澎湖好特別，有動有靜、有山有水，好多景點、好多地理景貌，識開機車的話一定覺得好正！可以自由自在鐘意去邊就去邊！
不過我同Albey都唔識開機車，所以喺澎湖呢四日裡面，我地嘅行程都係有當地導遊包接送架！
落機之後，黎自愛玩假期嘅當地導遊李大哥就黎接我地去酒店。
CHECK IN好之後，我地喺澎湖嘅行程就開始喇！
第1站：澎湖遊客中心
李大哥帶我地參觀澎湖遊客中心，仲解釋左好多澎湖嘅地理同特色，比我地對澎湖有左初步嘅認識同了解先。
呢度D 地圖同資料都好齊全，作為第1站幾好！
第2站：風櫃洞
呢度係聽海濤聲最好嘅地方呢！
因為海浪侵蝕形成左一個狹長嘅海蝕洞，當潮漲時海水灌入洞，洞內空氣受海水擠壓，就會發出陣陣嘅海濤聲！
呢度海天一色，好靚呢！
第3站：海產加工廠
途中我地見到有曬魚乾，李大哥見我地好奇，就停車比我地影下相。
雖然呢個唔係行程入面，但李大哥都同我地講解左好多。呢個就係私人團嘅好處啦！
感覺就似當地朋友帶你去玩呢！比自由行了解敢多，亦比跟團更自由！好好嘅旅行的方式呢！
第4站：青灣仙人掌公園
澎湖嘅天氣好適合仙人掌或者係一D 熱帶少水植物生長，我地黎到左仙人掌公園，了解到更多係澎湖嘅植物品種呢！
仙人掌
呢度仲有溫室培植仙人掌呢！
呢個係喺澎湖成日會見到嘅天人菊，估唔到小小嘅佢都可以抵受炎熱天氣呢！
呢個品種好似係以前大戰時候防止日本人登陸而種架，都係一D 充滿刺嘅呢！
仙人掌公園竟然會有動物？好似係話要豐富下呢個公園呢XD
第5站：山水
好正嘅沙灘呢！如果中午赤腳行落去就慘啦！因為D沙係超熱呢！我地好興奮咁衝過去赤腳行沙，點知熱到上返地XD
待續……
下篇：16天台灣環島遊：澎湖本島1日遊（下）
更多分享與交流：
Facebook: www.facebook.com/lifegoesonfreestyletraveler
lnstagram：york.york.freestyle_traveler
相關文章：
16天台灣環島遊：成為台灣試玩員
http://gotrip.hk/article/index.php?id=43446
16天台灣環島遊：出發尋找同伴篇
http://gotrip.hk/article/index.php?id=43457
16天台灣環島遊：結伴同行相處篇
http://gotrip.hk/article/index.php?id=43469
16天台灣環島遊：陽明山日出＋行山之旅
http://gotrip.hk/article/index.php?id=43497
16天台灣環島遊：試玩員不只是玩呢！
http://gotrip.hk/article/index.php?id=43505
16天台灣環島遊：欣賞台北夜景
http://gotrip.hk/article/index.php?id=43506
16天台灣環島遊：人生就是要享受
http://gotrip.hk/article/index.php?id=43515
16天台灣環島遊：出發澎湖篇
http://gotrip.hk/article/index.php?id=43519