雖然疫情持續,未能外出走走,但無嘢可以阻到大家眼睛去旅行!我哋可以跟《KAWS:HOLIDAY》繼續到處遊歷,繼新加坡站大獲好評之後,今個一月《KAWS:HOLIDAY》去到中國吉林省長白山,COMPANION仲會首度以巨型雪雕嘅形式出現𠻹!

(Presented by AllRightsReserved)

超靚!首個COMPANION巨型雪雕

《KAWS:HOLIDAY》長白山站會喺1月6至16日舉行,呢個世界巡迴展覽不經不覺已經到第八站!國際知名藝術家KAWS同長期合作伙伴、主辦單位AllRightsReserved前後足足用咗兩年時間去籌備。今次KAWS標誌性角色COMPANION會以全新造型出現,化身為一對大小巨型雪雕,悠閒自在坐喺白雪覆蓋嘅長白山前面,被雪山美景環繞,同自然環境融為一體。無論日晚景,或下雪景,都有唔同Feel,淨係睇相都覺得好靚、好和諧平靜啊!

超高收藏值!限量版KAWS:HOLIDAY》長白山站獨家限量

知道淨係睇相係唔夠嘅,未能到現場朝聖嘅你可以入手《KAWS:HOLIDAY》長白山站獨家收藏品,以慰藉失落感!《KAWS:HOLIDAY》同主辦單位AllRightsReserved今次推出一系列《KAWS:HOLIDAY》長白山站獨家收藏品,包括棕、黑及特別版雪白3色嘅COMPANION 8.5吋高公仔、限量500組嘅雪花水晶球擺飾、可重用暖手包、深藍色及灰色拉鍊連帽外套,簡直係實用又精緻!大家記得校定鬧鐘,1月8日香港時間上晝11點上DDT Store網站買啦!

長白山 包括棕、黑及特別版雪白3色嘅COMPANION 8.5吋高公仔
包括棕、黑及特別版雪白3色嘅COMPANION 8.5吋高公仔

長白山 限量500組嘅雪花水晶球擺飾
限量500組嘅雪花水晶球擺飾

長白山 可重用暖手包
可重用暖手包

長白山 深藍色及灰色拉鍊連帽外套
深藍色及灰色拉鍊連帽外套

KAWS:HOLIDAY》世界巡迴展覽!讓眼睛去旅行

原名Brian Donnelly嘅KAWS,嚟自美國紐約布魯克林,曾經喺多個國家舉辦藝術展。將流行文化、生活題材與影像重新定位,構建起獨有幽默藝術魅力,完美融合設計、商業、街頭文化與藝術,作品包括大型雕塑、畫作、街頭藝術以及商品設計等。

《KAWS:HOLIDAY》世界巡迴展覽由2018年起展開,從首爾啟程,曾到訪過台北、香港、東京、太空、布里斯托及新加坡等城市,每一站都獲得極大迴響;今年1月嘅長白山站係世界巡迴展覽第八站,獲得The North Face贊助,帶來KAWS首個COMPANION巨型雪雕。

KAWS:HOLIDAY》長白山站

展覽詳情

日期:2022年1月6至16日(1月6日為媒體預覽日)

地點:中國吉林撫松漫江長白山魯能勝地旅遊度假區

KAWS:HOLIDAY》長白山站獨家收藏品全球首發時間:

日期:18日(星期六)早上11時(香港時間)

開售網址:ddtstore.com

主辦單位︰AllRightsReserved

Tags :