英超終於踢完,阿珍我連越位係咩都唔識,都無謂捱更抵夜睇香汗淋漓嘅靚仔,不過班姊妹啲男友就慘啲,位位小賭怡情都唔見一千幾百,我同姊妹們講,其實去旅行都有好多刀仔鋸大樹的方法,值博率高,而且無得輸,叫男友們投資喺旅行上,競投 航空公司upgrade 坐商務仲好!

01) 暗盤出價 Upgrade 坐商務

答過朋友網友無數咁多次嘅FAQ:「點先可以獲得 航空公司upgrade ? 」阿珍最近發現咗個新答案:競投!原來馬來西亞航空同阿提哈德航空都有自訂價upgrade,乘客喺買機票後落個暗盤價競投 upgrade,如果航班有位而標價又合適,出發前就會收到 航空公司upgrade 確認,馬來西亞航空就可以揀成功中標先比錢。記得幾年前國泰都有類似暗盤價競投 upgrade,行家S喺網上訂機票填信用卡資料畀錢時,彈出呢個暗盤競投選項,提示可用$1,000-$3,000 逐程upgrade,出發前收到email通知成功,結果$6,000 就可以坐商務來回首爾,平足三分一有多,仲賺埋商務艙里數同行李限額!真係好彩!

馬來西亞航空同阿提哈德航空都可以俾乘客暗盤價競投 upgrade

02) 自訂酒店價 隨時住賓館

除咗機票,Priceline (香港版改咗名叫hutchgo) 都有由你訂價的訂酒店、機票、租車的玩法,不過唔多聽見有朋友試過,其實我阿珍試過一次後就無再試,因為玩法係只可選擇城市地區和酒店星級,出價落標後如果成功就會即刻過數無得反悔,你知同地區都有分方便同唔方便,同星級酒店都有分新舊,所以都幾膽博膽,我當年資歷尚淺,暑假$900(加稅)住倫敦 Earls Court 殘舊 Holiday Inn ,當年如果資訊發達,識得住 30 鎊有交易的倫敦大學 Summer Hall ,嗰次旅行就更美好了……

用番Priceline 網站先有自訂價,hutchgo 係無嘅

下一頁:行內人揭秘|搭飛機免費upgrade

延伸閱讀:

坐長途機 | 如何適應時差問題?

地勤不會告訴你|搭飛機Upgrade 秘密