Day 4 澎湖比基尼島-浮潛、水上活動、欣賞日落



喺澎湖嘅第2日,我地終於要出海啦!

出發前,我地好好彩可以見到比基尼島島主,更係要同佢合照下啦!島主睇落好年青呢!

由赤崁碼頭到比基尼島只需10分鐘船程。

Yeah! 我地到左喇!黎到比基尼島更係要著比基尼啦!(哈!想睇?睇片啦!XDXD)

日間,喺比基尼島不但可以浮潛,仲可以玩水上機車、甜甜圈、香蕉船、鴛鴦飛船等等多種水上活動,而且仲係任玩,你話幾爽呢!

我地首先去先玩浮潛,工作人員會先解釋救生衣嘅穿著方法同浮潛注意嘅事項。

之後要去租潛水衫!
呢次嘅浮潛方式同我之前喺澳洲玩好唔同。

澳洲個次係船停左,之後再自己拎水泡去玩!記得個時好大浪,仲將我飄到好遠呢!XD
而呢次比基尼島嘅浮潛係要捉住繩,頭向下望,等架船拖住大家去浮潛!唔洗驚被浪沖走呢!

哈!見唔見到我地呢?我地正正拉住繩,一邊開住船,一邊睇珊瑚礁呢!
不過我覺得架船就開得快左少少,都唔係好睇到既!我都係鐘意水泡形式多D!

浮完潛後,我地即刻去玩水上機車!興奮到唔記得左將潛水鏡還返去呢XD

呢度嘅水上活動下午5點前結束,所以我地浮潛之後就馬上跳上水上機車啦!
要玩水上活動,就要係呢D牌前面排隊喇!好在呢度人唔多,基本上都唔洗排隊直接玩XD
可以任玩仲唔洗排隊,超爽!

我最鐘意玩嘅水上機車,超有速度感,玩幾多次都唔會厭呀XD

玩到有D累就可以在休息一下,之後再玩!

玩鴛鴦飛船嘅時候,認識左一家黎自台灣嘅人!聽落覺得怪怪地,澎湖唔係都係喺台灣咩?唔通有原居民之分?2個小男孩好勇敢,玩嘅時候,手都唔洗捉著野,超勁!睇黎任玩嘅方式好適合佢地呢!XD

感覺上玩香蕉船應該幾累,只係坐上去影相已經好有困難啦!

玩夠左,我地就去比基尼島後方探險喇!
有好多海鷗徘徊,呢度散發著海的原味。

我地又想好似佢地咁飛!

呢度冇沖涼房,只有好原始嘅裝水嘅水桶用來淋身,而且係收費呢!

$10 台幣半桶水,$20 台幣1桶水,都唔會點沖得乾淨!=.=||
出來玩就豁出去吧!哈!

沖完涼剛剛好可以欣賞著比基尼島嘅日落!Relax~~一邊等晚上嘅行程開始!

想有我地嘅體驗?
【熱浪無人島】 比基尼島水上活動玩到爽 (一人成行,澎湖出發含接送)
https://www.kkday.com/zh-tw/product/2333?cid=2076

點知原來出發前有墨魚湯飯食XD
唔通釣之前食會好意頭D?

待續……

下篇:16天台灣環島遊:日夜爽玩比基尼島(下)

更多分享與交流:
Facebook: www.facebook.com/lifegoesonfreestyletraveler
lnstagram:york.york.freestyle_traveler

相關文章:

16天台灣環島遊:成為台灣試玩員
http://gotrip.hk/article/index.php?id=43446

16天台灣環島遊:出發尋找同伴篇
http://gotrip.hk/article/index.php?id=43457

16天台灣環島遊:結伴同行相處篇
http://gotrip.hk/article/index.php?id=43469

16天台灣環島遊:陽明山日出+行山之旅
http://gotrip.hk/article/index.php?id=43497

16天台灣環島遊:試玩員不只是玩呢!

http://gotrip.hk/article/index.php?id=43505

16天台灣環島遊:欣賞台北夜景
http://gotrip.hk/article/index.php?id=43506

16天台灣環島遊:人生就是要享受
http://gotrip.hk/article/index.php?id=43515

16天台灣環島遊:出發澎湖篇
http://gotrip.hk/article/index.php?id=43519

16天台灣環島遊:澎湖本島1日遊(上)
http://gotrip.hk/article/index.php?id=43520

16天台灣環島遊:澎湖本島1日遊(下)
http://gotrip.hk/article/index.php?id=43521