前日收到個短訊, 我覺得要分享下

我黎左韓國兩年幾, 老實講對佢地印象一向唔太好, 但有樣野我就覺得佢地做得幾好, 唔係咩大恩大惠
雖然只係一個小提示, 但就係會覺得貼心
每逢天氣變差、惡劣時, 都會收到個短訊,
同你講韓國邊一區天氣惡劣….要小心or唔好出門、海邊有咩危險情況, 唔好出海、黃沙等等等
以前初黎報到時, 韓文睇唔明, 收到呢d訊息時, 真係比佢嚇親
標題emergency alert, 只睇得明標題, 內容完全唔知講咩….心諗有咩大事發生
大家都知南北韓關係幾好, 心怕有事起上黎, 人地政府通知埋你, 你都唔知咩事
經歷左逐粒字查字典階段, 依家終於睇得明呢d emergency alert 短訊

如果坐車收到時, 全車都會有响聲, 因為全國人民都會同時收到同一短訊
依家收到, 個心會淡定, 同時都會send個message比我家那位叫佢都小心d
收到訊息同時, 都被提醒左要關心下身邊人

由國民安全處發出短訊