我同Albey 喺冇咩點訓情況下，行埋山……
落山唔係行程嘅終結，係作為試玩員真正嘅開始呀！
我地要返酒店Check Out 寄存行李，之後就要搵個地方食飯同好好打文章剪影片啦！
試玩員不只是玩呢！
黎旅行點都想食得地道D嘅，所以我地就問人，最後誤打誤撞，黎左一間好多本地人食午飯買飯盒嘅店啦！
雖然叫專業牛肉麵，但我地都係想食飯XDXD 哈！應該係行完山肚餓喇！
我嘅雞脾飯，好好食呀！
Albey嘅排骨飯，睇落都唔錯喎！
食飽飽開工！哈！開工都要搵個好有Mood嘅地方先得嘅！
我地就去台北下午茶好去處－赤峰街
行下行下，點解呢度有汽車、水電，都唔似有Cafe地方嘅？
呢度特色就係角落中會發現驚喜！
在赤峰街55巷中佈滿左好得意嘅圖鴉，有D 句子都好有意思架！
中山地下街R9出口有間R9 Cafe，呢度就係我地嘅工作地方喇！
R9 Cafe
地址：台北市大同區赤峰街41巷13號
營業時間：11am – 10pm （星期一休息）
聯絡號碼： (02) 2559-3159
坐係咁舒適嘅環境，一邊飲野、食甜品，一邊工作，幾寫意呢！
哈！其實個時我地仲係到諗緊點打好呢！萬事起頭難，我地各自都影左好多相，拍左片，大家諗野寫野角度可能好唔同，所以好多野都要傾同夾，真係一個好好嘅體驗呢！
我地嘅甜品－香蕉朱古力鬆餅，諗唔到野個時就食一啖先！呢個鬆餅可以配香蕉同雪糕，亦都可以淋上蜜糖或者奶油!
靠近R9出口有一個壁畫，畫左赤峰街嘅地圖同唔同店舖位置，下次可以睇住呢個地圖黎搵特色小店呢！
待續……
下篇：16天台灣環島遊：欣賞台北夜景
更多分享與交流：
Facebook: www.facebook.com/lifegoesonfreestyletraveler
lnstagram：york.york.freestyle_traveler
相關文章：
16天台灣環島遊：成為台灣試玩員
http://gotrip.hk/article/index.php?id=43446
16天台灣環島遊：出發尋找同伴篇
http://gotrip.hk/article/index.php?id=43457
16天台灣環島遊：結伴同行相處篇
http://gotrip.hk/article/index.php?id=43469
16天台灣環島遊：陽明山日出＋行山之旅
http://gotrip.hk/article/index.php?id=43497