【龍脊行山新手路線】港島「 龍脊 」是一個熱門行山地,早前有外國傳媒指這裡是「亞洲最佳市區遠足徑」,方便又易行!去之前不如睇下Joyee Walker點介紹啦!成條行山路線一目了然!

龍脊

難度:★★☆☆☆
長度:★★★☆☆
時間:約三小時
起點:筲箕灣港鐵站>巴士9號>土地灣
終點:大浪灣>紅色小巴>筲箕灣港鐵站

路線特色 : 位處港島,易行又景靚,CP值高,陽光沙灘與行山。但山頂至終點有一段頗悶的路程,可選擇落山後立即轉巴士離開。

宜:港島人、情侶、行山初哥、影山景、三五知己、一班麻甩佬(沙灘 你懂的)。
忌:追求難度之人。

沿途景點

01 | 打爛埕山頂

「龍脊」初段路都係上斜為主,影片1:33pm就會到山頂-打爛埕山頂,景色真係冇得輸,可以自拍夠本先走!

香港新手行山路線|龍脊易行景靚 交通方便 適合行山初哥

香港新手行山路線|龍脊易行景靚 交通方便 適合行山初哥

02 | 「龍脊」觀景台

再繼續一路行,1:54pm就會到「龍脊」觀景台,繼續睇靚景。

香港新手行山路線|龍脊易行景靚 交通方便 適合行山初哥

03 | 大浪灣停車場

基本上「龍脊」嘅景點已經行完,不過,如果大家想行沙灘,就可以去埋大浪灣。但由於大浪灣係終點,Joyee Walker日落後去已經影唔到相,如果大家想去,就建議早啲出發。

香港新手行山路線|龍脊易行景靚 交通方便 適合行山初哥

 「龍脊」 純文字攻略:

  1. 喺筲箕灣港鐵站A2集合,再喺巴士站搭9號巴士到土地灣落車,出發!
  2. 約5分鐘:有路牌,直走前往「龍脊」。
  3. 約15分鐘:有路牌同涼亭,直走前往大潭峽,右轉上山前往港島徑,請右轉上山。
  4. 約15分鐘:有路牌同涼亭,直走前往大潭峽,右轉上山前往港島徑,請右轉上山。
  5. 約30分鐘:到達屁股石。
  6. 約1小時:到達打爛埕山頂。
  7. 約1小時30分鐘:休息自拍咗30分鐘後再出發。
  8. 約1小時35分鐘:到達觀景台。
  9. 約1小時55分鐘:有路牌,左轉前往土地灣方向到巴士站搭9號巴士離開,右轉前往大潭峽方向前往終點大浪灣。
  10. 約2小時35分鐘:有路牌,左轉前往大潭峽方向到巴士站搭9號巴士離開,右轉前往大浪灣方向前往終點大浪灣(附近有緊急洗手間)。
  11. 約2小時45分鐘:有涼亭供休息。
  12. 約2小時50分鐘:有路牌,離開馬路往大浪灣方向行。
  13. 約2小時52分鐘:有路牌,直走前往小西灣,右轉落山前往大浪灣,請右轉。
  14. 約3小時5分鐘:落到山,穿過一堆小屋到達大浪灣停車場,繼續直走(因為天黑,我用最快速度下山,所以可以預多15分鐘落山)。
  15. 約3小時10分鐘:完成「龍脊」路段!
  16. 有小巴返到筲箕灣港鐵站。