我地喺澎湖嘅4日3夜都係住喺和田大飯店，為左體驗更多，3日我地都住唔同嘅房間，
每日拎到鑰匙嘅一刻都會好期待房間係點呢！
Day 1 海洋風格客房
第1日入住最高層樓嘅96號海洋風格客房，好有小島風情嘅感覺呢！
呢度有2個窗，一邊係碼頭嘅景色，由黃昏到日落天黑，都別具一番風格呢！
而另一邊係馬公市嘅街景，都好有風味架！
呢間房間嘅擺設好靚呀！有D復古海洋嘅風格，好有放假嘅感覺，好舒服呢！
失魂事件1:
話說我地到澎湖嘅第1日嘅前1晚，我地喺冇訓過XD
我地唱K、浸浴、打文章，搭早機再黎到澎湖之後，再繼續1日嘅澎湖本島行程！
回到酒店Check In後整理好已經是5時左右喇！
我就繼續打文章，Albey就已經累到要訓一陣，叫我7點叫佢起身，一齊去食晚飯！
7點我叫Albey起身嘅時候，佢坐左起身，開左眼，但雙眼係冇靈魂架！呆坐了……
之後我問：「你係咪未訓醒？」佢就行左去廁所，出黎再繼續訓！
好彩李大哥帶我地食左好多野，未肚餓，咁我就繼續打文章！
到8點幾，Albey自己醒左，就未做咩唔叫佢起身=0=|||
原來佢完全冇知覺呢！坐過起身、開過眼、去埋廁所完全冇印象！
到現在，我都仲好記得佢冇靈魂個雙眼，好恐怖呢！
好彩補眠之後，我地都仲有氣有力玩！
Day 2 精緻三人客房
第2日入住605號精緻三人客房，BAR檯嘅設計，方便我地晚上飲住杯野深情對話呢！
房間有一張單人同一張雙人床！
我雖然選左雙人床，結果我喺呢張Sofa嘅時間仲長過係張床呢！XD
從房間窗口望出去係尋日馬公市嘅街景，樓層低左，睇落反而更真實呢！
失魂事件2:
我地相處左幾日，慢慢就習慣大家嘅時間運用！
我鐘意半夜工作到完結為止再訓，而Albey就鐘意訓左先早上起身再工作！
所以基本上係我工作時Albey訓覺，Albey工作時就到我訓覺啦！
個晚李大哥邀請我地去食澎湖出名嘅宵夜，但我地因為工作推左！
原來李大哥外賣左比我地，我早上見到字條先知！
喺半夜，原來我打打下訓著左，仲識得自己Off 電腦！
Albey就半夜醒左，去拎外賣，仲寫左字條比我諗住我醒左可以睇到！
點知佢話我開左眼，有應佢，但我完全冇印象我醒過！！！
而佢累到出唔聲，只係指住字條，見我應左佢就安心訓喇！
哈哈！呢一刻我地真係覺得試玩員唔易做呢！
我地都好似挑戰緊自己極限咁！不過諗番起都覺得好好笑！
我地都好似累到冇左靈魂咁！將所有Energy用晒係玩同打文章呢！
Day 3 精緻四人客房
最後1晚我地入住 509號精緻四人客房，好寬敞，仲多左張床，好適合一家大細旅行住呢！
哈！咁我地就多左張床放野喇！XD
和田大飯店房間嘅浴室廁所都係先進和式，海洋風格客房仲有日式浴缸享受享受呢！
和田飯店的用餐區環境好舒服呀！
每朝出發前，我地都會係呢度一邊食早餐，一邊打文章呢！
喺櫃檯拎早餐券後，再到用餐區！
早餐好豐富呀！
感覺好悠閒呢！
【和田大飯店】
http://mhoteltw.com/
地址：台灣 880-49 澎湖縣馬公市民權路2號
電話：06-9263936
待續……
下篇：16天台灣環島遊：向墾丁出發
更多分享與交流：
Facebook: www.facebook.com/lifegoesonfreestyletraveler
lnstagram：york.york.freestyle_traveler
相關文章：
16天台灣環島遊：成為台灣試玩員
http://gotrip.hk/article/index.php?id=43446
16天台灣環島遊：出發尋找同伴篇
http://gotrip.hk/article/index.php?id=43457
16天台灣環島遊：結伴同行相處篇
http://gotrip.hk/article/index.php?id=43469
16天台灣環島遊：陽明山日出＋行山之旅
http://gotrip.hk/article/index.php?id=43497
16天台灣環島遊：試玩員不只是玩呢！
http://gotrip.hk/article/index.php?id=43505
16天台灣環島遊：欣賞台北夜景
http://gotrip.hk/article/index.php?id=43506
16天台灣環島遊：人生就是要享受
http://gotrip.hk/article/index.php?id=43515
16天台灣環島遊：出發澎湖篇
http://gotrip.hk/article/index.php?id=43519
16天台灣環島遊：澎湖本島1日遊（上）
http://gotrip.hk/article/index.php?id=43520
16天台灣環島遊：澎湖本島1日遊（下）
http://gotrip.hk/article/index.php?id=43521
16天台灣環島遊：日夜爽玩比基尼島（上）
http://gotrip.hk/article/index.php?id=43525
16天台灣環島遊：日夜爽玩比基尼島（下）
http://gotrip.hk/article/index.php?id=43527
16天台灣環島遊：被遺忘的島嶼
http://gotrip.hk/article/index.php?id=43532
16天台灣環島遊：藍洞探秘
http://gotrip.hk/article/index.php?id=43546
16天台灣環島遊：雙心七美島
http://gotrip.hk/article/index.php?id=43550
16天台灣環島遊：澎湖最新海上運動
http://gotrip.hk/article/index.php?id=43554
16天台灣環島遊：在馬公市遊走，在赤崁碼頭落跑！
http://gotrip.hk/article/index.php?id=43558
16天台灣環島遊：澎湖必吃美食(上）
http://gotrip.hk/article/index.php?id=43577
16天台灣環島遊：澎湖必吃美食(下）
http://gotrip.hk/article/index.php?id=43579