今年日本環球影城 USJ 的暑期活動UNIVERSAL JUMP SUMMER聯同集英社<<週刊少年JUMP>> crossover,三大動漫神作<<龍珠>>、<<死亡筆記>>同<<One Peace>>, 作為龍珠迷當然心心眼,要瞬間轉移去朝聖!去年玩過UNIVERSAL COOL JAPAN的<<新世紀福音戰士>>,感覺良好,仲有超大巨人可以自拍,今年滿心期待幻想有公仔可以影吓相,sorry影相位係 欠奉嘅。全場只得穿上橙色武衣的工作人員,感覺較削,自動自覺擺龜波氣功甫士,好過冇啦。

 

 


 

悟空出波夠晒chok

(以下劇透) USJ 史上首次播映的<<龍珠Z The Real 4-D電影>>,為全新原創故事,入場前先由龜仙人同莊子做解說,仲有烏龍同烏兒(忠實fan 實識嘅!),童年回憶返晒嚟!電影橋段主要圍繞悟空同菲利激戰,上天打到落地,每打一次張椅又震又chok,亦有吹風及噴水效果,勁有投入感。當然唔少得超級撤亞人舞空術龜波氣功元氣彈,全程打鬥多對白少,唔怕投入唔到。仲有比達、魔童及無限輪流亮相,搞笑位都夠驚喜,係精彩嘅但略嫌太短,滿足度有80分。唯一唔明點解奸角要係菲利!?點解!?我最憎呢隻矇豬眼紫色嘢!

要玩,可以選擇排餐死,或者購買Express Pass,盛惠¥2,400/HK$185,看似唔抵,不過送埋別注版龜仙流秘笈同龍珠雷達啫喱,JUMP SHOP都冇得賣架…很想要啊。