好多人都知道銀聯卡唔收海外簽賬手續費,不過你又知唔知原來銀聯卡喺日本相當普遍,無論係撳錢定碌卡都好方便,而且唔少地方都有推廣優惠添!等MoneyHero.com.hk立即幫大家睇睇下銀聯卡喺日本有咩優惠!

用銀聯卡喺日本提款

銀聯卡喺日本已經相當普遍,一共有近50萬商戶以及8萬部ATM可以用銀聯卡,而且大部分都有中、英文介面方便遊客操作。如果需要撳錢,除咗可以去當地銀行嘅ATM機外(如三菱東京UFJ銀行、日本郵儲銀行、AEON銀行、三井住友銀行、瑞穗銀行同SEVEN銀行),你仲可以去7-11、LAWSON、部分FamilyMart分店,撳錢相當方便。大家可上銀聯官網查詢日本ATM詳細地址,但留意番當地銀行或會收取0-110日圓不等嘅取款服務費。

 

銀聯卡喺日本有咩優惠?

好多去旅行用銀聯卡都係貪佢唔收外幣交易手續費,但銀聯其實同唔少日本商戶都有合作推出優惠,雖然好多優惠都係減5%唔算太多,但加埋8%免稅其實都平唔少呀!以下就係部分精選優惠。

 1. 「暢遊九州,銀聯隨行」優惠

準備去九州旅行嘅朋友要留意!銀聯最近同九州觀光推進機構等當地組織合作搞咗個「暢遊九州,銀聯隨行」嘅活動,優惠包括:

  • 送500日圓優惠券
    銀聯卡客戶只要於參與活動嘅商戶內消費滿5,000日圓,就可以使用銀聯特別優惠券(500日圓),計番即係有9折!呢張可以喺福岡機場、長崎機場、北九州機場、佐賀機場、鹿兒島機場、新幹線或車前嘅指定商戶(如豐田租車同NIPPON租車)派發,適用商戶包括九州著名藥妝店Drug Eleven、食肆、服飾店等等。大家到九州旅遊時記得順便攞番張優惠券!
  • 指定商戶享5-10%折扣優惠
    除咗優惠券外,原來唔少九州商戶都推出銀聯專屬優惠,譬如喺福岡機場免稅店買滿2萬日圓就有92折,消費唔夠2萬日圓都有97折。喺福岡著名嘅購物景點天神地下街用銀聯卡簽賬,唔少商戶都會提供5-10%折扣,又或者送出精美禮品。按此了解銀聯九州優惠詳情

推廣期:即日起至2017年4月30日

 

2. 百貨公司折扣優惠

講到喺日本shopping,必去熱點梗係唔少得各大百貨公司啦!而家銀聯卡客戶去阪急百貨店、阪神百貨店近鐵百貨店丸井(OIOI)嘅指定分店購物都有95折優惠,而京王百貨店亦同樣有5%折扣同8%免稅優惠,不過除咗銀聯卡外,仲要出示埋有關優惠券至可以享有優惠!按此了解詳情
推廣期(近鐵百貨店):即日起至2017年6月28日
推廣期(京王百貨店):即日起至2017年6月30日
推廣期(丸井(OIOI):即日起至2017年12月31日
推廣期(阪急百貨店、阪神百貨店):即日起至2017年12月31日

 

3. 藥妝店松本清高達15%折扣

 

女士們喺日本其中1樣必做嘅就係去藥妝店掃大量化妝品同護膚品!松本清未必係最平嘅藥妝店,不過,如果你下載銀聯國際app就有折扣優惠!只要購物滿10,000日圓就可以減5%,同時再享8%免稅優惠;買滿30,000日圓就更享7%+8%免稅優惠。按此了解優惠詳情 (*提提你,其實下載松本清app或者加入松本清LINE都可以得到10%優惠券,雖然限期較短,而且部分商店都唔畀同8%免稅優惠同時用,但手上冇銀聯卡時,都至少有9折優惠吖!)

推廣期:即日起至2017年5月30日

 

4. 六本木Hills、表參道Hills、Laforet原宿、東京City View享折扣/ 限量贈品優惠

銀聯卡客戶喺森大廈旗下主要設施(包括六本木Hills、表參道Hills、維納斯城堡、ARK Hills、愛宕Green Hills、虎之門Hills、Laforet原宿、東京City View等等)超過200間商戶都有優惠。參與商戶包括各式食肆、時裝店同美容店提供85-92折等嘅折扣優惠,部分商店就會免費送贈品。譬如想睇東京都市全景,位於市中心嘅Tokyo City View係理想嘅地方,呢個觀景台鑲嵌着360度嘅玻璃牆,可以睇晒台場彩虹大橋、東京鐵塔、東京巨蛋同東京晴空塔等著名景點。而家用銀聯卡仲可以享有300日圓折扣(原價為1,800日圓)。如果持有銀聯鑽石卡或者銀聯白金卡嘅話,仲可享有特別優惠服務添!按此了解優惠詳情

推廣期:即日起至2017年5月7日

 

邊張銀聯卡最好?

講咗咁耐,到底邊張銀聯卡最好? 其實銀聯卡有好多選擇,好似Citibank Rewards 銀聯信用卡喺本地超市、百貨公司同電訊公司簽賬全年都有5X積分,而滙豐銀行銀聯雙幣鑽石卡就有「最紅自主獎賞計劃」,只要分配額外獎賞錢去海外消費類別,就可以賺取6倍獎賞錢。至於用渣打銀聯雙幣白金信用卡作海外消費就可以賺取2倍積分!

想知以上銀聯卡嘅特點同迎新優惠,立即睇:【信用卡攻略】嚴選必備銀聯信用卡

 

銀聯卡唔啱你?唔緊要!好多銀行嘅Visa同Master Card信用卡都一樣可以賺取豐富飛行里數同現金回贈,立即上MoneyHero.com.hk信用卡比較平台,搵出最佳飛行里數同現金回贈信用卡啦!