你可能有興趣的文章
全文：http://goo.gl/xNE4nG
又到新年,雖然呢幾年食環打壓香港特色小食夜市，但仍存數個地點有得食，不但有最好味嘅炭火烤魷魚，仲有正宗印尼仔沙爹串燒，最美味當然係外脆內軟嘅炭火格仔餅同埋雞蛋仔啦！
有一點我要講清楚,我影相之前係有問過小西灣既小販的
佢亦都知道我影相,有人直頭叫我影埋佢樣,我亦無咁做
能打格我已打格,我影相之前係有問過當事人才拍的
▼黃大仙、九龍灣區夜市情況按此
小西灣區
小販檔只可以於晚上出動,只限年29~初3,4天限定,要食快來!
1）基本魚蛋小食檔
木頭車小販,有咖哩魚蛋,勁入味,正！仲有墨魚呀，牛丸，豬耳唔同種類～加個甜醬食真係一絕！
早Ｄ來食，越夜越多人排隊呀！
夜D再睇又多左檔賣小食！，都係大同小異，但佢有黑墨丸～
2）HOW COOL：蒜泥芝士帶子烤菇
炭火烤！大磨菇上面放帶子再加芝士慢烤，睇見都流口水！即叫即烤，新鮮熱辣，只此一家，要食快手！＠＠
另一邊有間賣芝士雪糕撻!夜市有中式糖水就見得多,估唔到連咁潮嘅芝士撻都有！中間係芝士同雪糕，香香甜甜唔錯喎！
4）炭火烤乾魷魚
係咪好懷念呀~或者未見過呀~大澳都有嘅,不過而家市區都食到,有興趣過黎食啦!
用鐵網夾住個魷魚直接用炭火火力烤到佢收縮再用特製嘅夾輪夾佢幾野就可以食得啦！
大大隻魷魚即烤即食,加埋特製醬汁,配埋其他小食，真係回味過勁回味！
烤好之後用個夾輪推幾野～就變薄片啦～
同場仲有另一檔炭火烤魷魚～
標明價錢，２０蚊４隻迷你嘅～同我係大澳食嘅一樣價錢
細魷魚３５，中４５，大嘅好似係５５～
２０蚊細份，過下口引都唔錯！
5）炸丸檔
再過隔離～炸野，乜都炸得～魚蛋牛丸炸雞脾雞翼仲有炸番薯～
一個個嘅叫炸油池呀！入面有羅白絲等等嘅材料～
番薯切片上粉即炸！
仲有Ｄ雞翼呀～同埋腸仔個類，睇你想要咩啦自己有得選～
下一頁：重點推介燒烤檔 惹味醬汁超吸引
延伸閱讀
過年行大運 | 農曆年長假15個香港好去處
本地好去處 | 推介青草地野餐5大秘點
新年本地夜市開鑼 | 5大必食懷舊掃街檔
6）印尼燒烤
重頭戲係呢間印尼串燒，重點係佢個醬汁，超惹味，要辣嘅話真係好鬼辣下
烤得好有風味，一年一次，有得試一定要試佢～佢有好多唔同肉類可以選擇～ 牛豬羊雞鴨乜都有，不過我自己就一定食返串司華力腸！
牛扒加腸仔係最佳好友！
你睇下人龍都知幾受歡迎啦！
一邊燒一邊剪走燒黑嘅肉，食出黎真係唔會有燒焦味！
7）即整班戟
另一檔就係班戟～６蚊一件，２件十蚊，又平又抵食～
8）炭火烤雞蛋仔／格仔餅
另一檔就係用炭火烤雞蛋仔同格仔餅啦！真係唔食走寶，炭火雞蛋仔，香港幾乎絕種啦！
炭火去燒，火力柔中帶勁!唔係電爐能夠做到！
外型仲好過某某某大街出品添！
中間軟綿綿，外面脆身，呢種先係雞蛋仔～！比起明火，更加軟綿綿，食落同電爐整出黎嘅完全唔同，識食一定食炭烤！
13蚊咁抵，唔食就真係走寶啦！
9）生菜魚肉
仲有一檔就係生菜魚肉，即片即煮即上碗，加埋醋同胡椒粉真係正呀！
10）雞翼尖小食
另外小吃都有雞翼尖～２０蚊一盒～
下一頁：爆漿玉子燒兼睇柴灣情況
延伸閱讀
過年行大運 | 農曆年長假15個香港好去處
本地好去處 | 推介青草地野餐5大秘點
新年本地夜市開鑼 | 5大必食懷舊掃街檔
11）芝士玉子燒
夜D再落去又多左幾檔,今次有埋芝士玉子燒添呀!
１８蚊份芝士玉子燒，抵過另一間好多！仲有牛油粟米添！
加幾蚊仲可以追加芝士添！
另一檔爆漿玉子燒，舊年都見過＄３０一種口味，２款就３３,有泡菜，肉鬆，鴨胸，芝士等口味。
玉子燒即叫即做，有興趣可以一試，唔太差。
柴灣區
原來柴灣地鐵站都有２檔嘅，一檔係碗仔翅一檔係串燒～
Ｄ野就麻麻地啦，要食都係入小西灣啦！
下一頁：九龍區夜市 黃大仙熱鬧開市
延伸閱讀
過年行大運 | 農曆年長假15個香港好去處
本地好去處 | 推介青草地野餐5大秘點
新年本地夜市開鑼 | 5大必食懷舊掃街檔
農曆新年有什麼必做？
農曆新年將至，想換新銀紙及「迎新鈔」的大家注意！即睇換新鈔及「迎新鈔」安排。而一系列應節食品現正提供早鳥優惠，當中絕對不能缺少蘿蔔糕。另外，當然要先入手新年禮盒！為大家整合今年的賀年禮盒早鳥優惠。