(Presented by EGL東瀛遊)

嚟到猴年,我哋嘅澳洲之旅都終於講到第3回合喇,今次輪到悉尼(Sydney)出場。歌劇院、大橋呢啲唔多講喇,反而想介紹下我同阿霏都印象深刻嘅3個離地位!唔係價錢貴嗰隻「離地」呀,真係玩到上幾百米高㗎!

1. 藍山270米玻璃底高空纜車

刺激度:★★★★☆
靚景度:★★★★★

藍山國家公園係Sydney必玩嘅,而呢款離地纜車就係其中一種遊覽方式。速度其實就唔高嘅,不過吊喺半空中,270米喎,百幾樓咁高喎!加埋個玻璃底,成件事即刻刺激晒!而且風景真係靚,就算少少畏高,都要頂硬上呀。

 

 

2. 傾斜52度森林礦車

刺激度:★★★☆☆
靚景度:★★★★☆

呢個係上落藍山嘅另一個選擇,本身已經斜,車廂入面嘅座位仲可以校斜啲!上唔係最正,落返嚟先好玩呀!雖然唔係好快,但斜度已令同車好多同胞坐到尖叫!我哋當然無咁做喇,淑女嚟㗎嘛。

覺得唔夠刺激嘅話,可以校斜啲個位,個制就喺圖中阿霏隻右手附近。

3. 98樓轉住食自助餐

刺激度:★☆☆☆☆
靚景度:★★★★☆

第3樣介紹都好離地,不過唔刺激,仲幾浪漫添。呢間250米高嘅旋轉餐廳,喺悉尼塔(Sydney Tower)入面,除咗食到好好味嘅Buffet,加埋靚景,真係無敵。而且Sydney唔似香港咁多高樓大廈,98樓已經夠晒Top,真係一望無際㗎喇。

悉尼塔係南半球第二高嘅觀光塔,無花無假,98樓離地餐廳360度無敵悉尼景呀!

 

後記

除咗呢3大離地玩意,悉尼仲有好多嘢玩㗎,有水族館、蠟像館、Fish Market超平海鮮等等,想知點正法?記得睇Video啦!睇完片記住去埋EGL Facebook FanPage玩有獎問答遊戲,獎品包括澳洲旅遊禮券同澳洲特色紀念品,唔好錯過啊。

識玩嘅你仲唔即刻登入EGL Facebook或以下網址贏取豐富獎品:
http://www.egltours.com/travel/showPromotion?id=8

延伸閱讀:霏雲闖蕩「瀛」遊塔斯曼尼亞8大必玩!
     霏雲闖蕩「瀛」遊阿德萊德5大必食!