不覺間就變成fan了！」
另外兩名女生表示：「一般的偶像唔能夠接觸到，但職業gamer就可以買飛入場近距離見到！」
所以，觀眾有9成都係女生！
不如看看當中最人氣的是哪個選手吧！原來不少人都是支持一位叫「Faker」的選手。
這位fan更自製了fans牌支持偶像！
打機叻＝搵到錢？
以採訪這一天為例，獎金便高達3,000萬日圓，即是約222萬港幣左右！
這位就是「Faker」選手，只得21歲！
Game神！
「Faker」是遊戲《League of Legends》的冠軍級人馬！
更被稱為「神」！
「神」的年薪是……
估計有3億日圓，即是約2千幾萬港幣！連錄影廠內的渡邊直美都被嚇呆了！
